කොරෝනා වෛරසය ආසාදනය වී ශ්‍රී ලංකාව තුළදී  මිය ගිය ප්‍රමාණයට වඩා දෙගුණයක් ඩෙංගු රෝගයෙන් පස් මාසයක් තුළ

මියගොස් ඇති බව අනාවරණය වී තිබේ.

රජය පවසන පරිදි ඩෙංගු රෝගය හේතුවෙන් මේ වසරේ ගත වු මාස පහක කාලය තුළ ශ්‍රී ලංකාවෙන් අවම වශයෙන් මරණ විසි දෙකක් වාර්තා වී ඇත.

එම කාලය තුළ  වාර්තා වී ඇති ඩෙංගු රෝගීන් ගණන 19,474 කී.

රජයේ සෞඛ්‍ය අංශ වාර්තා අනුව  මේ දක්වා ශ්‍රී ලංකාව තුළ  කොරෝනා වෛරසය  ආසාදනයෙන් සිදුවු  මරණ ගණන 10 කි.

මෙම තොරතුරු අනාවරණය වී ඇත්තේ සෞඛ්‍ය හා දේශීය වෛද්‍ය අමාත්‍ය පවිත්‍රා වන්නිආරච්චිගේ ප්‍රධානත්වයෙන් සහ ජාතික ඩෙංගු මර්දන එකකයේ නිලධාරීන්ගේ සහභාගීත්වයෙන් පැවැති විශේෂ සාකච්ඡාවකදීය.

සෞඛ්‍ය අමාත්‍යාංශයේ දී මැයි 28 බ්‍රහස්පතින්දා එම සාකච්ඡාව පැවැති බව රජයේ ප්‍රවෘත්ති දෙපාර්තමේන්තුව පවසයි.

එහිදී  අනාවරණය වී ඇති පරිදි 2019 වසරේදී මෙරටින්  ඩෙංගු රෝගීන් 105,049 ක් හමුවූ වී ඇති අතර, මරණ 150 ක් සිදු ව තිබේ.

''2019 වසරේදී මෙරටින් ඩෙංගු රෝගීන් 105,049 ක් හමුවූ වී ඇති අතර, මරණ 150 ක් සිදු ව තිබේ.''  

සෞඛ්‍ය අමාත්‍යවරිය සාකච්ඡාවේදී බලධාරීන්ගෙන්  ඉල්ලා ඇත්තේ වර්ෂාව පැමිණීමත් සමඟ ඩෙංගු රෝගය වැඩිවීමේ අවදානමක් ඇති බැවින් COVID – 19 සමඟ අනෙකුත් රෝග පාලනය ද නිසියාකාරව කළමනාකරණය කරගත යුතු බවයි.

 ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමය පසුගිය අප්‍රේල් මාසයේදී රජයට අනතුරු අගවා තිබුනේ ඩෙංගු උණ සහ මී උණ ශ්‍රී ලංකාවේ සෞඛ්‍ය පද්ධතියට සිදුකරන බලපෑම උත්සන්න වෙමින් පවතින බවයි.

"අපගේ පර්යේෂණ අංශයේ වාර්තා අනුව ඩෙංගු උණ සහ මී උණ ශ්‍රී ලංකාවේ සෞඛ්‍ය පද්ධතියට සහ ප්‍රජවට යම් බලපෑමක් සිදු කරන මට්ටමට උත්සන්න වෙමින් පවති".    

ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ සභාපති එම්.ජී.යු රෝහනගේ අත්සනින් යුතුව අප්‍රේල් 29  නිකුත් කළ නිවේදනයක සදහන්ව තිබේ.

logo

 Apekshakaya

subscribeYT

Cyber Window

නවතම පුවත්