වසර ගණනාවක් තිස්සේ බලහත්කාරයෙන් අතුරුදහන් කර සිටින සිය සමීපතමයන් සොයා ගැනීම වෙනුවෙන්

අරගලයේ යෙදී සිටින මව්වරුන් පිරිසක් තමන්ට එරෙහිව දියත්වන පොලිස් මර්දනය සම්බන්ධයෙන් මානව හිමිකම් කොමිසමට පැමිණිලි කර තිබේ.

 
බලහත්කාරයෙන් අතුරුදහන් කරනු ලැබුවන්ගේ ඥාතීන්ගේ සංගමයේ මඩකලපු සභාපතිනි අමලරාජ් අමලනායකී ඇතුළු කාන්තාවන් තම පැමිණිල්ල කර ඇත්තේ ශ්‍රී ලංකාවේ යුද අපරාධ සිදු කළ සියලු දෙනා ජාත්‍යන්තර යුද අපරාධ අධිකරණයට ඉදිරිපත් කර දෙමළ ජනයාට යුක්තිය ඉටු කර දෙන ලෙස ඉල්ලමින් මඩකලපුව මාමංගම් ගණදෙවි කෝවිල ඉදිරිපිට නැගෙනහිර ජනයා ආරම්භ කළ උපවාසයට පොලිසිය දිගින් දිගටම කරන බාධා කිරීම නිසාය.
 
නිල ඇඳුමින් යුත් එක් පොලිස් නිලධාරියෙක් මාර්තු 15 සඳුදා උදෑසන උපවාස භුමියට පැමිණ උපවාසකරුවන්ගේ නම් සහ විස්තර සටහන් කර ගන්නා අයුරු වීඩියෝ ගත වී තිබේ.
 
ඇතැම් උපවාස කරුවන් තම නම් පොලිස් නිලධාරියාට ලබා දීම ප්‍රතික්ෂේප  කර තිබේ.
 
එම පොලිස් නිලධාරියා උපවාසකරුවන්ගේ ඡායාරූපද ලබා ගැනීම හේතුවෙන් උපවාසකරුවන් භිතියට පත්ව සිටින බව පළාත් බද වාර්තාකරුවෝ පවසති.
 
උපවාසකරුවන්ගේ විස්තර ලබා ගත් පොලිස් නිලධාරියා එම ස්ථානයෙන් පිටව ගොස් පැය කිහිපයකට පසුව පැමිණි පොලිස් කණ්ඩායමක් අධිකරණ නියෝගයක් කියවා උපවාසය නතර කරන ලෙස ජනතාවට බල කළ බව වාර්තාකරුවෝ වැඩි දුරටත් සඳහන් කරති.
 
ජීනීවා නුවර මානව හිමිකම් කවුන්සලයේ 46 වැනි සැසිවාරය ආරම්භ වී ඇති මොහොතේ විරෝධතා පැවැත්වීම පොලිසිය විසින් හඳුන්වා ඇත්තේ රට අප කීර්තියට පත් කිරීමක් ලෙසයි.
 
අතුරුදහන් සොයා දීම වෙනුවට අධිකරණය තම යුක්ති සහගත ඉල්ලීමට බාධා කිරීම මව්වරුන්ගේ දැඩි කනස්සල්ලට හේතුවී තිබුණි.
 
“ශ්‍රී ලංකාවේ උසාවිය තියෙන්නේ අපිට විරුද්ධව තහංචි දාන්න විතරදැ,” යි අමලරාජ් අමලනායකී මාතාව පොලිස් නිලධාරීන්ගෙන් විමසා සිටියාය.
 
“කරුණාකරලා අපිට ඕගොල්ලන්ගේ උසාවියෙන් යුක්තිය ඉෂ්ට කරලා දෙන්න. පොලිසිය ආපු ගමන් ඕගොල්ලෝ ඇස් වහගෙන තහනම් නියෝග දෙනවා. ඔයාලගේ සහෝදරයා, මහත්තයා, නෝනා අතුරුදහන් වෙලා නම් ඒකෙ වේදනාව තේරෙයි.”
 
වසංගත සමයේ නිරෝධායන නීති කඩකරන බවටත් චෝදනා කර ඇති පොලිසිය විරෝධතාව නතර නොකළොත්  අධිකරණ නියෝගයට අනුව අත්අඩංගුවට ගන්නා බවට අනතුරු අඟවා තිබේ.
 
උපවාසයේ නිරත එක් මාතාවක් පොලිසියෙන් ප්‍රශ්න කර සිටියේ කාන්තාවන් විසිදෙනකු අත්අඩංගුවට ගැනීමට දෙසීයක පමණ පොලිස් සේනාවක් කැඳවාගෙන ඒම ලැජ්ජාවට කරුණක් නොවේද යන්නයි.
 
 
රජයේ ආරක්ෂක අංශ විසින් බලහත්කාරයෙන් අතුරුදහන් කළ සිය සමීපතමයන් ආපසු ලබා දෙන්නේ නම් විරෝධතා නැවැත්වීමට සුදානම් බවට ජනතාව පැවසීමෙන් පසු පොලිස් නිලධාරීන් එම ස්ථානයෙන් ඉවත් වී තිබේ.
 
ශ්‍රී ලංකාවේ රජය ජාත්‍යන්තර යුද අපරාධ අධිකරණය හමුවට ගෙනයන ලෙස ජගත් ප්‍රජාවට බලපෑම් කිරීම සඳහා යුද පීඩිත දෙමළ ජනයා උතුරු හා නැගෙනහිර ස්ථාන තුනක ආරම්භ කළහ.
 
ආගමික නායකයන්, විශ්වවිද්‍යාල සිසුන් හා සිවිල් ක්‍රියාධරයන් එක්වී යාපනය උපවාසය නල්ලුර් කන්දසාමි කෝවිල ඉදිරිපිටින් ආරම්භ කර තිබුනේ පෙබරවාරි 28 ඉරිදායි.
 
නැගෙනහිර ජනයා මඩකලපුව මාමංගම් ගණදෙවි කෝවිල ඉදිරිපිටින් මාර්තු 3 බදාදා දිනත්, මාර්තු 6  බදාදා අම්පාර කල්මුනේ ද්‍රෞපදී දේවාලය ඉදිරිපිටත් ආරම්භ කළ උපවාස දෙකටම පොලිසිය බාධා කර තිබුණි.
 
පළාත් බද වාර්තාකරුවන් පවසන්නේ 46 වැනි එක්සත් ජාතීන්ගේ මානව හිමිකම් සැසිවාරය අවසන් වන මාර්තු මස 23 වැනිදා තෙක් අඛණ්ඩව එම උපවාසය පවත්වාගෙන යාම යුද පීඩිත දෙමළ ජනයාගේ අපේක්ෂාව බවයි.
 
 

 


 

 
 

 

ලංකාවේ මූලික අයිතිවාසිකම් කියලා දෙයක් නෑ - රෝහාන් සමරජීව

 

සැකයක් තියාගන්න එපා! පාස්කු වැරදිකරුවන්ට එරෙහිව මේ ආණ්ඩුව කිසිම පියවරක් ගන්නෙ නෑ.

 

subscribeYT

WhatsApp Image 2021 09 13 at 13.49.58

නවතම පුවත්