කොරෝනා වෛරසය බන්ධනාගාර තුළ වේගයෙන් පැතිර යද්දී, දෙමළ දේශපාලන සිරකරුවන්ට නිදහස ඉල්ලා ශ්‍රී ලංකාවේ උතුරු හා නැගෙනහිර ප්‍රදේශ පුරා විරෝධතා දිගටම දියත් වෙමින් පවතී.
 
 ගෙවී ගිය වසර අවසානයේ යාපනයෙන් ආරම්භ වුනු විරෝධතාවට සර්වාගමික නායකයන් මෙන්ම විපක්ෂයේ දෙමළ දේශපාලන නායකයන් ද  එක්ව තිබුනි.
 
 උතුරේ දී මන්නාරමේ සිට මුලතිව් දක්වාත්, නැගෙනහිර දී මඩකලපුවේ සිට අම්පාර දක්වාත් සංවිධානය වී පවතින මෙම විරෝධතාවයන් මගින් ආණඩුවට බලකර සිටින්නේ, කොරෝනා දෙවැනි රැල්ලේ දී වෛරස් ආසාදනය වඩාත් සීඝ්‍රයෙන් ඉහල යමින් තිබෙන තත්වය යටතේ දේශපාලන සිරකරුවන් සානුකම්පිත හේතු මත වහාම නිදහස් කරන ලෙස යි.
 
 
 

received 208112477613696

 
දේශපාලන සිරකරුවකු ව සිට නිදහස ලබා ඇති, “හඬක් නොමැතියවුන්ගේ හඬ” සංවිධානයේ කැදවුම්කරු මුරුගයියා කෝමගන් කියා සිටියේ අඩුම තරමින් දේශපාලන සිරකරුවන් 16 දෙනකු කෝවිඩ් ආසාදිත වී හුදෙකලා කඳවුරු වලට රැගෙන ගොස් ඇති බවයි.
 
 දිගුකාලීනව රැදවුම් භාරයේ සිටින හතරදෙනකු ද ඇතුලත්ව ඔවුන්ගෙන් 13ක් දෙමළ දේශපාලන සිරකරුවන් වන අතර, ඉතිරි අය මැතකදී රැගෙන ආ අය බව ඔහු පැවසී ය.
 
 ඔහුට අනුව ඔවුන්ට PCR පරීක්ෂණ සිදු කර නොමැති අතර, රැඳවියන්ට ඒ සඳහා වියදම් දැරීමට හැකියාවක්ද නොමැත.
 
 එසේම මෙම පරීක්ෂණය කර ගැනීමට ඔවුන් පසුබට වන බවද ඔහු විරෝධතාවය අතරතුර දී  ප්‍රකාශ කර සිටියේය.
 
 මෙම සිරකරුවන්ගේ දරුපවුල් ඔවුන් පිලිබඳ තොරතුරු ලබා ගැනීමට ප්‍රවේශයක් නොමැති කමින් කම්පාවට පත්වී සිටති.
 
 විරෝධතාකරුවන් ජනාධිපතිවරයාගෙන් ඉල්ලා සිටින්නේ අඩුම තරමින් දැන්වත් කාරුණික වී, මානුෂීයව සළකා ඔවුන්ව නිදහස් කරන ලෙසයි.
 
ඇතැම්  දෙමළ දේශපාලන සිරකරුවන් අවුරුදු 10ත් 25ත් අතර කාලයක් තිස්සේ විවිධ බන්ධනාගාර වල කල් ගත කර තිබේ. තවමත් නඩු පවරා නොමැති මෙම සිරකරුවන්ගෙන් බොහෝමයක් සිරගත කොට සිටින්නේ නඩු විභාගයකින් තොරවය.
 
ඇතැම්  දෙමළ දේශපාලන සිරකරුවන් අවුරුදු 10ත් 25ත් අතර කාලයක් තිස්සේ විවිධ බන්ධනාගාර වල කල් ගත කර තිබේ.
 
 තවමත් නඩු පවරා නොමැති මෙම සිරකරුවන්ගෙන් බොහෝමයක් සිරගත කොට සිටින්නේ නඩු විභාගයකින් තොරවය.
 
 දේශපාලන හා ආගමික නායකයන් විසින් ඔවුන්ව නිදහස් කරන ලෙස පැවැති ආණ්ඩු වලින් ඉල්ලා ඇති මුත් මේතාක්  පලක් වී නොමැත.
 
 
 

received 823493574906937

 
ගෙවී ගිය වසර අවසානයේ යාපනයේ පැවැති උද්ඝෝෂණයට එක්වෙමින් උතුරේ සමාජ ක්‍රියාධර නීතිඥයකු වන කනගරත්නම් සුගාෂ් පවසා සිටියේ, “කොරෝනා ආසාදිත පුද්ගලයන්ට බිත්තර හා කිරි වැනි විශේෂ පෝෂ්‍යදායී ආහාර අවශ්‍ය වුනත්, ඒවා ඔවුන්ට ලබා දෙන්නේ නැහැ. ඊටත් වඩා වේදනාකාරී වන්නේ වසර 300 ක සිර දඩුවමක් නියමව සිටින බ්‍රාහ්මණ පූජක රගුපති ෂර්මා පිලිබද තත්වයයි. 
 
මම මේ සිරකරුවන්ගේ නෑදැයන්ගෙන් දැනගත්ත විදියට මෙම කොරෝනා කාලයේ දී බන්ධනාගාරය ඇතුලට පිටින් ආහාර ගෙන ඒමට අවසරයක් නැහැ. එහෙම වුනත් බ්‍රාහ්මණයකු නිසා ඔහුට විශේෂයෙන් සැකසූ නිර්මාංශ ආහාර අවශ්‍ය වෙනවා. නමුත් ඔහුට එවැනි ආහාර ලබාගැනීම සදහා ක්‍රමයක් නැති නිසා, මේ වන විට අඩුම තරමින් කිලෝ දහයකින් ඔහුගේ බර අඩු වෙලා තියෙනවා. මේ තත්වයන් නිසා දේශපාලන සිරකරුවන් 147 දෙනාම, වහාම කොන්දේසි විරහිතව නිදහස් කරන ලෙස අපි ඉල්ලා සිටිනවා” යනුවෙනි.
 
උද්ඝෝෂකයන් පවසන්නේ ‘මේ රගුපති ෂර්මාගේ තත්ත්වය හුදෙකලා සිදුවීමක් නොවන’ අතර දේශපාලන සිරකරුවන් සියල්ලම පාහේ මෙවන් තත්වයකට මුහුණ දී සිටින බවයි.
 
 
 
උද්ඝෝෂකයන් පවසන්නේ ‘මේ රගුපති ෂර්මාගේ තත්ත්වය හුදෙකලා සිදුවීමක් නොවන’ අතර දේශපාලන සිරකරුවන් සියල්ලම පාහේ මෙවන් තත්වයකට මුහුණ දී සිටින බවයි.
 
 
ඔවුන් පෙන්වා දෙන්නේ  දේශපාලන සිරකරුවන් දිවි බේරා  ගැනීමේ සටනකට මුහුණ දී සිටින අතර පෝෂ්‍යදායී ආහාර හිගකම ඔවුන්ගේ මරණයට පවා හේතු විය හැකි බවයි.
 
ආසාදිතයන් සඳහා වහාම PCR පරීක්ෂණ ලබා දෙන ලෙස ඉල්ලා සිටින විරෝධතාකරුවන්, තත්වය නරක අතට හැරීමට පෙර ඔවුන්ගේ ආරක්ෂාව සහතික කරන ලෙසද ඉල්ලා සිටී.
 
යාපන විරෝධතාවයේ දී  අදහස් දැක්වු ආගමික නායකයන් කියා සිටියේ, දේශපාලන සිරකරුවන් ශාරීරිකව දුර්වලව හා මානසිකව කම්පනයන්ට ගොදුරුව සිටින තත්වය ඔවුන්ගේ  මරණයට පවා  හේතු විය හැකි බවයි.
 
සමාව ඉල්ලමු
 
 
“ප්‍රායෝගිකව සැලකීමේ දී වඩා වැදගත් වන්නේ දේශපාලන සිරකරුවන්ගෙන් අපි සමාව ඉල්ලා සිටීමයි. එමෙන්ම අපේ රටේ අධිකරණය කොතරම් දුරට අනුකම්පා සහාගත ද යන්නත් අප විසින් ප්‍රශ්නයට ලක් කිරීමත් අවශ්‍යයි,” යනුවෙන් කිතුනු පූජකයකු විරෝධතා භූමියේ දී ජනමාධ්‍යයට කියා සිටියේ ය.
 
“පිල්ලයාන් ඇප මත නිදහස් කරන්න පුළුවන්නම් අනෙක් අයට එහෙම කරන්න බැරි ඇයි ?”  හිටපු පාර්ලිමේන්තු මන්ත්‍රී එම් කේ සිවජිලිංගම් ප්‍රශ්න කර සිටියේ ය.
 
 
 
“පිල්ලයාන් ඇප මත නිදහස් කරන්න පුළුවන්නම් අනෙක් අයට එහෙම කරන්න බැරි ඇයි ?”  හිටපු පාර්ලිමේන්තු මන්ත්‍රී එම් කේ සිවජිලිංගම් ප්‍රශ්න කර සිටියේ ය.
 
දෙමළ ජාතික සන්ධාන මන්ත්‍රී ජෝශප් පරාරාජසිංහම් පහළොස් වසරකට ඉහතදී ඝාතනය කිරීම සම්බන්ධ නඩුවේ ප්‍රධාන සැකකරුවෙකි. පිල්ලයාන් නමින් ප්‍රකට  සිවනේසතුරෙයි චන්ද්‍රකාන්තන්, ඇප මත නිදහස්ව සිටින පාලක පක්ෂයේ පාර්ලිමේන්තු මන්ත්‍රීවරයෙකි.
 
එම් කේ සිවජිලිංගම් හිටපු මන්ත්‍රීවරයා තවදුරටත් කියා සිටියේ, “ඔවුන්ට පොදු සමාව ලබා දෙන්න බැරිනම් , ඔවුන්ව ඔවුන්ගේ ගෙවල්වල රඳවන්න. එහි දී ඔවුන්ට ප්‍රතිකාර ලබා දීමට ඉඩ දෙන්න. පස්සේ ඔවුන්ව නිදහස් කිරීම සඳහා අවශ්‍ය පරිදි පියවරෙන් පියවර ක්‍රියා කිරීමට රජයට  ගත හැකි,” බවයි.
 
ශ්‍රී ලංකාවේ සිරගෙවල් වල කොරෝනා වෛරසය පැතිරීමේ බරපතළකම තිබියදීත්, පවුලේ සාමාජිකයන්, දේශපාලන හා ආගමික නායකයන්, මානව හිමිකම් සංවිධාන සහ සමාජ ක්‍රියාකාරීන්ගේ ඉල්ලීම් නොදැක්කා සේ රජය ක්‍රියා කරමින් සිටින බවට දිගින් දිගටම චෝදනා එල්ල වී තිබේ.
 
 

******************************************************
 
 
The Leader TV පුවත් විකාශය (ජනවාරි 05)

ආණ්ඩු හිතවාදීන්ගෙන් ආණ්ඩුවටම තර්ජන 

 

subscribeYT

WhatsApp Image 2021 09 13 at 13.49.58

නවතම පුවත්