පාර්ලිමේන්තු මැතිවරණය ළංවීමත් සමග දේශපාලන වේදිකාව මෙන්ම මනාප සටන ද උණුසුම් වී තිබේ. දේශපාලන පක්ෂ අතර මෙන්ම එකම පක්ෂයේ අපේක්ෂකයින් අතර ද ගැටුම් සිදුවෙයි.

ඊයේ දිනයේදී අගුණුකොළපැලැස්ස ප්‍රදේශයේ දී අමාත්‍ය මහින්ද අමරවීරගේ ආධාරකරුවෙකුට පහරදීමක් සිදුව ඇති අතර ඔහු රෝහල්ගතව ප්‍රතිකාර ලබන බව වාර්තා වේ.

මෙලෙස රෝහල් ගත කර ඇත්තේ මහින්ද අමරවීරගේ ආධාරකරුවෙකු වන 38 හැවිරිදි චමිල කුමාර වන්නිආරච්චි නමැති පුද්ගලයෙකි.

මිද්දෙනිය ප්‍රදේශයේ පැවති හිතවතෙකුගේ අවමගුල් උත්සවයක් සඳහා සහභාගී වූ අවස්තාවේදී එම අවමගුල් උත්සවයට සහභාගී වී සිටි අගුනුකොළපලැස්ස ප්‍රාදේශීය සභාවේ උපසභාපතිවරයා හා තවත් පුද්ගලයෙකු එක්ව චමිල කුමාරගේ හිස ප්‍රදේශයට පහර දී ඇත.

අදාළ පහරකෑමෙන් තුවාල ලැබූ චමිල හකුරුවෙල මූලික රෝහලට ඇතුලත් කර තිබේ.

සිද්දිය සම්බන්දයෙන් හකුරුවෙල රෝහල් පොලීසිය මගින් වීරකැටිය පොලිස් ස්ථානය දැනුවත් කිරීමට කටයුතු කර ඇති බව වාර්තා වේ.

වීඩියෝ 


සිද්ධියෙන් පසු ඊට අදාල හඬපට දෙකක් සමාජ මාධ්‍ය වෙත මුදාහැර ඇත. එම හඬපට පහත පළවේ. 


 

subscribeYT

නවතම පුවත්

ඇට මැස්සා