1200 x 80 DMirror
 
 

දිගු කලක් තිස්සේ මෙරටට පොල් තෙල් ආනයනය කරනු ලබන සමාගම් 4ක තෙල් සාම්පල පරීක්ෂාවට
ලක්වෙමින් පවතින අතර දින කිහිපයක් ඇතුළත එහි ප්‍රතිඵල නිකුත් වනු ඇති බව ශ්‍රී ලංකා ප්‍රමිති ආයතනය නිවේදනයක් නිකුත් කරමින් සඳහන් කරයි.
 
ඒ අනුව අලි බ්‍රදර්ස් පුද්ගලික සමාගම, සේන මිල්ස් රිෆයිනරීස්, එදිරිසිංහ එඩිබල් ඔයිල්ස් සහ කටාන රිෆයිනරීස් යන සමාගම්වල සාම්පල එලෙස පරීක්ෂා කරමින් පවතින බව ශ්‍රී ලංකා ප්‍රමිති ආයතනය කියා සිටියි.
 
ශ්‍රී ලංකා ප්‍රමිති ආයතනයේ අධ්‍යක්ෂ ජෙනරාල්, ප්‍රධාන විධායක නිලධාරී ආචාර්ය සිද්ධිකා ජී සේනාරත්න විසින් නිකුත්කර ඇති නිවේදනයේ එබව සඳහන්වේ.
 
ආනයනකරුවන් 4 දෙනෙකු විසින් රටට ආනයනය කරන සෞඛ්‍යයට අහිතකර පොල්තෙල් විකිණීමට ශ්‍රී ලංකා ප්‍රමිති ආයතනයේ ජ්‍යෙෂ්ඨ නිලධාරීන් අවසර දී ඇති බවට මාධ්‍ය සහ සමාජ මාධ්‍ය මුළුමනින්ම ව්‍යාජ හා අසත්‍ය චෝදනාවක් ඉදිරිපත් කර ඇති බව නිරීක්ෂණය වී ඇතැයි ශ්‍රී ලංකා ප්‍රමිති ආයතනයේ නිවේදනයේ දැක්වේ.
 
ශ්‍රී ලංකාවේ ජීවිතවලට හෝ ජීවනෝපායන්ට අහිතකර වන කිසිදු වෙළඳ භාණ්ඩයක් හෝ ආහාරයක් සඳහා ප්‍රමිති ආයතනයයෙන් අනුමැතිය නොලැබෙන බව එම ආයතනයේ අධ්‍යක්ෂ ජෙනරාල්වරිය අවධාරණය කර සිටියි.
 
එම නිවේදනයේ මෙසේද සඳහන් වේ.
 
සියළුම ආනයනකරුවන් විසින් රටට ආනයනය කරන ලද පොල්තෙල් ඇෆ්ලාටොක්සින් සඳහා රසායනාගාර පරීක්ෂණ අඛණ්ඩව ශ්‍රී ලංකා ප්‍රමිති ආයතනය විසින් පරික්ෂා කරනු ලබන අතර එය මයික්‍රෝ ග්‍රෑම් 10/ කි.ග්‍රෑ. පමණ වේ.
 
මෑත මාධ්‍යවල පෙන්වා දී ඇති පරිදි, රේගු අධිකාරිය, එස්.එල්.එස්.අයි ආයතනය සහ සෞඛ්‍ය අමාත්‍යංශයේ (ආහාර පරීක්ෂණ ඒකකය) විසින් පොල්තෙල් බහාලුම් 13 ක් පාරිභෝගිකයින්ට විකිණීම සඳහා අනුමත කර නොමැත. 
 
පාරිභෝගික කටයුතු අධිකාරිය ද මෙම ආනයන පිළිබඳව දැඩි අවධානයෙන් සිටී.
 
අලි බ්‍රදර්ස් පුද්ගලික සමාගම, සේනා මිල්ස් පිරිපහදුව, එඩ්රිසිං එඩිබල් ඔයිල් සහ කටාන පිරිපහදුව යන සමාගම් දිගු කාලයක් තිස්සේ පොල් තෙල් ආනයනකරුවන් ලෙස කටයුතු කරයි. එම සාමගම්වල සාම්පල පරීක්ෂාවට ලක්වෙමින් පවතින අතර දින කිහිපයක් ඇතුළත ප්‍රතිඵල නිකුත් කිරීමට නියමිතව ඇත.
  
පරීක්ෂණ ප්‍රතිඵල මත පදනම්ව, ශ්‍රී ලංකා ප්‍රමිති ආයතනය සහ සෞඛ්‍ය අමාත්‍යංශය (ආහාර පරීක්ෂණ ඒකකය) සමඟ එක්ව තත්ත්වය සුදුසු නම් පමණක් ඉහත ආනයන විකිණීම සහ අවශ්‍ය අනුමැතිය ශ්‍රී ලංකා රේගුවට ලබා දෙනු ඇත.
 
SlSI 
 
 
ආනයනික පිරිපහදු නොකරන ලද පොල් තෙල් :
 
ශ්‍රී ලංකාවට පාම් තෙල් (Palm oil) ආනයන කිරීම වර්තමාන රජය විසින් අධෛර්යය  කර එම හිඩැස පියවීම සඳහා දේශීය ජනතාව හුරුපුරුදු පොල්තෙල් ආනයනය කිරීමට පිරිපහදු හිමියන් සහ වෙළෙඳුන් උනන්දු කර දැනට වසරක් ගත වී ඇත.
  
පිරිපහදු නොකරන ලද (Crude Coconut Oil) පොල්තෙල් ටොන් එකක් සඳහා රුපියල් 125,000/= (කිලෝවකට රුපියල් 125/= ) විශේෂ ආනයන භාණ්ඩ බද්දක් නියම කර ඇති අතර පිරිපහදු නොකරන ලද පාම් තෙල් (CRUDE PALM OIL) ටොන් එකක් සඳහා රුපියල් 250,000/= ක් නැතහොත් කිලෝවක් සඳහා රුපියල් 250/= ක විශේෂ භාණ්ඩ බද්දක් අය කරනු ලබයි.
 
මෙම ව්‍යුහාත්මක වෙනස්කම් සඳහා රජය සහන සැලසීම නිසා බොහෝ පිරිපහදු හිමියන් මැලේසියාව, ඉන්දුනීසියාව සහ පිලිපීනය වැනි රටවලින් පසුගිය කාලය තුලදී පිරිපහදු කරන ලද සහ පිරිපහදු නොකරන ලද පොල් තෙල් (Crude coconut Oil) ආනයනය කර වෙළඳපළට සපයමින් සිටී.
 
මේ අතරතුර දැනට විවාදයට භාජනය වී ඇති පොල්තෙල් ටොන් 185.5 ක ප්‍රමාණයක් අඩංගු බහාලුම් ටැංකිවල ශරීරයට අහිතකර Aflatoxin නැමැති ද්‍රව්‍ය අඩංගු වී ඇති බව වරාය සංකීර්ණයේ පවත්වාගෙන යන සෞඛ්‍ය දෙපාර්තමේන්තුව යටතේ ක්‍රියාත්මක port food and health unit  විසින් දෛනිකව තොග පරික්ෂා කිරීම්වලදී සොයාගෙන ඇත.
 
මෙම සිද්ධිය සෞඛ්‍ය අමාත්‍යංශයේ (ආහාර පරීක්ෂණ ඒකකය) විසින් සහ  ශ්‍රී ලංකා ප්‍රමිති ආයතනය  විසින් අදාල ආනයනකරුවන් දැනුවත් කර ඇති  අතර එම බහාලුම් අපනයනය කරන ලද සාමාගම්වලට නැවත ප්‍රතිඅපනයනය කරන ලෙස ද ඔවුන්ට දැනුම් දී ඇත.
 

 

 


 

The Leader TV

 

 

එයාපෝට් PCR පරීක්ෂණ හොර පාරෙන් පෞද්ගලික රෝහලකට ?

 

 

ජිනීවා ඇන්නුවේ කව්ද ස ? 

 

subscribeYT

subscribeYT

නවතම පුවත්