මෙවර ජනාධිපතිවරණයට ඉදිරිපත් වීම සදහා නාම යෝජනා භාරදී සිටින මාතර දිස්ත්‍රික් හිටපු පාර්ලිමේන්තු මන්ත්‍රී ප්‍රේමසිරි මානගේ, සමගි ජන බලවේගයේ ජනාධිපතිධුර අපේක්ෂක සජිත් ප්‍රේමදාස ට සහාය දීමට ඉදිරිපත් විය.
සමගි ජනබලවේගය විසින් තංගල්ල නගරයේ පැවැත්වු ජන රැලියටද සහභාගී වූ ඔහු එහිදී සජිත් ප්‍රේමදාස ට සහාය පලකරමින් කතාවක්ද පැවැත්වීය.
දීර්ඝ කාලයක් ජනතා විමුක්ති පෙරමුණේ ක්‍රියාකාරිකයකු ලෙස කටයුතු කර ඇති ප්‍රේමසිරි මානගේ, එම පක්ෂය නියෝජනය කරමින් පාර්ලිමේන්තුවටද තේරී පත්විය.
පසුව ඔහු එම පක්ෂයෙන් ඉවත් වී ශ්‍රී ලංකා පොදුජන පෙරමුණට සහාය දැක්වීය. ඒ අතරතුර දී මෙවර ජනාධිපතිවරණය සදහා ස්වාධීන අපේක්ෂකයෙකු ලෙස නාම යෝජනා භාරදී තිබුණි.
(ada.lk -ක්‍රිෂාන් ජීවක ජයරුක්)
