ජගත් ප්‍රජාව හමුවේ දුන් පොරොන්දු කඩ කළ අලුත් ආණ්ඩුව යටතේ ශ්‍රී ලංකාවේ අනාගතය ගැන බිය පල කරන මානව හිමිකම් පිළිබඳ එක්සත් ජාතීන්ගේ ප්‍රධාන නිලධාරිනිය ඒ කෙරේ නැවතත් අවධානය යොමු කරන ලෙස

ජාත්‍යන්තර ප්‍රජාවෙන් ඉල්ලා තිබේ.

සංහිඳියාව, වගවීම සහ මානව හිමිකම් නගා සිටුවීමට ප්‍රතිඥා දෙමින් රටවල් කීපයක් සමග ගිවිස ගත් 30/1 යෝජනාවෙන් ඉවත්වූ දා සිට ශ්‍රී ලංකාවේ අලුත් ආණ්ඩුව කඩිමුඩියේ පොරොන්දු කඩ කරමින් ඉන්නා බවට කනස්සල්ල පල කළ මහකොමසාරිස් මිචෙල් බැෂලේ යෝජිත විසිවැනි ව්‍යවස්ථා සංශෝධනය කෙරෙහිද ජගත් බලවතුන්ගේ අවධානය යොමු කර සිටියාය.

ශ්‍රී ලංකාව ජිනීවා හවුල් යෝජනාවෙන් ඉවත් වන බව විදේශ අමාත්‍ය දිනේෂ් ගුණවර්ධන ජාත්‍යන්තර ප්‍රජාවට නිල වශයෙන් දැනුම් දී සිටියේ ජනාධිපති ගෝඨාභය රාජපක්ෂ බලයට පත්වූ අලුත මේ වසරේ පෙබරවාරියේ ජිනීවා නුවර මුළුදුන් මානව හිමිකම් මණ්ඩල සැසිවාරය හමුවේය.
dsc 0475 resized for email            ශ්‍රී ලංකාව ජිනීවා හවුල් යෝජනාවෙන් ඉවත් වන බව විදේශ ඇමති දැනුම්දී තිබේ.

 “ශ්‍රී ලංකාව විසින් මානව හිමිකම් මණ්ඩලයට දෙන ලද පොරොන්දු අලුත් ආණ්ඩුව 30/1 යෝජනාවෙන් ඉවත් වූ දා පටන් කඩිමුඩියේ කඩ කරමින් සිටීම ගැන මම කනස්සල්ලට පත් වී සිටිමි,” යි මානව හිමිකම් පිළිබඳ මහකොමසාරිස් මිචෙල් බැෂලේ සැප්තැම්බර් 14 දා ජිනීවා නුවරදී මානව හිමිකම් මණ්ඩලයේ 45 වැනි සැසිවාරයේ සමාරම්භක දේශනය පවත්වමින් කියා සිටියාය.

“වෙනත් වර්ධනයන් සැලකිල්ලට ගත් කල, යෝජිත විසිවැනි ව්‍යවස්ථා සංශෝධනය විසින් ජාතික මානව හිමිකම් කොමිසම ඇතුළු මුල් පෙලේ ආයතන වල නිදහස සම්බන්ධයෙන් අනිටු බලපෑමක් සිදුකරනු ඇත.”

යුද අපරාධ ගැන යුක්තියට බාධා :

පස් හැවිරිදි ළදරුවකු ඇතුළු දෙමළ අට දෙනකු මිරුසුවිල්හිදී ඝාතනය කළ හමුදා සොල්දාදුවකු නිදහස් කර හැරීම ඇතුළු යුද අපරාධ චෝදනා සම්බන්ධයෙන් යුක්තිය ඉටුවීම වලකා ලන්නට රජය විසින් ගනු ලබන පියවර ද මහකොමසාරිස්වරියගේ දෝෂ දර්ශනයට ලක්වී තිබුණි.

“නීති විරෝධී ඝාතන සම්බන්ධයෙන් වරදකරු වූ හිටපු හමුදා සාජන් වරයකුට මාර්තු මාසයේදී සමාව දීම; යුද අපරාධ සහ මානව වර්ගයාට එරෙහි අපරාධ වලට සම්බන්ධ බවට චෝදනා ලබන ජ්‍යෙෂ්ඨ හමුදා නිලධාරීන් ප්‍රධාන පෙලේ සිවිල් රාජකාරි සඳහා යෙදවීම; සහ එවැනි අපරාධ ගැන කෙරෙන පරීක්ෂණ වලට බාධා කිරීම සඳහා පොලිසියේ සහ අධිකරණ ක්ෂේත්‍රයේ ගනු ලබන පියවරද විසින් මග පාදනු ලබන්නේ මහත් සේ නිශේධනීය ප්‍රවණතාවකටය.”

625.500.560.350.160.300.053.800.900.160.90                   ජගත් මහකොමසාරිස් මිචෙල් බැෂලේ

ශ්‍රී ලංකාවේ අනාගතය සුරක්ෂිත කිරීම සඳහා ජාත්‍යන්තර ප්‍රජාවේ අවධානය නැවත වතාවක් රට කෙරේ යොමු විය යුතු බව ජගත් මහකොමසාරිස් මිචෙල් බැෂලේ ගේ යෝජනාව විය.

“වින්දිතයන්, ඔවුන්ගේ ඥාතීන්, මානව හිමිකම් ආරක්ෂකයන්, මාධ්‍යවේදීන් හා නීතිඥයන් ගැන ඔත්තු බැලීම සහ ඔවුන් බිය වැද්දීම වහාම නතර කළ යුතුය. සාමයට, සංහිදියාවට හා තිරසාර සංවර්ධනයට එල්ල වන තර්ජන වලක්වා ලීමේ අවශ්‍යතාව සැලකිල්ලට ගත් කල, ශ්‍රී ලංකාව කෙරේ අලුතින් අවධානය යොමු කිරීමට මම මානව හිමිකම් මණ්ඩලය දිරි ගන්වමි.”

එක්සත් ජාතීන්ගේ මානව හිමිකම් මණ්ඩලයේ හතලිස් පස්වැනි සැසිවාරය ඔක්තෝබර් 6 වැනිදා දක්වා ජිනීවා නුවර මුළු දේ.  

subscribeYT

නවතම පුවත්

ඇට මැස්සා