1200 x 80 DMirror
 
 

පනස් දිනකට ආසන්න කාලයක් රඳවාගෙන සිටින දෙමළ මාධ්‍යවේදියකු වහාම නිදහස් කරන ලෙස ජාත්‍යන්තර මාධ්‍යවේදී සංවිධානයක් ශ්‍රී ලංකාවේ ආණ්ඩුවෙන් ඉල්ලා තිබේ.
 
 
දේශසීමා නොමැති වාර්තාකරුවෝ (RSF) සංවිධානය විසින් නිකුත් කරන ලද නිවේදනයකින් පෙන්වා දෙන්නේ භයංකර ත්‍රස්ත චෝදනා නගා මාධ්‍යවේදී මුරුගුපිල්ලේ ගෝකුලදාසන් දිගටම රඳවාගෙන සිටීම පැහැදිලිවම මාධ්‍ය නිදහස උල්ලංඝනයක් බවයි.
 
ත්‍රස්තවාදය වැළක්වීමේ පනත යටතේ මඩකලපුවේ මාධ්‍යවේදියා අත් අඩංගුවට ගන්නා ලද්දේ කොටි සංවිධානයේ ඡායාරූප මූණු පොතේ පල කිරීමේ චෝදනා නගමිනි. 
 
කෙසේ වෙතත්, ඒ සම්බන්ධයෙන් මීට ඉහතදී සමාජ මාධ්‍ය ජාල ඔස්සේ හෙළි කළ ශ්‍රී ලංකාවේ ප්‍රජාතන්ත්‍රවාදය සඳහා මාධ්‍යවේදියෝ (JDS) සංවිධානය පවසා තිබුනේ ඔහු විසින් පලකරන ලද්දේ යුද්ධයෙන් මියගිය පුද්ගලයන්ගේ සමරුවක් සම්බන්ධ පෝස්ටුවක් බවයි.
 
“ස්මරණය සඳහා වූ අයිතිය අපරාධයක් බවට පත් කිරීම අලුත් දෙයක් නොවේ. නිදහස් මාධ්‍යවේදී මුරුගුපිල්ලේ ගෝකුලදාසන් 20.11.28 දා වාලච්චේනෙයි හිදී අත් අඩංගුවට ගෙන තිබේ. ඔහුගේ එකම අපරාධය වූයේ Screen Shot 2021 01 14 at 3.03.16 PMමියගිය දෙමළ අය සම්බන්ධ අදහස් FB ඔස්සේ බෙදා හදා ගැනීම පමණි,” යි JDS විසින් ට්වීට් කර තිබුණි.
 
 
 
 
“කොන්දේසි විරහිතව ඔහු වහාම නිදහස් කිරීමට නියෝග කරන ලෙස අපි ශ්‍රී ලංකාවේ නීතිපතිවරයාගෙන් ඉල්ලා සිටිමු. සෘජුව වේවා, වක්‍රව වේවා දෙමළ ප්‍රශ්නය ගැන සඳහන් කරන සියලු මාධ්‍යවේදීන්ට හිරිහැර කිරීම ආරක්ෂක අංශ අත් හිටුවිය යුතුය,” යි RSF ආසියා ශාන්තිකර කලාපීය ප්‍රධානී ඩැනියෙල් බාස්ටඩ් පවසයි.
 
“පිටරට කොටින්ගෙන් මුදල් ගත්” බවට චෝදනා නගා වසරකට ඉහතදී නැගෙනහිර දෙමළ මාධ්‍යවේදීන් හත් දෙනකුට මරණ තර්ජන එල්ල කර තිබුණි. ඒ අවස්ථාවේ මඩකලපුවේ මාධ්‍ය සමාජයේ කාර්යාලයට දමා බෙදාහැර තිබූ අත් පත්‍රිකාවක ඔවුන්ගේ මුහුණු රවුම් ඇඳ පැහැදිලිව ලකුණු කර තිබුණි.
 
ඔවුන්ගේ පැමිණිල්ල පොලිසිය විසින් භාර ගත්තේ නැත.
 
රටවල් 180ක් අධ්‍යයනය කොට සකස් කොට ඇති RSF ජගත් මාධ්‍ය නිදහසේ දර්ශකයේ ශ්‍රී ලංකාව ඉන්නේ 127 වැනි ස්ථානයේය. 

 

 

 
 

 

 

රටට හොරෙන් කොරෝනා එන්නත විදගත් රාජපක්ෂවරයා?

 

subscribeYT

subscribeYT

නවතම පුවත්