1200 x 80 DMirror
 
 

විදුහල්පති සේවයේ සහ අධ්‍යාපන පරිපාලන සේවයේ පවතින පුරප්පාඩු සදහා සේවා ව්‍යවස්ථාවලට පරිබාහිරව
පත්වීම් ලබාදීමට ගනු ලැබු කැබිනට් තීරණය වහා අහෝසිකරන ලෙස අධ්‍යාපන අමාත්‍යවරයාට බලපෑම් එල්ල වී තිබේ.
 
අධ්‍යාපන අමාත්‍ය මහාචාර්ය ජී.ඇල් පීරිස් වෙත ලිපියක් යොමු කරමින් අධ්‍යාපනය සුරැකීමේ වෘත්තිය සමිති එකමුතුව අනතුරු අඟවා ඇත්තේ සතියක් ඇතුලත යහපත් ප්‍රතිචාරයක් නොලැබුනහොත් දැඩි වෘත්තිය ක්‍රියාමාර්ග වලට එළඹෙන බවයි.
 
කොරෝනා වසංගතය හේතුවෙන් ව්‍යවස්ථානුකුලව තරග විභාග පවත්වා එම ලකුණු මත සම්මුඛ පරීක්ෂණයක් මගින් බඳවා ගැනීම් සිදු කිරීම සදහා වසරකට වැඩි කාලයක් ගත වන බව පවසමින් අධ්‍යාපන අමාත්‍යවරයා ශ්‍රී ලංකා විදුහල්පති සේවයේ පවතින පුරප්පාඩු  4600 කට පමණ නීති විරෝධී ලෙස පත්වීම් ලබාදීමට කැබිනට් පත්‍රිකාවක් ඉදිරිපත් කර අනුමැතිය ලබාගැනීම සහ ශ්‍රී ලංකා අධ්‍යාපන පරිපාලන සේවය සදහා ද සේවා ව්‍යවස්ථාවට පරිබාහිරව නීති විරෝධිව 300 කට ආසන්න පිරිසක් බදවා ගැනීම සදහා කැබිනට් පත්‍රිකාවක් සකස් කළ බවට චෝදනා කරන අධ්‍යාපනය සුරැකීමේ වෘත්තිය සමිති එකමුතුව එයට විරෝධය පළ කර සිටි.
 
ශ්‍රී ලංකා අධ්‍යාපන පරිපාලන සේවය, ශ්‍රී ලංකා විදුහල්පති සේවය ඇතුළු අධ්‍යාපනයට අදාළ සියලුම සේවාවන් සදහා වාර්ෂිකව පවතින පුරප්පාඩුවලට අනුව විධිමත් පරිදි සේවා ව්‍යවස්ථාවලට අනුව බදවා ගැනීම් සිදු කිරීමට අවස්ථාව තිබියදීත්, පටු දේශපාලන අරමුණු වෙනුවෙන් අධ්‍යාපනයට අදාළ සේවාවන් සදහා නිලධාරීන් බදවා ගැනීමෙන් එම සේවාවන් සදහා විධිමත් පරිදි ඇතුලත් වීමට සුදුසුකම් සම්පුර්ණ කර ඇති දක්ෂ නිලධාරීන් සදහා මෙන්ම සමස්ත අධ්‍යාපන පද්ධතියටම සිදු කරනුයේ බලවත් අසාධාරණයක් මෙන්ම අගතියක් බවත් අධ්‍යාපනය සුරැකීමේ වෘත්තිය සමිති එකමුතුව අධ්‍යාපන අමාත්‍යවරයාට ලිඛිතවම දන්වා යවා ඇත.
 
අධ්‍යාපන පරිපාලන සේවයට සහ විදුහල්පති සේවයට නීති විරෝධිව බදවා ගැනීමේ කැබිනට් තීරණ වහාම අහෝසි කරන ලෙසත්, අධ්‍යාපනයට අදාළ සියලුම සේවාවන් සදහා කඩිනමින් එම සේවා ව්‍යවස්ථාවන්ට අනුව විධිමත් පරිදි සුදුස්සන් තෝරාපත් කිරීමටත් අදාළ කටයුතු සිදු කරන ලෙසත්  එම එකමුතුව අධ්‍යාපන අමාත්‍යවරයාගෙන් ඉල්ලා සිටි.
 
 
මේ සම්බන්ධයෙන් සාකච්ඡා කිරීම සදහා සිය සංගමය වෙත කඩිනමින් අවස්ථාවක් ලබා දෙන ලෙස ඉල්ලා සිටින අධ්‍යාපනය සුරැකීමේ වෘත්තිය සමිති එකමුතුව මහාචාර්ය ජී.ඇල් පිරීස්ට අනතුරු අගවා ඇත්තේ 2021 මාර්තු මස 17 වන දිනට ප්‍රථම යහපත් ප්‍රතිචාරයක් නොලැබෙන්නේනම් නැවත දැනුම් දීමකින් තොරව දැඩි වෘත්තිය ක්‍රියාමාර්ගවලට එළඹීමට සිදු වන බවයි.
 
අධ්‍යාපනය සුරැකීමේ වෘත්තිය සමිති එකමුතුව වෙනුවෙන් ශ්‍රී ලංකා අධ්‍යාපන පරිපාලන සේවා වෘත්තිය සමිතිය, ශ්‍රී ලංකා අධ්‍යාපන පරිපාලන සේවා වෘත්තිය සංගමය, ලංකා ගුරු සංගමය, ලංකා ගුරු සේවා සංගමය, සමස්ථ ලංකා එක්සත් ගුරු සංගමය, සමස්ත ලංකා ගුරු අධ්‍යාපනඥ සේවා සංගමය, විදුහල්පති සේවා සංගමය, ශ්‍රී ලංකා ජාතික විදුහල්පති සංගමය, ස්වාධීන අධ්‍යාපන සේවක සංගමය, ශ්‍රී ලංකා ජාතික ගුරු සංගමය, ස්වාදීන ලංකා ගුරු සංගමය, ලංකා ප්‍රගති ගුරු සංගමය, සමස්ත ලංකා විදුහල්පති සංගමය, ලංකා විදුහල්පති සංගමය, ශ්‍රී ලංකා රජයේ ගුරුවරුන්ගේ සංගමය සහ ශ්‍රී ලංකා වෘත්තියවේදී විදුහල්පතිවරුන්ගේ සංගමය එම ලිපියට අත්සන් තබා තිබේ.
 
 

 

 


 

 

 

 

බැදුම්කරෙ හොරු සිංගප්පූරුවේ වුණාට සීනි බදු වංචාවේ හොරු ඉන්නෙ ලංකාවේ - පාඩුව බිලියන 15.9යි

 

 

දෙල්ගොඩ දැරියගේ මරණය වගේම අපේ ජීවිත ජීවත් කරවන්නේ ද මිත්‍යාවෙන්!

 

logo

subscribeYT

subscribeYT

නවතම පුවත්