කොවිඩ් ව්‍යාප්තියට දුම්වැටි සහ මත්ද්‍රව්‍ය භාවිතය බෙහෙවින් බලපාන බැවින් මේ අවස්ථාවේ වහාම මත්පැන් අලෙවිසල් වසා දමා දුම්වැටි තහනම් කළ යුතු බව

ශ්‍රී ලංකා දුම්කොළ හා මද්‍යසාර පිළිබඳ ජාතික අධිකාරියේ සභාපති වෛද්‍ය සමාධි රාජපක්ෂ පවසයි.

නිරෝධායන මධ්‍යස්ථානවල සිටින මත්ද්‍රව්‍යවලට ඇබ්බැහිවූවන්ගෙන් මෙම බලපෑම සනාථවන බව පැවසූ සභාපතිවරයා, අන්තරායකර ඖෂධ, මත්ද්‍රව්‍ය හෝ දුම්වැටි භාවිතය නිසා වන සිහිය විකල් වීම කෙරෝනා පැතිරවීමට ප්‍රධාන වශයෙන්ම හේතුවන බව පෙන්වා දුන්නේය.

කොරෝනා පළමු රැල්ල පැමිණි අවස්ථාවේදී එකම දුම්වැටිය හය දෙනෙක් භාවිත කිරීම හේතුකොටගෙන කොරෝනා පැතිරුණු බවත් මේ අවස්ථාවේදී තවත් එවැනි කතා අසන්නට ලැබෙන බවත් කී සභාපතිවරයා, දුම්වැටිය කොරෝනා පාලනය වන තුරු තහනම් කළ යුතු බව කීවේය.

එමෙන්ම අතීතයේ සිටම මැතිවරණයක් පවතින අවස්ථාවලදී මත්පැන්වලට විශේෂ ස්ථානයක් හිමි වූ නමුත් මෙවර මත්පැන් භාවිතය පිළිබඳව දේශපාලන නායකත්වය වගකීම භාරගත යුතු බවද සභාපතිවරයා සඳහන් කළේය.

( අරුණ - ශිරන්තනී මානවඩු)

 Apekshakaya

subscribeYT

නවතම පුවත්