දැනට රට තුළ, රජයේ රෝහල්වල හා පුද්ගලික අංශයේ ඉන්සියුලින් හිගයක් ඇතිවී තිබෙන බවට වාර්තා වී ඇති බවත් ඉන්සියුලින්වල ශීතදාමය පවත්වා ගෙන යා යුතු හෙයින් දැනට රජයේ රෝහල්වලින් ඖෂධ බෙදා හැරෙන තැපෑල මගින් ඉන්සියුලින් බෙදාහැරීමට නොහැකි බැවින් මේ සඳහා වැඩපිළිවෙලක් සකසන ලෙස සමස්ත ලංකා වෛද්‍ය නිලධාරීන්ගේ සංගමය සෞඛ්‍ය සේවා අධ්යක්ෂ ජනරාල්වරයාගෙන් ඉල්ලීමක් කරයි.
සමස්ත ලංකා වෛද්‍ය නිලධාරී සංගමයේ ප්‍රධාන ලේකම් වෛද්‍ය ජයන්ත බණ්ඩාරගේ අත්සනින් සෞඛ්‍ය සේවා අධ්යක්ෂ ජනරාල්, විශේෂඥ වෛද්‍ය අනිල් ජාසිංහ වෙත ඊයේ (03) ලිපියක් යොමු කරමින් මෙම ඉල්ලීම සිදුකර ඇත.
මෙම තත්වය හමුවේ උග්‍ර දියවැඩියා රෝගීන්ට ඉන්සියුලින් නොලැබී යාම නිසා ඔවුන් බරපතල සංකූලතාවලට ගොදුරුවීමේ අනතුරකට මුහුණ පා සිටින හෙයින් හෘදයාබාධ, අංශබාග වැනි සංකූලතාවලට ගොදුරුවීමේ වැඩි අවධානයක් ඇති අතර එසේ වුවහොත් එය සෞඛ්‍ය සේවාවට විශාල අමතර බරක් වනු ඇති බවද එමගින් සඳහන් කර තිබේ.
එබැවින් සෑම ඉන්සියුලින් භාවිතා කරන රෝගියෙකුටම ඉන්සියුලින් ලැබීම සහතික කරන ක්‍රියාමාර්ගයක් ගන්නා ලෙස සමස්ත ලංකා වෛද්‍ය නිලධාරීන්ගේ සංගමය ඉල්ලා ඇත.
Telehealth : ඖෂධ වට්ටෝරු ඩිජිටල් වෙයි !
කොරෝනා වයිරසය ඕස්ට්‍රේලියාවේ සිග්‍රයෙන් පැතිරීමත් සමග ඔස්ට්‍රේලියාවේ සෞඛ්‍ය පද්ධතියේ විවිධ සංශෝධන සිදු කිරීමට එරට මධ්‍යම රජය පියවර ගෙන තිබේ.
ඕස්ට්‍රේලියානු මධ්‍යම රජය හඳුන්වා දුන් සීමා කිරීම් අනුව පුද්ගල දුරස්ථභාවය පිළිබඳ නීති දැඩි කිරීමට සියලුම ප්‍රාන්ත තීරණය කර තිබේ.
මෙම හේතු නිසා ඇතැම් වෛද්‍ය මධ්‍යස්ථාන වල දී පවුලේ වෛද්‍යවරයාව සාමාන්‍ය පරිදි මුහුණට මුහුණ මුණ ගැසී වෛද්‍ය සේවා ලබාගැනීමට මේ වන විට නොහැකි වී තිබේ.
ඕස්ට්‍රේලියාවේ බොහෝ රෝහල් වල සහ වෛද්‍ය මධ්‍යස්ථාන වල Telehealth සේවාවන් ක්‍රියාත්මක වන අතර නුදුරේදීම ඖෂධ වට්ටෝරුද අන්තර්ජාලය ඔස්සේ හෝ කෙටි පණිවිඩයක් හරහා ලබා ගැනීමට හැකියාව ලැබේ.
ඒ පිළිබඳ වැඩි විස්තර පහත වීඩියෝවෙන් නරඹන්න.
