ජාත්යන්තර මූල්ය අරමුදලේ කොන්දේසි වෙනස් කර ජන ජීවිතය පවත්වාගෙන යෑම සඳහා සහනශීලී ආර්ථික වැඩපිළිවෙළක් සකසා දෙන බව සමගි ජන බලවේගයේ
කොළඹ දිස්ත්රික් මන්ත්රී ආචාර්ය හර්ෂ ද සිල්වා පාර්ලිමේන්තුවේදී ඊයේ (07) පැවසීය.
විදේශීය ණය බරකින් යුක්ත වන මේ රට එම ණය ගෙවීම සඳහා ඉපැයිය යුත්තේ රුපියල් නොව ඩොලර් බවත් ඒ අනුව අපනයන අභිමුඛ ආර්ථිකයක් හරහා ඩොලර් ඉපැයීමට වැඩපිළිවෙළක් සකසා ඇති බවත් මන්ත්රීවරයා පැවසුවේය.
2024 වර්ෂයේ මුල් කාර්තුවේදී අත් කරගත් ආර්ථික වර්ධන වේගය තවදුරටත් ශක්තිමත් කරමින් රට සංවර්ධනය කරා ගෙනයෑමට අවශ්ය සහාය ලබා දිය යුතුය යන කල් තැබීමේ විවාදයට එක්වෙමින් මන්ත්රීවරයා මේ බව කියා සිටියේය.
මන්ත්රීවරයා මෙසේ ද පැවසුවේය.
''ජාත්යන්තර මූල්ය අරමුදල සමඟ අත්සන් කළ ගිවිසුම්වල ව්යුහාත්මක වෙනසක් කළ යුතුයි. එය කළ හැකියි. අපේ රජයකින් අප එය කරනවා. සියයට 30ක ලාභයක් ගැනීමට බදු ගැසීම අප කරන්නේ නැහැ. අපේ ව්යවසායකයන් දිරිගැන්වීමට පියවර ගන්නවා. ජනතාවගේ බදු බර අඩු කරමින් සහන ලබාදෙනවා.
ගෝඨාභය මහතා රට හැර යන විට අප පැනලා ගියේ නැහැ. අපට කතා කරලා සාකච්ඡා කළා. එවකට පැවැති ආර්ථික තත්ත්වය සැබෑවටම අප දැනන් හිටියේ නැති නිසා අප අමාරුයි කීවා තමයි. මොකද එකල පැවැති ආණ්ඩුව නිවැරදි ලෙස රටේ ආර්ථික තත්ත්වය අපට ප්රකාශ කළේ නැහැ. ආර්ථික පරිවර්තන පනතේ මූලික හරයට එකඟයි. අයි.එම්.එෆ්. සමඟ එක්ව කරන ඇතැම් දේවලට තමයි අප එකඟ නොවන්නේ.
ආර්ථිකය ප්රතිසංස්කරණය කළ යුතුමයි. එසේ නැතිව ආර්ථික අර්බුදයෙන් ගොඩඒමට නොහැකියි. තාක්ෂණය ගෙනැවිත් ව්යවසායකයන් එකතු කරමින් ආර්ථිකය ගොඩනංවා ලබා ගන්නා ආර්ථිකය ජනතාව අතර බෙදා හැරීම. අපේ අරමුණ ඒක. ජාතිකත්වය ගැන අපට ලොකු හැඟීමක් තිබෙනවා. ලාංකිකයන් ලෙස අප අනෙක් පක්ෂ සමඟ එක්ව සිටිනවා. විපක්ෂ නායකවරයා වටා පක්ෂ පාට භේදයකින් තොරව එක්ව සිටිනවා. රටේ ජනතාව බැඳ ඇති දම්වැල් ලිහා දැමීමට අප කටයුතු කරනවා. ආහාරවලට සියයට 18ක වැට් එකක් ගැසීමට ආණ්ඩුව සැලසුම් නොකරන්නේ නම් ඒ බව නැඟිටලා කියන්න.
අයි.එම්.එෆ්. ගිවිසුමේ ඉස්පිල්ලක් පාපිල්ලක් වෙනස් කරන්න එපා කියලා සජබයේ අපට කියනවා. අපට ඔවුන් වෙනස් කරන්න එපා කීවාට අප වෙනස් කරනවා. අපනයන අභිමුඛ ආර්ථිකයක් හරහා ඩොලර් ඉපැයීමට අප සැලසුම් කරනවා. මෙරට බදු ප්රතිපත්ති වෙනස් කරනවා. බදු වෙනස් කළ හැකියි. වගකීමකින් මම කියන්නේ.
IMF ගිවිසුමේ කිසිදු මිනුම්දණ්ඩක් වෙනස් කළ නොහැකියි- ජනාධිපති
මේ අතර ජනාධිපති රනිල් වික්රමසිංහ පවසන්නේ, IMF ගිවිසුමේ කිසිදු මිනුම්දණ්ඩක් වෙනස් කළ නොහැකියි බවයි.
ජනාධිපතිවරයා එම කාරණය අවධාරණය කර සිටියේ, මාධ්ය ප්රධානීන් සමඟ ඊයේ (7) කොළඹ සිනමන් ග්රෑන්ඩ් හෝටලයේ පැවති හමුවට එක් වෙමිනි.
එහිදී ඔහු මෙසේද පැවසිය.
“ජාත්යන්තර මූල්ය අරමුදල සහ අපට ණය දෙන රටවල් සමඟ ඇති කරගෙන තිබෙන ගිවිසුම් එකක්වත් කඩ කිරීමට හැකියාවක් නැහැ. එසේ කළ හොත් අපට මුදල් ලැබෙන්නේ නැහැ. එවිට අපේ රටේ ආර්ථිකය නැවත කඩාවැටෙනවා. විවිධ පාර්ශ්වවලට විවිධ පොරොන්දු දිය හැකියි. එහෙත් ඒවා ඉටු කිරීමට හැකියාවක් නැහැ. එවිට වැට් බදු තවත් වැඩි කිරීමට සිදු වනවා. එයයි සත්ය තත්ත්වය. අප සත්ය ප්රකාශ කර රට බේරා ගැනීමට සූදානම්ද? නැත්නම් බොරු කියලා බලය ගැනීමට සූදානම්ද? කියා සිතිය යුතුව තිබෙනවා. ඒ නිසා රජය ආරම්භ කළ මේ වැඩසටහන් ඉදිරියට ගෙන යෑමේ වරම මා ජනතාවගෙන් ඉල්ලා සිටිනවා.”
