ශ්‍රී ලංකා පොදුජන පෙරමුණේ මාතලේ දිස්ත්‍රික් බලමණ්ඩලයේ සහය ද ජනාධිපති රනිල් වික්‍රමසිංහ වෙත හිමිව ඇත.
ශ්‍රී ලංකා පොදුජන පෙරමුණේ මාතලේ දිස්ත්‍රික් බලමණ්ඩලය පාර්ලිමේන්තු මන්ත්‍රී, දිස්ත්‍රික් නායක ජනක බණ්‌ඩාර තෙන්නකෝන් ගේ ප්‍රධානත්වයෙන් , ක්‍රිඩා හා යෞවන කටයුතු රාජ්‍ය අමාත්‍ය රෝහණ දිසානායක හා ආරක්ෂක රාජ්‍ය අමාත්‍ය ප්‍රමිත බණ්‌ඩාර තෙන්නකොන් ගේ සහභාගිත්වයෙන් දඹුල්ලෙදි ඊයේ (04) රැස්වී ජනාධිපති රනිල් වික්‍රමසිංහ වෙනුවෙන් ඉදිරි ජනාධිපතිවරණයේ දී සහය පලකිරීමට ඒකමතිකව තීරණය කර ඇත.
මෙම බලමණ්ඩල හමුව සඳහා මාතලේ දිස්ත්‍රික්කයේ ශ්‍රි ලංකා පොදුජන පෙරමුණ නියෝජණය කරන සියලු ආසන සංවිධායකයන් සහ කැඳවුම්කරුවන්, හිටපු පළාත් සභා අමාත්‍යවරුන් සහ මන්ත්‍රීවරුන්, හිටපු පලාත් පාලන ආයතන ප්‍රධානීන්, නියෝජිතයන් සහ පළාත් පාලන ආයතන අපේක්ෂකයන් සහ පක්ෂයේ දිස්ත්‍රික් අනුබද්ධ සංවිධාන ප්‍රධානීන් රැසක්ම සහභාගි වී තිබිණ.
(Hassan Muzaly) 
