එකොලොස් වසරක් තිස්සේ බලහත්කාරයෙන් අතුරුදහන් කර සිටින දකුණේ සිංහල මාධ්‍යවේදියකුට යුක්තිය ඉටු කරන ලෙස රජයට බලකරමින් නැගෙනහිර පළාතේ දෙමළ මාධ්‍යවේදීන් විරෝධතාවක් පවත්වා තිබේ
 
"ප්‍රගීත් එක්නැලිගොඩගේ දරුවන්ටත්, ප්‍රගීත් එක්නැලිගොඩගේ භාර්යාවටත් සාධාරණය ඉෂ්ට වන තෙක් අපි සියළු දෙනාම පෙළ ගැහිලා අපි උද්ඝෝෂණයක් කරලා හරි අපේ මේ තියන විරුද්ධත්වය මේ රජයට පළකරනවා."
 
දෙමළ ජාතික සන්ධානයේ නවක පාර්ලිමේන්තු මන්ත්‍රී රාසමානික්‍යම් ශානක්‍ය ඒ බව සදහන් කළේ දශකයකට අධික කාලයක් තිස්සේ බලහත්කාරයෙන් අතුරුදහන් කර සිටින මාධ්‍යවේදී ප්‍රගීත් එක්නැලිගොඩට යුක්තිය ඉල්ලා ජනවාරි 29 සිකුරාදා උදෑසන වැසි මද මඩකලපුව මහත්මා ගාන්ධි උද්‍යානය ඉදිරිපිට දී පැවැති විරෝධතාවයට එක්වෙමිනි.
 
Rasamanikyam"ප්‍රගීත් එක්නැලිගොඩගේ දරුවන්ටත්, ප්‍රගීත් එක්නැලිගොඩගේ භාර්යාවටත් සාධාරණය ඉෂ්ට වන තෙක් අපි සියළු දෙනාම පෙළ ගැහිලා අපි උද්ඝෝෂණයක් කරලා හරි අපේ මේ තියන විරුද්ධත්වය මේ රජයට පළකරනවා."
-
පාර්ලිමේන්තු මන්ත්‍රී රාසමානික්‍යම් ශානක්‍
 
එම විරෝධතාවය සංවිධානය කර තිබුනේ නැගෙනහිර පළාත් දෙමළ මාධ්‍යවේදී සංවිධානය, මඩකලපුව දිස්ත්‍රික් දෙමළ මාධ්‍යවේදී සංවිධානය හා මාධ්‍ය සේවක වෘත්තිය සමිති සංධානයේ මඩකලපුව ශාඛාව විසිනි.
 
ප්‍රගීත්  එක්නැලිගොඩ අතුරුදහන් වන සමයේ ආරක්ෂක ලේකම් ලෙස කටයුතු කළ ගෝඨාභය රාජපක්ෂ මේ වන විට ජනාධිපති වන අතර එවකට ජනාධිපති මහින්ද රාජපක්ෂ මේ වන විට අගමැති බව පෙන්වා දෙන පාර්ලිමේන්තු මන්ත්‍රීවරයා එහිදී අවධාරණය කළේ එකොලොස් වසරක් ගතව ඇතත් ප්‍රගීත් වෙනුවෙන් සාධාරණය ඉටු කරන ලෙස ඉල්ලා සිටිය යුතු බවයි.
 
රටේ ප්‍රජාතන්ත්‍රවාදය තහවුරු කිරීම සදහා මාධ්‍ය අත්‍යවශ්‍ය දෙයක් ලෙසින් හදුන්වා දුන් මන්ත්‍රීවරයා එහිදී වැඩි දුරටත් අවධාරණය කළේ ප්‍රජාතන්ත්‍රවාදී රටක් ලෙස ඉදිරියට යෑමටනම් මාධ්‍ය නිදහස අත්‍යාවශ්‍ය බවයි.
 
"ඒක නිසා ප්‍රගීත් එක්නැලිගොඩ මහත්තයාගේ පවුලටත්, ප්‍රගීත් එක්නැලිගොඩ මහත්තයාගේ දරුවන්ටත්, ප්‍රගීත් එක්නැලිගොඩ මහත්තයාටත් සාධාරණයක් ඉෂ්ටවන තෙක් අපි අපේ මේ උද්ඝෝෂණ හැම දවසකම කරන්න අපි බලාපොරොත්තු වෙනවා," යි රාසමානික්‍යම් ශානක්‍ය මන්ත්‍රීවරයා වැඩි දුරටත් සදහන් කළේය.
 
 
 
දකුණ වෙනුවෙන් පෙනී සිටිම:
 
පොලිස් මත්ද්‍රව්‍ය නාශක අංශයේ කලක් සේවය කළ පොලිස් පරීක්ෂක නියෝමාල් රංගජීව කොළඹ මහාධිකරණ පරිශ්‍රයේ දී 2020 වසරේ ජුලි 10 වනදා මව්බිම පුවත්පතේ ඡායාරූප මාධ්‍යවේදී අකිල ජයවර්ධනට අමානුෂික ආකාරයෙන් සැලකීම පිළිබදව විරෝධය පාමින් මඩකලපුව මහත්මා ගාන්ධි උද්‍යානය ඉදිරිපිට දී 2020 වසරේ  ජුලි 11 සෙනසුරාදා දින විරෝධතාවයක් පැවැත්වීමටත් නැගෙනහිර පළාත් දෙමළ මාධ්‍යවේදී සංගමය සහ මඩකලපුව දිස්ත්‍රික් දෙමළ මාධ්‍යවේදීන්ගේ සංගමය කටයුතු කර තිබුනි.
 
ඝාතනයට හා පැහැරගැනීමට මෙන්ම විවිධ හිංසනයන්ට ලක් වන දකුණේ සිංහල මාධ්‍යවේදීන් වෙනුවෙන් දකුනේ මාධ්‍ය සංවිධාන විදී බැසීමට මැලිකමක් දක්වද්දීත්, ඔවුන් වෙනුවෙන් නැගෙනහිර දෙමළ මාධ්‍යවේදීන් හඩ නගන්නේ තමන්ට ද මරණ තර්ජන එල්ල වී තිබියදීය.
 
2020 වසරේ ජනවාරි මාසයේදී මඩකලපුව දිස්ත්‍රික් දෙමළ මාධ්‍යවේදීන්ගේ සංගමයේ මාධ්‍යවේදීන් හට මරණ තර්ජන කරමින් අත්පත්‍රිකා තොගයක් මඩකලපුව දෙමළ මාධ්‍ය සංගම් මුලස්ථානයට රහසේ ගෙනත් දමා තිබුනි.
 
ශ්‍රී ලංකාවේ මාධ්‍ය නිදහසට තර්ජන හා බලපෑම් වැඩි වශයෙන් එල්ල වු මාසයක් ලෙස සලකමින් ‘කලු ජනවාරිය’ලෙසින් ජනවාරි මස සැමරීමට ශ්‍රී ලංකාවේ මාධ්‍ය සංවිධාන වසර කිහිපයක සිට කටයුතු කරමින් සිටී.
 
2009 වසරේ ජනවාරි 06 දා සිරස දෙපානම මාධ්‍ය ආයතනයට එල්ල වූ බෝම්බ ප්‍රහාරය, 2009 වසරේ ජනවාරි 8 දින රත්මලාන අත්තිඩිය ප්‍රදේශයේදී 'සන්ඩේ ලීඩර්' පුවත්පතේ කර්තෘ ලසන්ත වික්‍රමතුංග ඝාතනය හා 2010 වසරේ ජනවාරි 24 වැනිදා මාධ්‍යවේදී ප්‍රගීත් එක්නැගිගොඩ පැහැරගෙන ගොස් බලහත්කාරයෙන් අතුරුදහන් කිරීම ආදී මෙරට මාධ්‍ය සහ මාධ්‍යවේදීන් වෙත එල්ල වූ තවත් බොහෝ ප්‍රහාරයන්ගෙන් ඉලක්ක කරගනිමින් මාධ්‍ය නිදහසේ ‘කලු ජනවාරිය’ මෙරට මාධ්‍ය සංවිධාන විසින් සමරනු ලැබිණි.
 

 

 


 

ක්‍රිකට් බිස්නස් එක ක්‍රිකට් ක්‍රීඩාවක් කරන්නේ මෙහෙමයි !
 
 
 
මැදගොඩ හිමි සර්ට දුන් අලුත්ම පොරොන්දුව! | The Leader TV
 
 

subscribeYT

WhatsApp Image 2021 09 13 at 13.49.58

නවතම පුවත්