ඉංග්‍රීසි ගුරුවරුන් පුහුණු කරන විද්‍යාපීඨයක්, වෛද්‍ය පීඨයක් බවට පත්  කිරීමේ සැලැසුමක් ක්‍රියාත්මක වන බවට

චෝදනා කරන දිවයිනේ ප්‍රමුඛතම ගුරු සංගමයක් එයට විරෝධය පළ කර සිටී.

ලංකා ගුරු සංගමය පෙන්වා දෙන්නේ පස්දුන්රට ජාතික අධ්‍යාපන විද්‍යාපීඨය, මොරටුව විශ්වවිද්‍යාලයේ වෛද්‍ය පීඨය බවට පත් කිරීමේ සැලැසුමක් ක්‍රියාත්මක බවයි.
 
පාසල් පද්ධතියට ඉංශ්‍රීසි  ගුරුවරු පුහුණු කරන විද්‍යාපීඨය, වෛද්‍ය පීඨයක් බවට පත් කිරීම "අටුව කඩා පුටුව සෑදීම" වැනි ක්‍රියාමාර්ගයක් බව ලංකා ගුරු සංගමයේ ප්‍රධාන ලේකම් ජෝසප් ස්ටාලින් පෙන්වා දෙයි.
 
මාරි මියුසියස් විසින් පරිත්‍යාග කරන ලද අක්කර 42 ක භූමිභාගයක පිහිටුවා ඇති පස්දුන්රට ජාතික අධ්‍යාපන විද්‍යාපීඨය කළුතර ඉංශ්‍රීසි  ගුරු විදුහල ලෙස ප්‍රකටව පැවති අතර, 1985 වසරේ දී එය ජාතික අධ්‍යාපන විද්‍යාපීඨයක් බවට පත් කරන ලද බවයි ලංකා‌ ගුරු සංගමය  පවසන්නේ.
 
ජ්‍යෙෂ්ඨ ගුරු සංගම් නායකයා පෙන්වා දෙන පරිදි පසුගිය දිනක කළුතර දිස්ත්‍රික්කය නියෝජනය කරන ඇමතිවරයෙකු වූ රෝහිත අබේගුණවර්ධන, විශ්ව විද්‍යාල ප්‍රතිපාදන කොමිසමේ සභාපති මහාචාර්ය සම්පත් අමරතුංග, මොරටුව විශ්ව විද්‍යාලයේ උපකුලපති මහාචාර්ය නෙරන්ජන් ගුණවර්ධන, කළුතර උප දිසාපති ඇතුළු පිරිසක් මෙම කටයුත්ත සඳහා විද්‍යාපීඨයේ නිරීක්ෂණ චාරිකාවක යෙදී ඇත.
 
staling11.02මොරටුව විශ්ව විද්‍යාලයට වෛද්‍ය පීඨයක් ඇති කිරීම සම්බන්ධයෙන් ගැටලූවක් නැති බව පෙන්වා දෙන ගුරු සමිති නායකයා අවධාරණය කරන්නේ, තවත් වෛද්‍ය පීඨයක් ඇති කළ යුතු බව තමන්ද පිළිගන්නා බවයි.
 
නමුත් පාසල් පද්ධතියට ගුරුවරු බිහිකරන විද්‍යාපීඨයක් වසා වෛද්‍ය පීඨයක් බිහි කිරීම විහිළුවක් බව පෙබරවාරි 28 ඉරිදා නිකුත් කළ නිවේදනයක් මගින් ජෝසප් ස්ටාලින් පෙන්වා දී තිබේ.
 
මෙම කටයුත්තට මුලපුරා ඇත්තේ රෝහිත අබේගුණවර්ධන අමාත්‍යවරයා බව ඔහුගේ ප්‍රචාරක ව්‍යාපෘතියෙන් මනාව පැහැදිලි බව ලංකා ගුරු සංගමය පවසයි.
 
"මෙවැනි දේශපාලකයන්ගේ බාල ජනප්‍රියතාවය වෙනුවෙන් අධ්‍යාපනයට සම්බන්ධ තීන්දු තීරණ ගැනීම කනගාටුදායක තත්වයකි."
 
සාමාන්‍ය අධ්‍යාපනය මෙන්ම උසස් අධ්‍යාපන විෂය ද භාර මහාචාර්ය ජී.එල්. පීරිස් මෙන්ම ලේකම් මහාචාර්ය කපිල පෙරේරා ද සිටියදී රෝහිත අබේගුණවර්ධන වැනි ඇමතිවරයෙකු තම විෂය පථයට අයත් නොවන කටයුත්තක් වෙනුවෙන් පාසල් පද්ධතියට ගුරුවරු බිහිකරන අධ්‍යාපන විද්‍යාපීඨයක් වසා දැමීමට කටයුතු යෙදීම ‘සෞභාග්‍ය දැක්මේ’ ක්‍රියා  පිළිවෙත දැයි ගුරු සංගම් නායකයා ප්‍රශ්න කර සිටි.
 
පාසල් පද්ධතියේ පවතින ගුරු ගැටලූවට පිළියම් පිණිස ජාතික අධ්‍යාපන විද්‍යාපීඨ තවදුරටත් වැඩිකළ යුතුව තිබියදී පවතින විද්‍යාපීඨයක් මේ ආකාරයෙන් වෛද්‍ය පීඨයකට මුවා වී වසා දැමීම පාසල් පද්ධතියට සිදු කරන බරපතල විනාශයක් බව ලංකා ගුරු සංගමය සිය නිවේදනය මගින් වැඩි දුරටත් පෙන්වා දෙයි.
 
මේ තත්වය මත පස්දුන්රට ජාතික අධ්‍යාපන විද්‍යාපීඨය වෛද්‍ය පීඨයක් කිරීමේ සැලසුම වහා නතර කළ යුතු බව පවසන ජෝසප් ස්ටාලින් ගුරු සංගම් නායකයා අවධාරණය කරන්නේ, එසේ නොවන්නේ නම් පස්දුන්රට ජාතික අධ්‍යාපන විද්‍යාපීඨයේ මේ වන විට ඉගෙනුම ලබන සහ පෙර ඉගෙනුම ලැබූ සියලූ දෙනා එක්ව මේ සම්බන්ධයෙන් විරෝධතා ක්‍රියාමාර්ගයක් ගැනීමට කටයුතු කරන බවයි.
 
ලංකා ගුරු සංගමයේ ප්‍රධාන ලේකම් පෙන්වා දෙන පරිදි මේ වන විට දිවයින පුරා පවතින ගුරුවරුන් පුහුණු කරන ජාතික අධ්‍යාපන විද්‍යාපීඨ 20 ම කොරෝනා රෝගීන් වෙනුවෙන් ප්‍රතිකාර මධ්‍යස්ථාන බවට පත් කර තිබීමෙන් එම පීඨවල ඉගෙනුම ලබන ගුරු සිසුන්ගේ අධ්‍යයන කටයුතු අඩාල වී ඇත.
 
මේ තත්වය තුළ මෙම විද්‍යාපීඨවල අධ්‍යයන කටයුතු වහා ආරම්භ කිරීමට පියවර ගත යුතු බවද  ජ්‍යෙෂ්ඨ ගුරු සංගම් නායකයා  වැඩි දුරටත් අවධාරණය කරයි.

 

 


 

 
 
 
 

ගෝඨාභය නෙමෙයි, රට පාලනය කරන්නෙ, බල කේන්ද්‍ර තුනක්! - නිශාන්ත හෙළිකරයි

 

මෛත්‍රිට අධිකරණයකින් දඬුවම් දෙනව නම් මම කැමතියි! - දෙහිවල ශිලනිප සංවිධායක 

 

subscribeYT

WhatsApp Image 2021 09 13 at 13.49.58

නවතම පුවත්