පෑලියගොඩ පොලීසියේ ප්‍රධාන පොලිස් පරීක්ෂක ලින්ටන් සිල්වා ඇතුළු නිලධාරීන් 10 කු විසින් නීති විද්‍යාලයේ අවසන් වසරේ සිසුවකු වන මිගාර ගුණරත්නට අමානුෂික පහරදීමක් සිදුකර ඇත.
පෑලියගොඩ පොලිස් ස්ථානය තුල දී සහ පොලිස් වාහනයක් තුල දී එසේ බරපතල ලෙස පහරදී තුවාල සිදු කර තිබේ.
සිය ජ්‍යෙෂ්ඨ නීතිඥයාගේ සේවාදායකයෙකු වෙත කෑම පාර්සලයක් රැගෙන ගිය අවස්ථාවේ දී පෑලියගොඩ පොලීසියේ ලින්ටන් සිල්වා සහ තවත් පොලිස් නිලධාරින් 10 දෙනෙකු විසින් පොළු සහ අතින් පයින් මෙම පහරදීම සිදු කර ඇත.
සිද්ධියට මුල :
සිය සේවාදායකයෙකු අත්අඩංගුව ගැනීමෙන් පසුව නීති ශිෂ්‍ය මිගාර ගුණරත්නගේ සොයුරු නීතිඥ චරිත ගුණරත්න පෙබරවාරි 23 දින පෑලියගොඩ පොලිස් ස්ථානයට ගොස් ඇත.
එහි දී සෙරෙප්පු දෙකක් සහ සිවිල් ඇදුමක් පැළඳ සිටී පොලිස් නිලධාරියකු සේවාදායකයාට ඉතා පහත ආකාරයෙන් තර්ජනය කර තිබේ.
මුල්‍ය වංචාවක් සම්බන්ධයෙන් වන පැමිණිල්ලක් මත එම සැකකරු අත්අඩංගුවට පත්ව තිබූණි.
‘‘අනෙක් සැකකාරයොන්ට චෝදනා ගොඩක් තියෙනවා. ඒ සිද්ධියකට සම්බන්ධ කරලා තමුසේත් ඇතුලට දානවා යැයි‘‘ ජනතාව ඉදිරියේ ප්‍රකාශ කිරීම සම්බන්ධයෙන් නීතිඥවරයා මෙහි දී පොලිස් නිලධාරියාට සිය විරෝධය පළ කර ඇත.
සිවිල් ඇදුමෙන් සිටි පුද්ගලයාට ‘සාජන්‘ යැයි නීතිඥ චරිත ගුණරත්න විසින් අමතා ඇත.
පසුව අනාවරණය වී ඇත්තේ ඔහු CI ලින්ටන් සිල්වා බවයි.
ලින්ටන් සිල්වා විසින් නීතිඥ චරිත ගුණරත්නට බැන වැදුණු බවත් ඔහුගේ නීතිඥ හැඳුණුම්පත රැගෙන එහි විස්තර සිය සටහන් පොතේ සටහන් කර ගත් බවත් නීතිඥවරයා පවසයි.
මෙම සිද්ධියෙන් දින දෙකකට පසුව පෙබරවාරි 25 ඊයේ දින නීතිඥ චරිත ගුණරත්නගේ උපදෙස් මත ඔහුගේ රුවට බොහෝ සමානකම් ඇති ඔහුගේ සහෝදරයා වූ නීති ශිෂ්‍ය මිගාර ගුණරත්න සැකකරුට ආහාර පැකට්ටුවක් රැගෙන පොලීසියට ගොස් ඇත.
එහි දී පොලිස් නිලධාරීන් මිගාර ගුණත්නට ‘මෙතන ප්‍රශ්න ඇතිකළේ තමුසේ නේදැයි‘‘ යි අසා පහර දී ඇත.
කෙසේ නමුත්, පහරදෙන අතර මිගාර ගුණරත්න යනු හිටපු ආණ්ඩුකාර ජනාධිපති නීතිඥ මෛත්‍රී ගුණරත්න ගේ පුතා බව කිසිවෙකු විසින් පොලීසියට පවසා ඇත.
ඒ සමඟම පොලිස් නිලධාරීන් මොහු අංක NE 0825 දරණ පොලිස් ජීප් රථයෙන් රැගෙන ගොස් නැවත පහර දී තිබේ.
පහරදීමට ලක්ව ඇති නීති ශිෂ්‍ය මිගාර
සිද්ධිය සමතයකට පත් නොවන්නේ නම් රාජකාරියට බාධා කිරීම යටතේ අත්අඩංගුවට ගන්නා බවට පොලීසිය මිගාර ගුණරත්නට තර්ජනය කර ඇත.
බරපතල තුවාල සහිතව රාගම රෝහළ වෙත ඇතුළත් කර ඇති මිගාර ගුණරත්න ට ටිකට් කපා රෝහලෙන් පිට කිරීම වෛද්‍යවරුන් විසින් ප්‍රතික්ෂේප කොට ඇත.
තුවාලකරුගේ තත්වය පිළිබඳවත් පොලීසියේ බලපෑම පිළිබඳවත් වෛද්‍යවරුන් විසින් සටහන් තබා ඇතැයි වාර්තාවේ.
පොලීසියක් තුල සිදුවන පහරදීම්, පොලිස් නිලධාරින් විසින් සිදු කරන පහරදීම් බොහෝමයක් අවසන් වන්නේ පොලිස් නිලධාරීන්ගේ රාජකාරියට බාධා කිරීම සහ වෙනත් අපරාධ චෝදනාවක් සැකකරුවන්ට එරෙහිව ගොනු කිරීමෙනි.
නීතිඥයින්ට තර්ජනය කිරීම හා පහරදීම දක්වාම තත්වය වර්ධනය වීම මිලේච්ඡ තත්වයකි.
සැකකරුවෙකුට තර්ජනය කිරීම පිළිබඳව පොලීසියට විරෝධය පළ කළ නීතිඥ චරිත ගුණරත්න යැයි වරදවා වටහා ගෙන අවසන් වසරේ නීති ශිෂ්‍ය මිගාර ගුණරත්නට පහරදී ම සිදුව ඇතැයි පෑලියගොඩ පොලිස් නිලධාරියෙකු අප සමඟ පැවසීය.
නීතිඥ සංගමයේ සභාපති ගෙන් ප්‍රකාශයක්
මේ අතර මෙම පහරදීම සම්බන්ධයෙන් නීතිඥ සංගමයේ සභාපති ජනාධිපති නීතිඥ සාලිය පීරිස් සමාජ මාධ්‍ය ඔස්සේ සටහනක් පළකර ඇත.
සිද්ධිය සම්බන්ධයෙන් නීතිඥ චරිත ගුණරත්න සිය
FB පිටුවේ පළකර ඇති සටහනක මෙසෙ සඳහන් වේ.
*********************************
මූල්‍ය වංචාවක් පිළිබඳව විමර්ශනය කිරීම සඳහා 2021 පෙබරවාරි 23 වන දින උදේ පාන්දර පාලියගොඩ පොලිස් අපරාධ කොට්ටශය විසින් අත්අඩංගුවට ගත් දිගුකාලීන සේවාදායකයකු මට සම්බන්ධ විය. මට මගේ සේවාදායකයාගෙන් දුරකථන ඇමතුමක් ලැබුණි. එම ඉල්ලීම ලැබීමෙන් පසු මම වහාම ගාල්ල සිට පෑලියගොඩ පොලිස් ස්ථානය දක්වා ගමන් කළෙමි.
මා පොලිසියට පැමිණි පසු, විශේෂ අපරාධ ඒකකයට මා යොමු කරන ලද අතර, මේ මොහොතේ මගේ සේවාදායකයා අනියම් ඇඳුම් හා සෙරෙප්පු සහිත පොලිස් ස්ථානයේ නිලධාරියෙකු ඉදිරියේ සිටි අතර මගේ සේවාදායකයාට බිය උපදවන අයුරින් තර්ජනාත්මකව කතා කළේය. මගේ සේවාදායකයා ලෙස ප්‍රශ්න කරනු ලබන එම පුද්ගලයා නියෝජනය කරන නීතිඥයා ලෙස මගේ සේවාදායකයාගෙන් ප්‍රශ්න කරන බලයලත් පුද්ගලයාට මම වහාම මගේ අනන්‍යතාවය හඳුන්වා දුන්නෙමි.
මගේ සේවාදායකයා සමඟ කතා කිරීමට මට ඉඩ දෙන ලදි.
මම කාමරයට ගිය පසු විමර්ශනය සිදු වූ අතර අනෙක් සිවිල් වැසියන් සමඟ සමීපව සිටිමින් එම පොලිස් නිලධාරියාම මගේ සේවාදායකයාට ඇසුවේ අනෙක් සැකකරුවන් සම්බන්ධ බොහෝ වැරදි ඇති බවත් ඔහුට මගේ සේවාදායකයාට ආධාර කිරීම සඳහා අය කළ හැකි බවත් ඔහු සහයෝගය නොදක්වන්නේ නම්, ඒ ඕනෑම වරදකට අනුබල දීම යන වරදට සිර ගත කරනවා ලෙස තර්ජනය කරන ලදි.
මම සහජයෙන්ම අනියම් civil ඇඳුමින් සැරසුණු පුද්ගලයාට “සාජන්” ලෙස ආමන්ත්‍රණය කර මැදිහත් වෙමි. මගේ ලොකුම කම්පනයට හා තැතිගැන්මට, එම පුද්ගලයා සිංහල භාෂාවෙන් මුළු ඒකකය ඉදිරිපිටම ඉතා රළු, නොගැලපෙන ලෙස මට කතා කළේය.
ඉන්පසු,
2021 පෙබරවාරි 25 වන දින මිගරා ගුණරත්න මහතා පැලියගොඩ පොලිසියට පැමිණියේ ඔහුත් අදුරන මාගේ සේවාදායකයාට කෑම පාසලයක් ලබා දීමට. පොලිසියට පැමිණ ජයවීර මහතා හමුවීමට ඉල්ලීම. එම අවස්ථාවේදී සිවිල් ඇඳුමින් සැරසුණු උප පොලිස් පරීක්ෂකවරයකු මිගරා ගුණරත්න ඔහු කවුදැයි ප්‍රශ්න කළ අතර එම ප්‍රකාශය තමූසෙ කලින් අවීලාත් මෙතානා ප්‍රෂ්නා දගතා නෙද, මු තමයි ප්‍රෂ්නා දාගතේ යන ප්‍රකාශය කළ අතර එම අවස්ථාවේදී ඔහු සහ නිලධාරීන් 10 දෙනෙකු පමණ මිගරා ගුණරත්නට කාමරයක් ඇතුලට දමා අතෙන් පයෙන් හා පොලු වලින්, අමානුෂික ලෙස පහර දී ඇත.
කිහිප වරක් මිගරා ගුණරත්න ඔවුන්ගෙන් නවත්වන ලෙස ඉල්ලා සිටි අතර ඔවුන් එය නැවැත්වූයේ මිගාර ගුනරත්න අපේ පියාගේ නම සදහන් කර අහවලා ගේ පුතා කියලා කිව්වා ට පස්සෙ පහර දීම ප්‍රමාණවත් යැයි තීරණය කළ අතර ඔවුන් පොලිස් නිලධාරියෙකුගේ රාජකාරියට බාධා කළ බවට මිගරා ගුණරත්නට චෝදනා කරන බවට ඔහුට තර්ජනය කළහ.
ටික වේලාවකට පසු මිගරා ගුණරත්න රාගම හදිසි ප්‍රතිකාර ඒක්කයට පෙන්වීම සඳහා රෝහලට ගෙන යන ලදී.
මෙම කාලය තුළ වෛද්‍යවරයාට මගේ තුවාල හෙළි නොකරන ලෙස මිගරා ගුණරත්නට නැවත නැවතත් තර්ජනය කර NE-0825 යන පොලිස් ජීප් එක ඇතුලේ කිහිප වතාවක් පහරදී ඇත. එසේ නොමැතිනම් පොලිස් නිලධාරියෙකුගේ රාජකාරියට බාධා කිරීම නිසා මිගරා ගුණරත්න අත්අඩංගුවට ගෙන තවදුරටත් සිරගත කරනු ඇත. වැඩ් දුරටත් මෙය ගෙන ගියහොත් කුඩු ජාවාරමකට පවා පටල වීමට Chief inspector ලින්ටන් සිලවා යන අය තර්ජනය කර ඇත.
මට 23/02/2021 වූ සිදුවීම සම්බන්ධයෙන් මම ලින්ටන් සිලවාට විරුද්ධව BASL secretary වෙත ලියුමක් ඉදිරිපත් කිරීමට උතසහ කර අතර මාගේ සේවාදායකයා ගේ වැද ඉල්ලීම මත ඔහු ඇප ලබා ගන්නා තෙක් පහත අමුනා ඇති ලියුම මා සන්තකයේ තාබා ගතිමි
Please SHARE!
ස' ගේ සිස්ටම් නිසා පට් පට් ගාලා වැක්සීන් එක ගහගත්තා
පාස්කු බෝම්බයේ මහ මොළකරු කවුද ?
