අතුරුදහන් සමීපතමයන්ගේ ඉරණම හෙළි කර ගැනීම සඳහා අව්, වැසි නොතකා
තුන් අවුරුද්දකට වැඩි කාලයක් වීදියට බැස සිටින දෙමළ අම්මාවරුන් මෙවර ජාත්‍යන්තර මානව හිමිකම් දිනය සැමරුවේද තමන්ට යුක්තිය ඉටු නොවීම සම්බන්ධයෙන් නොසතුට පල කරමිනි.
 
දින 1300ක් ඉක්මවන අහිංසාවාදී විරෝධතාවක් උතුරු නැගෙනහිර පුරා දියත් කරමින් මව්වරුන්, දියණියන්, බිරියන් හා සොයුරියන් එක්සත් ජාතීන්ගේ සංවිධානයට ලිපියක් ලියමින් කියා සිටියේ ජාත්‍යන්තර ආශිර්වාදයෙන් පිහිටුවන ලද අතුරුදහන් වූ තැනැත්තන් පිළිබඳ කාර්යාලය (OMP) කෙරේ තමන්ගේ විශ්වාසයක් නැති බවයි.
 
ඒ නිසා, එක්සත් ජාතීන්ට සෘජුව මැදිහත් වන ලෙස උතුරු නැගෙනහිර බලහත්කාරයෙන් අතුරුදහන් කරවන ලද පුද්ගලයන්ගේ සංවිධානය මානව හිමිකම් පිළිබඳ එක්සත් ජාතීන්ගේ මහකොමසාරිස් මිචෙල් බැෂලේ වෙත යවන ලිපියකින් ඉල්ලා තිබේ.
 
“යුද්ධයේ අවසාන භාගයේ දී අපේ ඥාතීන් සන්නද්ධ හමුදා වෙත බාර දෙන විට ආරක්ෂක ලේකම් වශයෙන් සිටි වර්තමාන රාජ්‍ය පාලකයා ඒ පිළිබඳව හොඳින් දන්නා නිසා ඔවුන් ආපසු අපට බාර දීම ඔහුගේ වගකීමක් වන්නේය,” යි සංගමයේ සභාපතිනි යෝගරාජා කනගරංජනී සහ ලේකම් ලීලාදේවී ආනන්දනඩරාජා විසින් ලියා ඇති ලිපියේ සඳහන් වේ.
 
“යුද්ධයේ අවසාන භාගයේ දී අපේ ඥාතීන් සන්නද්ධ හමුදා වෙත බාර දෙන විට ආරක්ෂක ලේකම් වශයෙන් සිටි වර්තමාන රාජ්‍ය පාලකයා ඒ පිළිබඳව හොඳින් දන්නා නිසා ඔවුන් ආපසු අපට බාර දීම ඔහුගේ වගකීමක් වන්නේය,” යි සංගමයේ සභාපතිනි යෝගරාජා කනගරංජනී සහ ලේකම් ලීලාදේවී ආනන්දනඩරාජා විසින් ලියා ඇති ලිපියේ සඳහන් වේ.
 
තමන් විසින් දිගින් දිගටම පලකරන ලද අවිශ්වාසය නොතකා පසුගිය ආණ්ඩුවත් ජාත්‍යන්තර බලවතුනුත් එක්වී පිහිටුවන ලද OMP කාර්යාලය විසින් වසර තුනකට ආසන්න කාලයක් ගතවීමෙන් අනතුරුවත් නිකුත් කර ඇති ලේඛනය අතුරුදහන්වුවන්ගේ ඉරණම හෙළිකර දීමට කිසිදු උපකාරයක් වීම ඥාතීන්ගේ මහත් කනස්සල්ලට හේතුවී තිබේ.
 

OMP UN 1

OMP UN 2

OMP UN 3

OMP UN 4
 
 
OMP ලැයිස්තුව
 
අතුරුදහන් වුවන් පිළිබඳ පැමිණිලි සහ තොරතුරු ඇතුලත් ලැයිස්තුවක් ප්‍රසිද්ධියට පත් කර ඇතැයි OMP කාර්යාලය විසින් නොවැම්බර් 26 දා ප්‍රකාශයට පත් කර තිබුණි. 
 
කොළඹ ප්‍රධාන කාර්යාලයට අමතරව  යාපනය, මාතර මඩකලපුව හා මන්නාරම ප්‍රාදේශීය කාර්යාල වලදී එම ලේඛනය පරීක්ෂා කළ හැකි බව එම ආයතනය විසින් නිකුත් කරන ලද නිවේදනයක දැක්විණි.
 
කෙසේ වෙතත්, අවුරුදු තුනකට ආසන්න කාලයක් තිස්සේ එකතු කරගත් තොරතුරු ලෙස දක්වා තිබුනේ අතුරුදහන් පුද්ගලයාගේ වෙනුවෙන් ඇති යොමු අංකය, එම තැනැත්තාගේ නම ඉංග්‍රීසි සහ සිංහල හෝ දෙමළ බසින්, අතුරුදහන් වූ දිනය සහ අවසන් වරට පදිංචිව සිටි දිස්ත්‍රික්කය පමණි.
 
එම තොරතුරු වලින් තමන්ට සෑහීමකට පත් විය හැකි නොහැකි බව පෙන්වා දෙන ඥාතීන් පවසන්නේ දැනටමත් තමන් එම විස්තර දන්නා බවයි. 
 
එම තොරතුරු අතර හෝ තම සමීපතමයාට වූ ඉරණම දැනගැනීමේ හෝඩුවාවක් ලැබේදැයි පරීක්ෂා කර බැලීම පිණිස යාපනය කාර්යාලයට ගිය අම්මාවරුන් කණ්ඩායමකට එහිදී දැනගන්නට ලැබී ඇත්තේ සම්පූර්ණ ලැයිස්තුව ඇත්තේ කොළඹ ප්‍රධාන කාර්යාලයේ පමණක් බවයි.
 
අතුරුදහන් කරවීමට වගකිව යුතු අය සම්බන්ධයෙන් හෝ එහි සඳහන් නොවීම ගැන ඥාතීහු කනස්සල්ලට පත්ව සිටිති.
 
එම ලැයිස්තු මේ වනවිට OMP වෙබ් අඩවියේ ඇතුල් කර තිබේ.
 

subscribeYT

WhatsApp Image 2021 09 13 at 13.49.58

නවතම පුවත්