මහපොළොවේ යථාර්ථය තේරුම්ගෙන ජනතාවත් සම ජීවත්වන තමා දිවිහිමියෙන් රට හැර යන්නේ නැතැයි ශ්‍රී ලංකා පොදුජන පෙරමුණේ
ජනාධිපතිධූර අපේක්ෂක, පාර්ලිමේන්තු මන්ත්‍රී නාමල් රාජපක්ෂ පැවසී ය.
තමා රට අතහැර යාමට දේශපාලනය කරන අයෙකු නොවන බවත්, තමන් ඇතුළු පිරිසක් රටින් පලා යාවි යැයි බලා සිටි බොහෝ අයට රිදෙන්නේ පලා නොගිය නිසා බවත්, ඒ නිසා තමා අභියෝගවලට බිය නොමැති බවද හෙතෙම පැවසී ය.
නාමල් රාජපක්ෂ මෙම අදහස් පළ කළේ තංගල්ල, වාඩිගල පොළ භූමියේ පැවැති ශ්‍රී ලංකා පොදුජන පෙරමුණ තංගල්ල ආසන බලමණ්ඩල රැස්වීම අමතමිනි.
එහිදී වැඩිදුරටත් අදහස් ප පළ කළ නාමල් රාජපක්ෂ...
රාජ්‍ය සේවකයින්ගේ ගෞරවය නැති කරන්න හදනවා
‘‘මේ රටේ ජනතාව සාධාරණ ක්‍රමවේදයකට බදු ගෙවන්න සූදානම්. රාජ්‍ය ආදායම දේපළ විකිණීමෙන් එහාට ගොස් බදු නොවන ආදායම වැඩිකර ගතයුතු වෙනවා. ඒ වගේම රාජ්‍ය සේවයේ ගෞරවය රැකිය යුතු වෙනවා. අද බොහෝ දේශපාලන වේදිකාවල රාජ්‍ය සේවකයන්ට පඩි වැඩිකරනවා කිය කිය ඔවුන්ගේ ගෞරවය නැති කරන්න උත්සාහ කරනවා. අපි ගෞරවය ආරක්ෂා කරනවා. උද්ධමනයට සාපේක්ෂව රාජ්‍ය සේවයකයන්ගේ වැටුප් වැඩිකළ යුතු වෙනවා. ඒක දේශපාලන වේදිකාවේ කරන්න ඕන කාරණයක් නොවෙයි. ඒක මැතිවරණයක් ළංවනවිට කරන්න ඕන දෙයක් නොවෙයි. ඒක රාජ්‍යයක් ලෙස කළයුතු කාරණයක්. පොලිස් නිලධාරියාගේ රාජකාරියට දේශපාලඥයන් මැදිහත් වියයුතු නැහැ. සාධාරණ ක්‍රමවේදයක් තුළ ක්‍රියාත්මක වියයුතු වෙනවා. රණවිරුවන්ගේ ගෞරවය ආරක්ෂා කරන්න දේශපාලඥයන් මැදිහත් වියයුතු නැහැ. රටේ මුල්බැස ගත් දේශපාලන සංස්කෘතියක්, ප්‍රතිපත්තියක් සහ වගකීමක් තිබිය යුතු වෙනවා ඔවුන්ගේ ගෞරවය ආරක්ෂා කරන්න.
තරුණ පරපුර හිතන විදිය අපි දන්නවා
අපි යළිත් වරක් කරන වැඩ
අපේ දැක්ම සහ වැඩ පිළිවෙළ
සෑම පළාතක් ම සම්බන්ධ කරගමින් අධිවේගී මාර්ග ආරම්භ කරනවා. ඒ සියලු පළාත් යා කරමින් අපි විසි දෙවෙනිදායින් පසුව ආර්ථික විප්ලවය ආරම්භ කරනවා. ඒ වගේම තමයි අපේ රටේ දේශීය ආර්ථිකය අපි දියුණු කරන්න ඕනෙ. ගමේ ගොවියා, ව්‍යාපාරිකයා, ව්‍යවසායකයා අපි ශක්තිමත් කරන්න ඕනෙ. එදා හම්බන්තොට වරාය හදලා, අධිවේගී මාර්ග හදලා ක්‍රීඩා ගම්මාන පිහිටෙවුවෙ ඇයි ? මේ රටේ ජීවත්වෙන අහිංසක අම්මගෙ තාත්තගෙ දරුවට නූතන ලෝකයේ රැකී රක්ෂාවලට යන්න පුළුවන් වපසරියක් හදන්න. කොතලාවල ආරක්ෂක පීඨය විශ්වවිද්‍යාලයක් කරේ ඇයි? මහින්ද රාජපක්ෂ ජනාධිපතිතුමා සාගර විශ්වවිද්‍යාලය පටන් ගත්තෙ ඇයි ? අපිට දැක්මක් සහ වැඩපිළිවෙළක් තිබුණා. අපි විශ්වාස කළා අපේ රටේ ගමේ අම්මා තාත්තගෙ දරුවට හොඳ අධ්‍යාපනයක් දෙන්න ඕනෙ කියලා. මහින්ද්‍යෝදය විද්‍යාගාරය, තාක්ෂණ පීඨය හරහා තාක්ෂණ ක්ෂේත්‍රයට මේ රටේ දරු පරම්පරාව යොමු කරා; යොමු කළා විතරක් නෙමෙයි අපිට ඉලක්කයක් තිබෙනවා ඉදිරි අවුරුදු පහ ඇතුළත, ඊළඟ අවුරුදු දහය ඇතුළත මේ රට තුළ දේශීය සහ විදේශීය රැකියා අවස්ථා ලක්ෂ විස්සක් නිර්මාණය කරන්න අවශ්‍ය වැඩපිළිවෙළ අපි ගාව තිබෙනවා.
අපේ ගම, නගරය හැදෙනවාට අපි කැමැතියි. අපේ දේශපාලන වේදිකාව පොරොන්දු දේශපාලන වේදිකාවක් නොවෙයි. අද ප්‍රතිපත්ති ප්‍රකාශ දෙස බැලූවිට එක්කෙනෙකුට එක්කෙනෙක් නොදෙවෙනි පොරොන්දු ලබාදෙනවා. එක්කෙනෙක් අවුරුද්දකට වරක් පඩි වැඩිකරනවා කියනවා. අනෙක් කෙනා මාස හයකට වරක් පඩි වැඩිකරනවා කියනවා. එක්කෙනෙක් විසි පන්දහසක් කිවුවොත් අනෙක් කෙනා කියනවා පනස් දහසක් කියලා. ග්‍රාමීය සංවර්ධන වැඩපිළිවෙළක් ආරම්භ කරනවා. සමහර වෙලාවට කියනවා පොහොට්ටුව දැන් වැඩක් නැහැ කියලා. පාක්ෂිකයන්ගෙන් රැස්වීමට යන්නෙ ඇයි ? ඡන්දෙ දෙන්නෙ ඇයි ද කියලා අහනවා. අපිට විශ්වාසයි මේ රටට ආදරය කරන ජනතාව සැප්තැම්බර් මාසෙ විසි එක්වැනිදා උදේ පාන්දරින්ම ගිහින් පොහොට්ටුව ඉස්සරහින් කතිරෙ ගහලා මේ මාතෘභූමියේ නතර වුණ සංවර්ධනය නැවත වතාවක් ආරම්භ කරන්න අවශ්‍ය දායකත්වය ගන්නවා කියලා.
පොරොන්දු දේශපාලනයෙන් අපේ වේදිකාව ඈත් කරනවා. ප්‍රතිපත්තිවලට අපි යායුතු වෙනවා. ප්‍රතිපත්තියක් නොමැති අයට බොරු පොරොන්දු දෙන්න පුළුවන්. අවංකව වැඩිකල් දේශපාලනය නොකරන අයටත් බොරු පොරොන්දු දෙන්න පුළුවන්. ඒ අයගේ දේශපාලනය එක් මැතිවරණයකින් අවසන්. අපිට බොරු පොරොන්දු දෙන්න බැහැ. අපේ දේශපාලනය පටන් ගත්තා පමණයි. අපි අවුරුදු ගණනාවක් මේ රටේ ජනතාව සමඟ දේශපාලනය කර තිබෙනවා. ඒ නිසා තවත් අවුරුදු ගාණක් දේශපාලනය කරනවා. ඒ නිසා අපි පුළුවන් දේ පැහැදිලිවම පුළුවන් කියා කියනවා. කියන දේ කරනවා වගේම කරන දේත් අපි බියක් නොමැතිව කියනවා. මේ පණිවුඩය ගමට ගෙනයන්න. අපි ගමට ඇවිත් අපේ ජනතාව සමග කතා කරනවා. මම කුඩා කාලයේ සිට හැදුණු වැඩුණු තැන මේ තංගල්ල. අපි සමග පෙර පාසල් ගිය අය මේ ස්ථානයේ ඉන්නවා. අපි වසර ගණනාවක් දැවැන්ත සම්බන්ධතාවයක් සහ බැදීමක් සමඟ ගොඩනැඟුණු ප්‍රදේශයක්.’’
විදුලිබල හා බලශක්ති රාජ්‍ය ඇමැති ඩී. වී. චානක, බදුල්ල දිස්ත්‍රික් පාර්ලිමේන්තු මන්ත්‍රී ජානක තිස්සකුට්ටිආරච්චි, දකුණු පළාත් සභාවේ සභාපති සෝමවංශ කෝදාගොඩ, දකුණු පළාත් සභාවේ හිටපු ඇමැති ඩී. වී උපුල් ඇතුළු විශාල පිරිසක් මේ අවස්ථාවට එක්ව සිටියහ.
