ජනපතිවරණයේදී රනිල් වික්‍රමසිංහ ට සහාය දුන් සියලු බලවේග ඒකරාශී කර ගනිමින් ඒකාබද්ධ පුළුල් සන්ධානයක් හදා මහ මැතිවරණයේදී
ප්‍රබල විපක්ෂයක් ගොඩනඟන බව හිටපු පාර්ලිමේන්තු මන්ත්‍රී මහින්දානන්ද අලුත්ගමගේ පැවසීය.
හිටපු ජනාධිපති රනිල් වික්‍රමසිංහ ගේ ප්‍රධානත්වයෙන් නව සන්ධානය බිහිකරන බවද අලුත්ගමගේ ඳහන් කළේය.
හිටපු ජනාධිපති වික්‍රමසිංහ, නව සන්ධානයට නායකත්වය දුන්නද ඔහු මහ මැතිවරණයට තරඟ කරන්නේ හෝ ජාතික ලැයිස්තුවෙන් පාර්ලිමේන්තුවට එන්නේ නැතැයි දැනුම් දී තිබෙන්නේ යැයිද අලුත්ගමගේ කීය.
ගෝඨාභය ජනාධිපතිවරයා කළ දේම දැන් අනුර කුමාර ජනාධිපතිවරයාත් කරමින් සිටින බව කී අලුත්ගමගේ, ගෝඨාභයත් ජනාධිපති වූ සැණින් ජනාධිපති කාර්යාලයේ වාහන 993ක් වෙනත් ආයතන වලට බෙදා දෙමින් ජනාධිපති කාර්යාලයේ දවල් බත් වේල කපා හරිමින්, කිරි තේ වෙනුවට ප්ලේන්ටි දෙමින්, ජනපති මැදුර වෙනුවට පුංචි ගෙදරක ජීවත් වෙමින් කටයුතු කළ බව පැවසීය.
ජනතාව වැඩි බලාපොරොත්තු තියාගෙන ආණ්ඩු හැදූ විට එම පාලනය ගෙනයාම ඉතා අමාරු බව කී අලුත්ගමගේ, ගෝඨාභය රාජපක්ෂ ජනාධිපතිවරයාටත් සිදුවූයේ එයම බව කීය.
(lankadeepa.lk - අංජුල මහික වීරරත්න)
