ප්‍රජාතන්ත්‍රවාදී අයිතිවාසිකම් දිනා ගැනීම සදහා දෙමළ සහ මුස්ලිම් ජනයා ඒකාබද්ධව කටයුතු කිරීමේ කාලය එළඹ ඇති බව උතුරේ දෙමළ ජාතිකවාදී පක්ෂයක නායකයකු ප්‍රකාශ කර තිබේ.
 
 දෙමළ ජාතික ජනතා පෙරමුණේ (TNPF) මහලේකම් සෙල්වරාසා ගජෙන්ද්‍රන් ඒ බව පවසා ඇත්තේ ඉස්ලාම් බැතිමතුන්ගේ මළ සිරුරු භුමදානය කිරීමේ අයිතිය ඉල්ලා උතුරේ  පැවැත්වු විරෝධතාවයකදීය.
 
 දෙසැම්බර් 25 සිකුරාදා යාපනය පහේ හන්දියේ පැවැත්වු විරෝධතාවය සදහා ප්‍රදේශවාසී මුස්ලිම් සහ දෙමළ ජනයා එක්ව සිටි බව පළාත් බද වාර්තාකරුවෝ පවසති.
 
 මළ සිරුරු භුමදානය කිරීම මුස්ලිම් ජනතාවගේ අයිතියක් බව පෙන්වා දී ඇති පාර්ලිමේන්තු මන්ත්‍රී ගජේන්ද්‍රන් එහිදී තව දුරටත් පවසා ඇත්තේ එම හිමිකම නැති කිරීමට කිසිවකුට අයිතියක් නොමැති බවයි.
 
 කොරෝනාබාධිතව මිය යන පුද්ගලයන්ගේ සිරුරු භුමදානය කිරීම සදහා ලෝක සෞඛ්‍ය සංවිධානය විසින්  විද්‍යාත්මක පදනමක් යටතේ අනුමැතිය දී තිබියදීත් ලංකාව තුල එම අයිතිය ලබා නොදෙන්නේ කුමන පදනමකින්දැයි TNPF මහලේකම්වරයා එහිදී වැඩි දුරටත් විමසා තිබේ.   
 

EqGKoccXcAI7Ly7

 

subscribeYT

WhatsApp Image 2021 09 13 at 13.49.58

නවතම පුවත්