හම්බන්තොට දිස්ත්‍රික්කයේ පොදුජන පෙරමුණේ පළාත් පාලන ආයතන නවයක හිටපු සභාපතිවරුන් මෙවර
ජනාධිපතිවරණයේ දි පොහොට්ටු අපේක්ෂකයා මඟහැර ස්වාධින අපේක්ෂක රනිල් වික්‍රමසිංහ ට සහාය දැක්විමට එකඟතාවය පලකරති.
හම්බන්තොට දිස්ත්‍රික් පළාත් පාලන ආයතන ප්‍රධානීන්ගේ සංසදය මාධ්‍ය හමුවක් කැඳවමින් නියෝජ්‍ය කථානායක අජිත් රාජපක්ෂ ගේ මූලිකත්වයෙන් මෙම එකඟතාවය ප්‍රකාශයට පත්කළේය.
එ අනුව හම්බන්තොට මහනගර සභාව, හිටපු නගරාධිපති ගාමිණි ශ්‍රී ආනන්ද, තිස්සමහාරාමය ප්‍රා දේශිය සභාව, හිටපු සභාපති උපුල් විතාරන ගමගේ, හම්බන්තොට ප්‍රා දේශිය සභාව, හිටපු සභාපති අනුර සමරතුංග, අම්බලන්තොට සභාව හිටපු සභාපති දර්ශන සංජිව, කටුවන හිටපු සභාපති මහින්ද ගමාච්චි, බෙලිඅත්ත හිටුප සභාපති සිරිල් මුණසිංහ, අඟුණකොලපැලැස්ස සභාපති ගාමිණී වීරබද්ධන, සූරියවැව හිටුප සභාපති ජනක එරන්ද, ලුණුගම්වෙහෙර හිටපු සභාපති රසික දිනේෂ් මෙවර ජනාධිපතිවරණයේ දි රනිල් වික්‍රමසිංහට සහාය පලකිරීමට එකඟ වූ බව නියෝජ්‍ය කථානායක අජිත් රාජපක්ෂ මෙම මාධ්‍ය හමුවේ දි කීය.
හම්බන්තොට දිස්ත්‍රික්කයේ පළාත් පාලන ආයතන 12 ක් පවතින අතර එක් පළාත් පාලන ආයතනයක් පමනක් සමගි ජනබලවේගය පාලනය යටතේ පැවැති බවත් ඉතිරි පළාත් පාලන 11 අතරින් නමයක්ම සභාපතිවරු එකඟතාවය පලකර ඇති අතර, සභා දෙකක් පමනක් විරකැටිය හා තංගල්ල ස්වාධිනව සිටින බවද අජිත් රාජපක්ස වැඩිදුරටත් කීය.
(lankadeepa.lk -සනත් ගමගේ)
