ශ්‍රී ලංකා නිදහස් පක්ෂයේ කොළඹ දිස්ත්‍රික් නායක ෆයිසර් මුස්තාපා ඉදිරි ජනාධිපතිවරණය සඳහා රනිල් වික්‍රමසිංහට සහය පළ කරමින් ගෙයින් ගෙට
ගොස් ප්‍රචාරණ කටයුතු ආරම්භ කර තිබේ.
අද (16දා) මොරටුව ප්‍රදේශයේ ප්‍රදේශවාසීන් සහ ව්‍යාපාරිකයන් සමඟ පැවති ප්‍රචාරක රැස්වීම්වලදී මුස්තාපා මහතා මීළඟ ජනාධිපතිවරයා ලෙස රනිල් වික්‍රමසිංහ තෝරා ගැනීමේ වැදගත්කම අවධාරණය කර ඇත.
විශේෂයෙන්ම වික්‍රමසිංහගේ නායකත්වය යටතේ අර්බුධකාරී සමයේ ගෑස්, විදුලිය සහ අත්‍යාවශ්‍ය භාණ්ඩ හිඟය විසඳුම් ලබාදීමද රට මුහුණ දුන් ආර්ථිකය ගැටළු හමුවේ ස්ථිර, තිරසාර විසඳුම් ලබාදීමත් හේතුකොට ගෙන ජනාධිපති වික්‍රමසිංහ යළිත් ජනපතිධූරයට පත්කළ යුතුබවට ඔහු වැඩි දුරටත් සඳහන් කර ඇත.
