වසංගතයෙන් මියයන මුස්ලිම්වරුන් තමන්ගේ මාතෘභූමිය තුල භූමදානයට අවසර නොදෙන ශ්‍රී ලංකාවේ
 ජනාධිපතිවරයා ඒ සඳහා පිටරට ඉඩම් සෙවීම ආරම්භ කර තිබේ.
 
ජනාධිපති ගෝඨාභය රාජපක්ෂ ඉඩම් ලබාදෙන ලෙස මුලින්ම විශේෂ ඉල්ලීමක් කර ඇත්තේ මාලදිවයිනෙනි.
 
“කෝවිඩ්19න් මියයන ශ්‍රී ලාංකික මුස්ලිම්වරුන්ගේ ඉස්ලාමීය අවසන් වතාවත් මාලදිවයිනේ පැවැත්වීමට සහාය දෙන ලෙස ශ්‍රී ලංකාවේ ජනාධිපති ගෝඨාභය රාජපක්ෂ විසින් කරන ලද විශේෂ ඉල්ලීමක් අනුව ජනාධිපති මොහමඩ් ඉබ්‍රාහිම් සොලී ආණ්ඩුවේ අදාළ පාර්ශව සමග සාකච්ඡා ආරම්භ කර තිබේ,” යි මාලදිවයින් විදේශ අමාත්‍ය අබ්දුල්ලා ෂාහිඩ් ට්විටර් මගින් නිවේදනය කර තිබේ.
 
කෙසේවෙතත්, රජය මැදිහත් වී ශ්‍රී ලාංකිකයන් වෙනත් රටක භූමදානය කිරීම ඔවුන්ගේ මානව හිමිකම් උල්ලංඝනයක් බව ශ්‍රී ලංකා මුස්ලිම් කොන්ග්‍රස් නායකයා මාලදිවයින් ආණ්ඩුවට පෙන්වා දී තිබේ.
 
රජය මැදිහත් වී ශ්‍රී ලාංකිකයන් වෙනත් රටක භූමදානය කිරීම ඔවුන්ගේ මානව හිමිකම් උල්ලංඝනයක් බව ශ්‍රී ලංකා මුස්ලිම් කොන්ග්‍රස් නායකයා මාලදිවයින් ආණ්ඩුවට පෙන්වා දී තිබේ.
 
“මේ සංඥාව සම්බන්ධයෙන් සර්වබලධාරී දෙවියන් වහන්සේ ඔබටත් ඔබේ දේශයටත් ආශිර්වාද කරත්වා. එසේ වෙතත්, අපේ ආදරණීය දේශයේ ජීවත්වී අභිමානයෙන් යුතුව භූමදානය වීමේ අයිතිය ප්‍රතික්ෂේප කිරීමට ආණ්ඩුව මෙම පොරොන්දුව ප්‍රයෝජනයට ගන්නට දරන කිසියම් උත්සාහයක් වේනම් අපි ඊට විරුද්ධ වන්නෙමු,” යි රවුෆ් හකීම් මන්ත්‍රීවරයා කොළඹ මාලදිවයින් මහකොමසාරිස් වෙත ලියා ඇති ලිපියකින් කියා සිටී.
 
මුස්ලිම් නායකයා එම ලිපිය ලියා තිබුනේ මාලදිවයින ශ්‍රී ලාංකිකයන් වල දැමීමට ඉඩම් සෙවීම සඳහා මැදිහත්වී ඇත්තේ ඔවුන්ගේ උවමනාවෙන්ම බවයි සෞඛ්‍ය සේවා නියෝජ්‍ය අධ්‍යක්ෂ ජනරාල් වෛද්‍ය හේමන්ත හේරත් උපුටා දක්වන ඩේලි මිරර් පුවත් වාර්තාවක් දැකීමෙන් පසුවයි.
 

Hakeem tw

 
ශ්‍රී ලංකාවේ ජනාධිපතිවරයා තම ඉල්ලීම කර ඇත්තේ කෝවිඩ් ආසාදනයෙන් මියගිය සිඟිති දරුවකු ඇතුළු ඉස්ලාම් භක්තිකයන්ගේ සිරුරු බලහත්කාරයෙන් පිළිස්සීමට විරුද්ධව රට තුලත් ඉන් පිටතත් මතුවන විරෝධතා මධ්‍යයේ අගමැතිවරයා ලංකාවේ ඉඩම් සොයන්නට උපදෙස් දී තිබියදීය.
 
අගමැති මහින්ද රාජපක්ෂ මීට මාසයකට ඉහතදීත් එම උපදේශයම දී තිබුනත් එයින් ප්‍රතිපලයක් අත් වූ බවක් දැනගන්නට නැත.
 
 
 
නින්දා සහගත ක්‍රියාවක් - මංගල කියයි 
 
මේ සම්බන්ධයෙන් ට්විටර් සටහනක් පළකර ඇති 'සැබෑ දේශප්‍රේමියෝ' ව්‍යාපාරයේ මංගල සමරවීර හිටපු අමාත්‍යවරයා පවසා ඇත්තේ, මෙය සත්‍යයක් නම්, මෙරට පුරවැසියන්ගේ ‘අවමංගල්‍ය කටයුතු සඳහා පහසුකම්’ සලසා දෙන ලෙස ශ්‍රී ලංකාව අසල්වැසි රටකින් ඉල්ලා සිටීම නින්දාවක් බවයි.
 
''සියළුම ශ්‍රී ලාංකිකයන්ට තමන් ඉපදුණ හා හැදුනු වැඩුණු භුමියේ ඔවුන්ගේ විශ්වාසයන්ට අනුව අවසන් කටයුතු කිරීමට අයිතිය තිබිය යුතුය.'' යයි ඔහු සිය ට්විටර් සටහනින් අවධාරණය කර සිටියි.
 

Mangalatw

 

subscribeYT

WhatsApp Image 2021 09 13 at 13.49.58

නවතම පුවත්