සත්‍ය සෙවීමේ කොමිසම් පනත මගින් ආරක්ෂක හමුදා පාවාදීමේ මෙහෙයුමක් ක්‍රියාත්මක වන බව පවසමින්,
එය පරාජය කිරීම සඳහා වන එකඟතා ලියවිල්ලකට සර්වජන බලය සහ ජාතික සංවිධාන 65ක නියෝජිතයින් අද (29) අත්සන් තැබීය.
ඒ, සර්වජන අපේක්ෂක ව්‍යවසායක දිලිත් ජයවීරගේ ප්‍රධානත්වයෙන් පැවති උත්සවයකදීය.
ආරක්ෂක හමුදා සාමාජිකයින් යුධ අධිකරණයට ගෙනයන මෙහෙයුම පරාජය කිරීම තේමා කරගත් එකඟතා ලියවිල්ලකට සර්වජන බලය සහ ජාතික සංවිධාන නියෝජිතයින් අත්සන් තැබුවේ නුගේගොඩ පැවති උත්සවයකදීය.
මේ අතර, ජාතික සංවිධාන එකමුතුවේ හැට වැදෑරුම් සමාජ සම්මුතිය සහ ආරක්ෂක හමුදාවන් ජාත්‍යන්තර යුද අධිකරණයට ගෙනයාම වැළැක්වීමට ගෝලීය ශ්‍රී ලාංකික සංසදය සකස් කළ 'රණවිරු විත්ති වාචිකය' එහිදී සර්වජන අපේක්ෂක දිලිත් ජයවීර වෙත පිළිගැන්වුණි.
මෙහිදී අදහස් දැක්වූ සර්වජන අපේක්ෂක, ව්‍යවසායක දිලිත් ජයවීර,
යුද විරුවන්ට සුද්දන් ලවා දඬුවම් කරවන්න හදනවා ..
"ඊයේ පෙරේදා දම්පාටින් ආපු ප්‍රතිපත්ති ප්‍රකාශනයේ 230 වැනි පිටුවේ සඳහන් වෙනවා... 'සත්‍ය හා ප්‍රතිසන්ධාන කොමිසමේ ක්‍රියාකාරීත්වය පුළුල් කිරීම..' පුළුල් කරන්නේ මොකටද? යුද විරුවන්ට සුද්දන් ලවා දඬුවම් කරවන්න. මම ඉතාම වගකීමෙන් කියනවා... මගේ ජීවිත කාලය තුළ රණවිරුවන් රැකීමට සියලුදේ කරනවා."
