පොලිස් වෙඩි තැබීමෙන් සිදුවූ ධීවර පියකුගේ ඝාතනය පිළිබඳ අධිකරණ සාක්ෂි විභාගය පැවැත්වෙන දිනයේ සිද්ධිය ඇසින් දුටු සාක්ෂිකරුවන්

පැහැර ගෙන යාමට විරෝධය පෑ කාන්තාවන්ට පොලීසිය විසින් පහර දී තිබේ.

රජයේ දේපොලවලට හානි කිරීමේ චෝදනා යටතේ කාන්තාවන් නම දෙනකු ඇතුළු 14ක්  පොලිස් අත්අඩංගුවට ගෙන තිබුණත් වෙඩි තැබීමට සැකකෙරෙන තිදෙනකුගේ වැඩ තහනම් කර ඇතත් කිසිවකුත් අත් අඩංගුවට ගෙන නැත.

මොරටුව ලුනාව ප්‍රදේශයේ මාර්ග බාධකයක් අසලදී ඇතිවු බහින් බස්වීමක් නිසා පොලීසිය හිසට වෙඩි තැබීමෙන් ජුලි 11 දින රාත්‍රියේ රැකියාවට යමින් සිටි 39 වියැති කස්තුරිආරච්චිගේ අමිත් කරුණාරත්නගේ මරණය සිදුවීමට අදාල සාක්ෂි විභාගය ජුලි 16 බ්‍රහස්පතින්දා මොරටුව මහේස්ත්‍රාත් අධිකරණයේදී පැවැත්වීමට නියමිතව තිබියදී ඇසින් දුටු සාක්ෂිකරුවන් දෙදෙනකු පොලීසිය විසින් පැහැරගත් බවට චෝදනා නගමින් ප්‍රදේශයේ කාන්තාවන් ප්‍රමුඛ ගම් වැසියන් අඟුලාන පොලිස් ස්ථානයට ගල්මුල් ප්‍රහාරයක්ද එල්ල කර තිබුනි.

අඟුලාන පොලිස්ථානය වෙත ගල් මුල් ප්‍රහාර එල්ල කරමින් ගම්වැසියන් නොසන්සුන්කාරී ලෙස හැසිරෙන විට    සන්නද්ධ පොලිස් නිලධාරීන් කාන්තාවන් හඹා ගොස් බැටන් පොලු වලින් පහර දෙන අයුරු සිද්ධිය වාර්තා කළ මාධ්‍ය වේදීන්ගේ කැමරා කාචයේ සටහන්ව තිබේ.

Angullana police

සාක්ෂිකරුවන් පොලීසියට රැගෙන ගොස් පසුව නිදහස් කර ඇති අතර එය කුමන පදනමකින් සිදු කළ දෙයක්ද යන්න පැහැදිලි නොමැති බව අගතියට පත් පාර්ශවය වෙනුවෙන් පෙනී සිටින නීතිඥ අතුල රණගල නඩු විභාගය පැවැත්වීමෙන් පසු කියා සිටියේය.

ඔවුන්ට අධිකරණය හමුවේ පෙනී සිටින ලෙස නියෝග කළ හැකි නමුත් පොලීසියට සාක්ෂිකරුවන්  රැගෙන යෑමට කිසිදු අයිතියක් නොමැති බව නීතිඥවරයා වැඩි දුරටත් සදහන් කළේය.

ඉහළ පොලිස් නිලධාරියකු පවසන පරිදි පොලිසිය විසින් සාක්ෂිකරුවන් රැගෙන ගිය ආකාරය ගැටළු සහගතය.

සාක්ෂි විමසීම අතරතුරේ අධිකරණය ඉදිරිපිටදී නොසන්සුන් කාරී ලෙස හැසුරුන ගම්වැසියන් පිරිස ඉන් අනතුරුව අගුලාන පොලීසිය ඉදිරිපිටට පැමිණ දැඩි විරෝධතාවයක් දියත් කර තිබේ.

Angullana police.jprotest

මාරාන්තික වෙඩි තැබීම සිදු කළ පොලිස් නිලධාරින් බීමත්ව සිටි බවට චෝදනා කරන විරෝධතාකරුවන් ඉල්ලා සිටින්නේ සැකකරුවන් අත් අඩංගුවට ගන්නා ලෙසයි.

පොලිස් නිලධාරියකු විසින් පසුපස සිට අමිත් කරුණාරත්නගේ හිසට වෙඩි තබන ලද බව ඒ අවස්ථාවේ ත්‍රිරෝද රථයේ සිටි මියගිය ධීවරයාගේ පුත්‍රයකු පවසා තිබුණි.

පොලිස් නිලධාරීන් විසින් වෙඩි තබන ලද්දේ මියගිය සිව් දරු පියා “විශාල ගලකින්” පහරදීමට තැත් කළ අවස්ථාවේ යැයි පොලිස් ප්‍රකාශක ජාලිට සේනාරත්න පවසා තිබුණි.

ඝාතනයට ලක්වූ ධීවරයා සිව් දරු පියකු බව ඇතැම් මාධ්‍ය වාර්තා වල දැක්වේ.

Angullana police.murder

මේ වන විට සැකකාර පොලිස් නිලධාරීන් තිදෙනකුගේ වැඩ තහනම් කර තිබෙන අතර සිද්ධිය සම්බන්ධයෙන් විමර්ශන කටයුතු සිදු කරන ලෙසට මහේස්ත්‍රාත් වරයා අපරාධ පරීක්ෂණ දෙපාර්තමේන්තුවට නියෝග කර තිබේ.

 

දේශබන්දුගේ පරස්පරය :

පොලිස් නිලධාරීන් අත්අඩංගුවට ගන්නා ලෙස මහේස්ත්‍රාත් වරයා කිසිම විටෙක නියෝගයක් ලබා දී නොමැති බව පවසන බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් ඊට පරස්පරව යමින් විරෝධතා පැවැත්වූ ගම්වාසීන්ගෙන් හමුවේ කියා සිටියේ සැකකරුවන්ට ඇප දෙනු ඇතැයි විරෝධතාකරුවන් සැක කරන බවයි.

ජ්‍යෙෂ්ඨ නියෝජ්‍ය පොලිස්පති පවසන පරිදි ගම් වැසියන්ගේ ප්‍රහාරය එල්ල වීමටත් පෙර සිටම පොලිස් ස්ථානයේ ආරක්ෂාව සදහා පොලිස් අධිකාරිවරයකු යටතේ පොලිස් නිලධාරීන් 75 දෙනකුගෙන් යුත් කණ්ඩායමක් යොදවා තිබේ.

ගම් වැසියන්ගේන් එල්ල වු  ප්‍රහාරයෙන් පසු තත්වය මැඩ පැවැත්වීම සදහා පොලිස් විශේෂ කාර්ය බලකා සාමාජිකයන්ද යොදවා තිබේ.

Deshabandu

සිද්ධිය සම්බන්ධයෙන් සොයා බැලීම සදහා අඟුලාන පොලිස්ථානය වෙත පැමිනි බස්නාහිර පළාත හා රථවාහන භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මාධ්‍යවේදීන්ගේ ප්‍රශ්න කිරිම් හමුවේ පවසා තිබුනේ  ඇසින් දුටු සාක්ෂිකරුවන් පොලීසිය විසින් නිසි ක්‍රමවේදයකින් තොරව රැගෙන යාමෙන් “පොඩි වැරදි අවබෝධයක්” ඇතිවී තිබෙන බවයි.

"ඇත්ත වශයෙන්ම මමත් ඒකෙදී දකිනවා. මමත් ඒ සම්බන්ධයෙන් මීට පෙරම විමසුවා. ඒක කරලා තියන ඒ ආකාරයේ අනුව පොඩි වැරදි අවබෝධයක් ඇති උන බවක් මටත් හැඟී යනවා. මොකද ඒ මිය ගිය තැනැත්තාට සාධාරණයක් ඉටු කර දීම සදහා තමයි මහේස්ත්‍රාත් පරීක්ෂණය පැවැත්වෙන්නේ. එයට සාක්ෂිකරුවන් කැදවාගෙන ඒමට යාමේදී ඔවුන්ව නිසි ලෙස දැනුවත් නොකර ඔවුන් පොලිස් රථ වලින් ගෙනාවා කියලා චෝදනාවක් ඒ පැත්තෙන් එල්ල වෙලා තියනවා. ඒ නිසා ඔහු සම්බන්ධව සාධාරණය ඉටු කිරීම සදහා පැවැත්වෙන පරීක්ෂණයක් කියන එක පිළිබඳව, කරුණු වරදවා වටහාගෙන ඔවුන්ගේ පවුල්  වල ඒ සාමාජිකයන් නැත්නම් මෙහි සාක්ෂිකරුවන් අත්අඩංගුවට ගන්න යනවාය කියන වැරදි අවබෝධයක් ඔවුන්ට ඇති වෙලා තියනවාය කියන එක මටත් දැන ගන්න ලැබිලා තියනවා."

ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන්  එහිදී වැඩි දුරටත් සදහන් කළේ  එහි සත්‍යතාවය  සම්බන්ධයෙන් තමන් පරීක්ෂණයක් පවත්වන බවයි.

සබැඳි සටහන් :

සර්, මගේ ගමත් අඟුලාන සර්! – ෂෙනු පෙරේරා

 Apekshakaya

subscribeYT

නවතම පුවත්