ඉල් පෝදා වෙඩි තැබීමෙන් රැඳවියන් පිරිසක් මරුමුවට ලක්වූ මහර සිරගෙදර සිරකාර මනුෂ්‍යන්ට සුදුසු නැති වධකාගාරයක්

ලෙස හෙලා දැකීමට ලක් වෙද්දී එම ඝාතන රජය අපකීර්තියට පත් කිරීමේ “අදිසි හස්තයක්” ක්‍රියාත්මක වීමක් බව බන්ධනාගාරය භාර අමාත්‍යවරිය පවසා තිබේ.

අවම වශයෙන් අට දෙනකුට ජීවිතය අහිමි කරමින් හැත්තෑවකට වැඩි පිරිසකට තුවාල සිදු කළ ගැටුමට තුඩු දුන් ප්‍රධාන සාධකය වසංගතයෙන් ගැලවීම සඳහා ඉල්ලීම් ඉදිරිපත් කළ සිරකරුවන්ට බන්ධනාගාරය තුලදී ලබා දී ඇති අමානුෂික වද හිංසන බවයි සිරකරු අයිතිවාසිකම් වෙනුවෙන් පෙනී සිටින මෙරට ප්‍රමුඛතම සංවිධානයක් පවසන්නේ.

"මොකද අපි දැක්කා දිගින් දිගටම රැඳවියන්ට පහර දෙනවා. ඉතාමත් අමානුෂික වද හිංසනවලට පත් කරනවා. ඒ සියලු වද හිංසන දරාගන්න පුළුවන් සීමාවක් තියනවා මනුෂයින්ට. අද උනේ ඒක. ගහන්න ගහන්න ඉවසන මිනිස්සු මේ ලොකේ නෑ. අද උනේ ඒ දේ," යි සිරකරු අයිතිවාසිකම් සුරැකිමේ කමිටුවේ ලේකම් සුදේශ් නන්දිමාල් සිල්වා කියා සිටියේ නොවැම්බර් 30 සදුදා රාජගිරියේදී පැවැති මාධ්‍ය හමුවකදීය.

තමන් කොරෝනාබාධිත වීමෙන් වළක්වන ලෙස මහර බන්ධනාගාරයේ  රැදවියන් බලධාරීන්ගෙන් ඉල්ලා සිටි අවස්ථාවේදී බන්ධනාගාර නිලධාරීන් රැඳවියන්ට බරපතල ලෙස පහර දී ඇති බව සුදේශ් නන්දිමාල් එහිදී හෙළි කළේය.

''තමන් කොරෝනාබාධිත වීමෙන් වළක්වන ලෙස මහර බන්ධනාගාරයේ  රැදවියන් බලධාරීන්ගෙන් ඉල්ලා සිටි අවස්ථාවේදී බන්ධනාගාර නිලධාරීන් රැඳවියන්ට බරපතල ලෙස පහර දී ඇති බව සුදේශ් නන්දිමාල් එහිදී හෙළි කළේය.''

"180ට ආසන්න පිරිසක් කොරෝනා රෝගය වැලදිලා ඉන්නවා. නමුත් ක්‍රමවේදයක් මේ ගොල්ලන්ගේ තිබුනේ නෑ මේ ගොල්ලොන්ව වෙන් කරලා තියන්න. අනිත් රැඳවියෝ සමග මේ කොරෝනා රෝගීන්ව තියනකොට ඒ සම්බන්ධව කතා කරන්න මේ රැඳවියෝ නිලධාරීන් ගාවට ගියා. සහෝදරවරුනි. ඒ ගිය අවස්ථාවේදී මොකද කරේ රැඳවියන්ට පහර දුන්නා. ඉතා අමානුෂික විදිහට පහර දුන්නා.ඒ පහර දුන්නම මේ රැඳවියෝ ඔවුන්ගේ  විරෝධය  දක්වන්න වහල මතට  නැග්ගා. ඊට පස්සේ ඒකට උත්තරය දුන්නේ වෙඩි උණ්ඩෙන්. ඕක තමයි ඇත්ත තත්වේ."

බන්ධනාගාර ආශ්‍රිත කොරෝනා ආසාදිතයන් සංඛ්‍යාව නොවැම්බර් 29 ඉරිදා හවස වන විට  1091 ක් දක්වා ඉහළ ගොස් තිබුනි. 

සෑබෑ තත්වය එසේ වූවත් බන්ධනාගාර කොමසාරිස් සහ දේශපාලනඥයන් මාධ්‍ය හමුවට පැමිණ  සිරකරුවන්  සම්බන්ධව වැරදි මතයක් සමාජගත කිරීමට උත්සාහ දරන බවටත් සුදේශ් නන්දිමාල් මාධ්‍ය හමුවේදී චෝදනා කළේය.

 

වර්ෂ පූර්ණයට බිලි පූජාවක් 

ජීවත් වීමේ අයිතිය ඉල්ලු විට වෙඩි උන්ඩයෙන් ආණ්ඩුව පිළිතුරු දෙන බව සදහන් කළ සුදේශ් නන්දිමාල් එහිදී ජනාධිපතිවරයාගෙන් තව දුරටත් ප්‍රශ්න කළේ සිරකරුවන්ට සැලකු ආකාරයෙන්ම විරුද්ධ මත දරන, විකල්ප මත දරන, ආණ්ඩුවේ  මතයට විරුධව වන අනෙක් සමාජ ක්‍රියාකාරීන්ටත් ඉදිරියේදී පිළිතුරු දෙන්නේ වෙඩි උණ්ඩයෙන්ද යනුවෙනි.

"මොකද අද බිලි පුජාවක් දුන්නා වර්ෂ පුර්ණයෙන්ම. සිරකරුවන් කිහිපදෙනෙක්ව."

මහර බන්ධනාගාරයේ ප්‍රධානියා ඝාතන රැලි වලට “බොහෝම ජනප්‍රිය කෙනෙක්” ලෙස චෝදනා කළ සිරකරු අයිතිවාසිකම් සුරැකීමේ කමිටුවේ ලේකම් සුදේශ් නන්දිමාල් තව දුරටත්  අවධාරණය කළේ, ඔහු පසුගිය කාලයේ කුමන්ත්‍රණකාරී ලෙස නිලධාරියකු ඝාතනය කිරීම සම්බන්ධයෙන් ද චෝදනා එල්ල වී සිටින අයෙක් බවයි.

"මේ ඝාතන මෙහෙයවන්නේ ඒ ප්‍රධානියා. අපි ඔහුට තමයි ඇඟිල්ල දික් කරන්නේ. සිරකරුවාගේ ජීවත්වීමේ අයිතිය ඉල්ලනකොට වෙඩි උණ්ඩයෙන් පිළිතුරු දෙන්න පුළුවන් පරිසරය නිර්මාණය කළේ ඒ ගොල්ලෝ."

"මේ ඝාතන මෙහෙයවන්නේ ඒ ප්‍රධානියා. අපි ඔහුට තමයි ඇඟිල්ල දික් කරන්නේ. සිරකරුවාගේ ජීවත්වීමේ අයිතිය ඉල්ලනකොට වෙඩි උණ්ඩයෙන් පිළිතුරු දෙන්න පුළුවන් පරිසරය නිර්මාණය කළේ ඒ ගොල්ලෝ."

එහෙත් එම නිලධාරියාගේ නම මාධ්‍ය හමුවේදී සඳහන් නොකළ සිරකාර අයිතීන් පිලිබඳ ක්‍රියාධරයා ඝාතන සම්බන්ධයෙන් අපක්ෂපාතී පරීක්ෂණයක් පවත්වන ලෙස ඉල්ලා සිටියේය.

බන්ධනාගාර රැඳවියන්ට  මේ ආකාරයෙන් අමානුෂික ලෙස සැලකීමට මෙම නිලධාරීන්ට ඉඩ ලබා නොදෙන ලෙස ජනාධිපතිවරයාගෙන් ඉල්ලා සිටි සුදේශ් නන්දිමාල්ද සිල්වා මේ සම්බන්ධ සම්පුර්ණ වගකීම ජනාධිපතිවරයා ගත යුතු බව  තව දුරටත් අවධාරණය කළේය. 

 

“අදිසි හස්තයක්”

SudarshaniFPසිරකාර මනුෂ්‍යයන් ඝාතනය කිරීම පිළිබඳ පරීක්ෂණයක් ක්‍රියාධාරීන් විසින් ඉල්ලා සිටියදී බන්ධනාගාර ප්‍රතිසංස්කරණ හා සිරකරුවන් පුනරුත්ථාපනය පිළිබඳ රාජ්‍ය අමාත්‍ය විශේෂඥ වෛද්‍ය සුදර්ශනී ප්‍රනාන්දුපුල්ලේ නොවැම්බර් 30 සදුදා පාර්ලිමේන්තුවේදී ප්‍රකාශ කර තිබුනේ වර්තමාන රජය අපකීර්තියට පත්වන ආකාරයේ යම් යම් ක්‍රියාකාරකම් බන්ධනාගාර තුළ ක්‍රියාත්මක කිරීමට අදිසි හස්තයක් ක්‍රියාත්මක වන බව පෙනෙන අතර ඒවාට අනුබල දෙන්නේ කවුද කියා සෙවීමට අවශ්‍ය බවයි.

මහර බන්ධනාගාරයේ සියලු රැඳවියන් පළා යාමේ සැලසුමක් පැවති බවට තොරතුරු අනාවරණය වී ඇති බවට චෝදනා කරන ඇය අවධාරණය කරන්නේ මෙය අහඹු සිදුවීමක් ලෙස නොදකින අතර  පසුගිය සති කිහිපය තුළ වරින්වර බන්ධනාගාර කිහිපයක රැඳවියන් පලා යාමේ උත්සාහයන්හි නිරතව සිටි බවයි.

ඒ කොහේදැයි සඳහන් නොකල අමාත්‍යවරිය මහර සිද්ධිය සම්බන්ධයෙන් පුළුල් විමර්ශනයක් ක්‍රියාත්මක කරන බව කියා තිබේ.

 

පොලීසිය කියන කතාව:

Mahara Police

වසංගත අවදානමෙන් ජීවිත බේරාගැනීම සඳහා රැඳවියන් කළ බලපෑම් වලට බන්ධනාගාර බලධාරීන් දැක්වූ ප්‍රතිචාරය මාරාන්තික ගැටුමක් දක්වා දුරදිග ගිය බව පොලිසිය පිළිගෙන තිබේ. 

නොවැම්බර් 29 ඉරිදා හවස් යාමයේ මහර බන්ධනාගාරයේ හටගත් නොසන්සුන්තාවට හේතුව රිමාන්ඩ් සිරකරුවන් පිරිසක් හා බන්ධනාගාර නිලධාරීන් අතර ඇති වූ “යම් කතාබහක්” බවයි, පොලිස් මාධ්‍ය ප්‍රකාශක, නියෝජ්‍ය පොලිස්පති නීතිඥ අජිත් රෝහණ පවසන්නේ.

බන්ධනාගාරය තුළ කොරෝනා වෛරසය ව්‍යාප්ත වීම නිසා තමන් නිදහස් කර පිටතට යවන ලෙස රැඳවියන් ඉල්ලීම් කර ඇති අතර පසුව හටගත් නොසන්සුන්තාව කැරැල්ලක් දක්වා වර්ධනය වූ බව පොලිස් මාධ්‍ය ප්‍රකාශක මාධ්‍යවේදීන් හා පවසා තිබේ.

Ajith Rohanaබන්ධනාගාරය තුළ කොරෝනා වෛරසය ව්‍යාප්ත වීම නිසා තමන් නිදහස් කර පිටතට යවන ලෙස රැඳවියන් ඉල්ලීම් කර ඇති අතර පසුව හටගත් නොසන්සුන්තාව කැරැල්ලක් දක්වා වර්ධනය වූ බව පොලිස් මාධ්‍ය ප්‍රකාශක මාධ්‍යවේදීන් හා පවසා තිබේ.

සිරකරුවන්  මැදිරිවල ආරක්ෂක වැට විනාශ කරමින් ඉදිරියට පැමිණ පලා යාමට උත්සාහ කිරීමේදී බන්ධානාගාර නිලධාරීන් පිරිස පාලනය කිරීමට ක්‍රියා කර ඇති බව ඔහු සඳහන් කරයි.

 

නිලධාරීන් දෙදෙනෙකු ප්‍රාණ ඇපකරුවන් ලෙස තබාගෙන:

රැඳවියන් විසින් නිලධාරීන් දෙදෙනෙකු ප්‍රාණ ඇපකරුවන් ලෙස තබාගෙන ඇති අතර  මෙහෙයුම් කණ්ඩායම් ඔවුන් දෙදෙනා  බේරා ගෙන ඇත්තේ අසීරු මෙහෙයුමකින් අනතුරුව බව නියෝජ්‍ය පොලිස්පතිවරයා වැඩිදුරටත් කියා සිටී.

පොලිස් මාධ්‍ය ප්‍රකාශක අජිත් රෝහණ පවසන පරිදි නොවැම්බර් 29 ඉරිදා රාත්‍රියේ සිට 30 සදුදා උදෑසන 6 පමණ වන විටත් බන්ධනාගාරය තුළ ගිනි තැබීම්, දේපොළ අලාභහානි කිරීම් වැනි විවිධ සිදුවීමී වාර්තා වී ඇත.

සෞඛ්‍ය බලධාරීන් පවසන පරිදි මහර බන්ධනාගාරයේ ඇතිවූ ගැටුමෙන් රැඳවියන් 8 දෙනෙකු මියගොස් අවම වශයෙන්  තවත් 71 දෙනෙකු තුවාල ලබා තිබේ.

රාගම රෝහලේ අධ්‍යක්ෂ වෛද්‍ය ෂෙල්ටන් පෙරේරා මාධ්‍යවේදීන් හා පවසා ඇත්තේ ඔවුන් අතුරින්  69 දෙනෙකු රැඳවියන්  බවයි.

මරණ සංඛ්‍යාව තවත් ඉහල යා හැකි බවට ක්‍රියාධාරීහු බිය පල කරති.

 

ආරක්ෂක ලේකම්ගෙන් පොලිස්පතිට උපදෙස්:

DSගින්න අද උදෑසන තෙක්ම පැවති බව ආරක්ෂක අමාත්‍යාංශය පවසයි.

මහර බන්ධනාගාරයේ හටගත් නොසන්සුන් තත්වය පිළිබඳව විශේෂ විමර්ශනයක් පවත්වන ලෙස ආරක්ෂක ලේකම් මේජර් ජෙනරාල් කමල් ගුණරත්න පොලිස්පති සී.ඩී වික්‍රමරත්න වෙත නොවැම්බර් 30 සඳුදා උපදෙස් දී තිබේ.

මහර බන්ධනාගාරයේ ඇතිවූ නොසන්සුන්තාවයක් අතර වාරයේදී එහි රැඳවියන් පිරිසක් ඉන් පළා යෑමට තැත් කිරිම සහ ඊට අදාළ සිදුවීම් සම්බන්ධයෙන් විමර්ෂණයක් සිදුකරන ලෙසයි ආරක්ෂක ලේකම්වරයා පොලිස්පතිවරයාට  උපදෙස් ලබාදී ඇත්තේ.

ඇති වු ගැටුම්කාරී තත්වය මුල් අවස්ථාවේදී සමනය කිරීමට බන්ධනාගාර නිලධාරීන් සම්බන්ධ වූ නමුත් එය පාලනය කළ නොහැකි තත්වයක් බවට පත්වූ විට පොලීසිය සහ විශේෂ කාර්ය බලකාය බන්ධනාගාරය වෙත කැඳවීමට සිදුවූ බව ආරක්ෂක අමාත්‍යාංශය නිකුත් කළ  නිවේදනයක  සඳහන් වේ.

අනතුරුව පැමිණි පොලීසිය , බන්ධනාගාරය අවට ආරක්ෂාව තර කිරීමට පියවර ගත් බව හමුදා ප්‍රකාශක බ්‍රිගේඩියර් චන්දන වික්‍රමසිංහගේ අත්සනින් නිකුත් කළ නිවේදනයේ දැක්වේ.

කළහකාරී ලෙස හැසිරුණු රැඳවියන් බන්ධනාගාරයේ සෞඛ්‍ය කාර්යාලයට සහ ගබඩාවලට ගිනි තබා තිබූ අතර එම ගින්න අද උදෑසන තෙක්ම පැවති බව ආරක්ෂක අමාත්‍යාංශය පවසයි.

මේ වනවිට එම ගින්න සම්පූර්ණයෙන්ම වැඩපවත්වා ඇති අතර බන්ධනාගාරයේ දෛනික කටයුතු යළි ආරම්භ කර ඇතැයි ආරක්ෂක අමාත්‍යාංශය නිකුත් කළ නිවේදනයේ වැඩි දුරටත්  සඳහන් ය.

 

බන්ධනාගාර පොකුර:

බන්ධනාගාර ගතකොට සිටින හිටපු රහස් පොලිස් ප්‍රධානී ශානි අබේසේකර සහ පාස්කු බෝම්බ සැකකාර සහරාන් හෂීම්ගේ බිරිඳ වන ෆාතිමා සාදියාට කෝවිඩ්19 ආසාදිත වී ඇති බවට පලවන වාර්තා ගැන අවධානය යොමු කර ඇති ශ්‍රී ලංකා මානව කොමිසම ඒ දෙදෙනාගේ සෞඛ්‍යාරක්ෂාව තහවුරු කිරීමට පියවර ගන්නා ලෙස බලධාරීන්ගෙන් ඉල්ලා තිබුණි.

''බන්ධනාගාර ගතකොට සිටින හිටපු රහස් පොලිස් ප්‍රධානී ශානි අබේසේකර සහ පාස්කු බෝම්බ සැකකාර සහරාන් හෂීම්ගේ බිරිඳ වන ෆාතිමා සාදියාට කෝවිඩ්19 ආසාදිත වී ඇති බවට පලවන වාර්තා ගැන අවධානය යොමු කර ඇති ශ්‍රී ලංකා මානව කොමිසම ඒ දෙදෙනාගේ සෞඛ්‍යාරක්ෂාව තහවුරු කිරීමට පියවර ගන්නා ලෙස බලධාරීන්ගෙන් ඉල්ලා තිබුණි.''

බන්ධනාගාර ආශ්‍රිත කොරෝනා ආසාදිතයන් සංඛ්‍යාව නොවැම්බර් 29 ඉරිදා හවස වන විට 1091 ක් දක්වා ඉහළ ගොස් තිබුනි.

මහර බන්ධනාගාරයේ රැඳවියන් අතර ඉන්නා ආසාදිතයන් 183 ට අමතරව මේ වනවිට වැලිකඩ බන්ධනාගාරයෙන් වාර්තා වන  කොරෝනා ආසාදිතයින්  ගණන 386 කි.

කොළඹ රිමාන්ඩ් බන්ධනාගාරයෙන් වාර්තා වන ආසාදිතයන් ගණන 157 කි.

ඊයේ හවස් වන  වනවිට කොරෝනා ආසාදිත බන්ධනාගාර නිලධාරීන් ගණන 58 දක්වා ඉහළ ගොස් තිබුනි.

ඉන් 6 දෙනෙකු පූර්ණ සුවය ලබා ඇතැයි, බන්ධනාගාර දෙපාර්තමේන්තුව පවසයි.

මේ දක්වා කාලය තුළ සුවය ලැබු සමස්ත බන්ධනාගාර ආශ්‍රිත කොරෝනා ආසාදිතයන් සංඛ්‍යාව 113 කි.

කොවිඩ් ආසාදනය වී සිටි මහර බන්ධනාගාරයේ රැඳවියන් 187 දෙනකු කොළඹ මැගසින් බන්ධනාගාරයට මාරු කොට යවා ඇති බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ නොවැම්බර් 30 සදුදා මාධ්‍යවේදීන් හා කියා තිබේ.

 

සබැඳි පුවත් :

සිරකරුවන් 8 කට මරු කැඳවූ මහර බන්ධනාගාර ගැටුම කාගේ වරදින්ද? -BBC වාර්තාවක් 

'මහර බන්ධනාගාරයේ වෙඩි තැබීම ජාත්‍යන්තර කුමන්ත්‍රණයක්'- ඇමති විමල් (වීඩියෝ)

මහර සිදුවීම යට ගහන්න එපා'- විපක්ෂනායක : මරණ ගණන තවත් වැඩිවේ -රැඳවියන් වෙනත් ස්ථානයකට (වීඩියෝ)  

මහර බන්ධනාගාරයේ වෙඩි තැබීමෙන් 6 දෙනෙක් මරුට : කිහිප දෙනෙකුගේ තත්වය බරපතලයි !

මහර ඛේදවාචකයට පාලකයින් වගකිවයුතුයි - සිරකරු අයිතිවාසිකම් සුරැකීමේ කමිටුව (වීඩියෝ)      

 

subscribeYT

WhatsApp Image 2021 09 13 at 13.49.58

නවතම පුවත්