චීනයට ශ්‍රී ලංකාවේ උතුරේ ආයෝජනය සඳහා බලශක්ති කොන්ත්‍රාත්තුවක් ලබා දුන් බවට
රජය කරන ලද නිල නිවේදනයක් කැබිනට් අමාත්‍යවරයකු විසින් ප්‍රතික්ෂේප කර තිබේ.
 
උතුරේ දුපත් තුනක දෙමුහුන් පුනර්ජනනීය බල ශක්ති පද්ධතියක් ස්ථාපිත කිරීම සදහා  චීනයේ සමාගමක් වෙත ප්‍රදානය කිරීමට කැබිනට් මණ්ඩල අනුමැතිය හිමි වු බව නිවේදනය කර තිබියදී, විදුලිබල අමාත්‍යවරයා පවසන්නේ සදහා කැබිනට් මණ්ඩල අනුමැතිය හිමිව නොමැති බවයි.
 
"හැබැයි ගරු මන්ත්‍රීතුමනි කැබිනට් මණ්ඩලය තවම මේක අනුමත කරේ නැ. මොකද  මහා භාණ්ඩාගාරය විසින් ඔවුන්ගේ වැඩිනමක් නිර්දේශ ඉල්ලලා තියනවා මේකේ අලුත් ටෙක්නොලජි එක පිළිබදව වැඩි විස්තර දෙන්නට කියලා."
 
විදුලිබල අමාත්‍ය ඩලස් අලහප්පෙරුම ඒ බව සදහන් කළේ පෙබරවාරි 24 බදාදා විපක්ෂයේ පාර්ලිමේන්තු මන්ත්‍රීවරයකු නැගු පැනයකට පිළිතුරු ලෙසිනි.
 
අමාත්‍යවරයා එසේ පැවසුවද රජයේ ප්‍රවෘත්ති දෙපාර්තමේන්තුව විසින් ප්‍රසිද්ධ කර තිබෙන ජනවාරි 18 දිනැති කැබිනට් තිරණ වල සදහන්ව ඇත්තේ ඒ සදහා කැබිනට් මණ්ඩල අනුමැතිය හිමි වු බවයි.
  
jasd
 
"අමාත්‍ය මණ්ඩලය විසින් පත් කරන ලද ස්ථාවර ප්‍රසම්පාදන කමිටුවේ නිර්දේශය පරිදි, අදාළ කොන්ත්‍රාත්තුව චීනයේ M/s Sinosoar - Etechwin joint Venture වෙත ප්‍රදානය කිරීම පිණිස විදුලිබල අමාත්‍යතුමා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදි.  "
 
කැබිනට් නිවේදනය පරිදි දෙමුහුන් පුනර්ජනනීය බල ශක්ති පද්ධතියක් ස්ථාපිත කිරීමට නියමිතව ඇත්තේ   නාගදීපය, ඩෙල්ෆ්ට් සහ අනලතිව්ය යන උතුරේ දුපත් වලය.
 
කෙසේ වෙතත් උතුරේ දුපත් තුනක්  බදුදීමට යන බවට ඇතැම් මාධ්‍ය සිදු කළ වාර්තාකරණය “ඉතාම වැරදි” බව විදුලිබල අමාත්‍යවරයා ප්‍රකාශ කරයි.
 
ඔහු වැඩි දුරටත් පාර්ලිමේන්තුවේදී පවසා තිබුනේ "අපි මේ මොහොත වෙනකං කාටවත් මේ කොන්ත්‍රාත්තුව ප්‍රදානය කිරීමක් මේ කතා කරන මොහොත දක්වා සිදුවෙලා නෑ," යනුවෙනි.
 

 


 

 
 
 

ස' ගේ සිස්ටම් නිසා පට් පට් ගාලා වැක්සීන් එක ගහගත්තා

 

පාස්කු බෝම්බයේ මහ මොළකරු කවුද ?

subscribeYT

WhatsApp Image 2021 09 13 at 13.49.58

නවතම පුවත්