කොරෝනා වසංගතය දුරු කොට රටේ ජනතාව ආරක්ෂා කිරීමට බැඳී සිටින්නේයැයි නිතර කියන ජනාධිපතිවරයා ප්‍රමුඛ ආණ්ඩුව

ඔවුන්ම පනවන ලද නිරෝධායන නීති කඩ කරමින් වසංගතය පැතිරවීම සඳහා කටයුතු කිරීමේ චෝදනාවට ලක් වී සිටී.  

ආණ්ඩුව පනවන නීති සහ ඒවා ක්‍රියාත්මක කිරීම අතර පවත්නා බරපතල පරස්පරය ඊට උදාහරණ ලෙස ගෙනහැර දැක්වුයේ සති අන්ත පුවත්පතක ප්‍රධාන කතුවරයෙකි.

"පසුගිය රජයේ දේශපාලන පලිගැනීම්වලට ලක්වූවන් පිලිබඳ පරික්ෂා කැරෙන විශේෂ ජනාධිපති පරීක්ෂණ කොමිෂන් සභාවක් බණ්ඩාරනායක සම්මන්ත්‍රණ ශාලා පරිශ්‍රයේ පවත්වනවා. මෙය ජනාධිපතිවරයාගේ නියෝග මත ක්‍රියාත්මක වෙන්නේ. නමුත් මෙම කොමිෂන් සභාව පවත්වන කාමරය වර්ග අඩි පහළොවකට වඩා නෑ. මේ කුඩා ඉඩ ඇතුළත විවිධ පාර්ශව නියෝජනය කරමින් විශාල පිරිසක් උරෙන් උර ගැටී කටයුතු කරගෙන යනවා,"  යි ජනාධිපතිවරයාත්, ඔහුගේ ආණ්ඩුවේත් නිරෝධායන නීති පිළිපැදීම පිලිබඳ නියෝග හා භාවිතාවේ පරස්පර භාවය කොළඹදී ජනමාධ්‍ය ඉදිරියේ සාක්ෂි සහිතවම ගෙනහැර දැක්වුවේ 'අනිද්දා' පුවත්පතේ ප්‍රධාන කර්තෘ කේ.ඩබ්ලිව්.ජනරංජනයි.

ප්‍රමාණවත් පරිදි පීසීආර් පරීක්ෂණ නොපැවැත්වීම, පාර්ලිමේන්තුවේ සිටින සියළු දේශපාලන පක්ෂවල අදහස් ලබා නොගැනීම, විශේෂ පුහුණුව ලැබූවන් ගෙන් සමන්විත ව්‍යවස්ථාපිත ආයතනයක් වන ආපදා කළමනාකරණ යාන්ත්‍රනය නොසකා හැරීම සහ වසංගත විශේෂඥයනගේත්, විශේෂ පුහුණුව ලත් සෞඛ්‍ය අංශ තාක්ෂණික ප්‍රමුඛයන්ගේත් උපදෙස් හා විවේචන නොතකා හැරීමේ ආණ්ඩුවේ තීන්දුව නීතිඥ ජනරංජන කතුවරයාගේ දැඩි දෝෂදර්ශනයට ලක්විය.

''වසංගත රෝග මර්දනය පිලිබඳ අත්දැකීමක් හෝ පුහුණුවක් නොලද හමුදා ශක්තිමත් කරමින්, විශේෂ කාර්ය සාධක බලකා පිහිටුවමින් කොරෝනා වෛරසය මැඩලීමට ගෝඨාභය රාජපක්ෂ ජනාධිපතිවරයා අනුගමනය කළ අත්නෝමතික ක්‍රියාමාර්ග නිසා සිදුවුනේ දෙවැනි වටයකින් වසංගතය ව්‍යාප්තවී ජනතාව අනතුරක හෙළීම නොවේදැයි 'අනිද්ද  ප්‍රධාන කර්තෘ නීතිඥ ජනරංජන ප්‍රශ්න කරයි.

වසංගත රෝග මර්දනය පිලිබඳ අත්දැකීමක් හෝ පුහුණුවක් නොලද හමුදා ශක්තිමත් කරමින්, විශේෂ කාර්ය සාධක බලකා පිහිටුවමින් කොරෝනා වෛරසය මැඩලීමට ගෝඨාභය රාජපක්ෂ ජනාධිපතිවරයා අනුගමනය කළ අත්නෝමතික ක්‍රියාමාර්ග නිසා සිදුවුනේ දෙවැනි වටයකින් වසංගතය ව්‍යාප්තවී ජනතාව අනතුරක හෙළීම නොවේදැයි ප්‍රධාන කර්තෘවරයා ප්‍රශ්න කළේය.  

 

“නීති පනවන්නන්ම නීති කැඩීමක්” 

මෙවන් පසුබිමක මහජනතාව ආරක්ෂා කරනවා යැයි කියන ආණ්ඩුව ඒ වගකීම කෙතෙක් දුරට ඉටුකරනවාදැයි විමතිය පලකරන ජනරංජන නිතිඥවරයා, පවිත්‍රා වන්නිආරච්චි සෞඛ්‍ය ඇමතිතුමිය මැතිවරණය සඳහා වූ සෞඛ්‍ය උපදේශන ගැසට් කිරීමේ ප්‍රමාදයද අර්ථකතනය කළේ “නීති පනවන්නන්ම නීති කැඩීමක්” ලෙසයි.

නිදහස ජනතා එකමුතුව විසින් පසුගියදා පැවැත් වූ මාධ්‍ය හමුවකදී කොරෝනා වසංගත මර්දනය සඳහා ගෝඨාභය ජනාධිපතිවරයාගේ ආණ්ඩුව පනවන නියෝග ඔවුන්ම බිඳහෙළීම ගැන මෙලෙස විවේචනයට ලක්කළ නීතිඥ කේ.ඩබ්ලිව්.ජනරංජන වැඩි දුරටත් අවධාරණය කළේ, මැතිවරණය පවත්වමින් ප්‍රජාතන්ත්‍රවාදය ආරක්ෂා කිරීමත්, ඒ අතරම කොරෝනා වසංගතයෙන් ජනතාව ආරක්ෂා කිරීමත් ආණ්ඩුවේ වගකීම බවයි.

 

කොමිසමේ කටයුතු තාවකාලිකව අත්හිටුවයි :

බණ්ඩාරනායක සම්මන්ත්‍රණ ශාලා පරිශ්‍රයේ පවත්වන විශේෂ ජනාධිපති පරීක්ෂණ කොමිෂන් සභාව අදාළ නිරෝධායන ප්‍රතිපාදනවලට යටත්ව කටයුතු කරන්නේදැයි පරික්ෂා කිරීමට පසුගිය 16 දා කොළඹ මහා නගර සභාවේ සෞඛ්‍ය පරීක්ෂකවරුන් පැමිණ ඇතැයි මාධ්‍ය වාර්තා කරයි. කොමිසමේ කටයුතු අගෝස්තු 13 දක්වා තාවකාලිකව අත්හිටුවා ඇත.

 එලෙසින්ම නිරෝධායන සහ රෝග වැළැක්වීමේ ආඥා පනත යටතේ 2020 අංක 01 දරන කොරෝනා වෛරස් රෝගය (කොවිඩ් 19)  (ඡන්ද විමසීම්) නියෝග යනුවෙන් පවිත්‍රා වන්නිආරච්චි සෞඛ්‍ය ඇමතිනිය විසින් මැතිවරණය පැවැත්වීමේදී පිළිපැදිය යුතු ක්‍රියාමාර්ග ගැසට් නිවේදනයක් මගින් 20 ජූලි 16 දා සිට නීතිගත කර තිබේ.

logo

 Apekshakaya

subscribeYT

Cyber Window

නවතම පුවත්