1200 x 80 DMirror
 
 

 අත් අඩංගුවට ගත් ටියුබ් ටැමිල් මාධ්‍යවේදීන් හමුදාපති සමග.
 
 
ශ්‍රී ලංකාවේ මානව හිමිකම් උල්ලංඝන සම්බන්ධ විමර්ශනවලට උපකාර කිරීම හා වැඩි දුරට සාක්ෂි රැස් කිරීමට සදහා එක්සත් ජාතීන්ගේ මානව හිමිකම් කවුන්සිලය යෝජනා සම්මත කළ විගසින් දෙමළ ජන මාධ්‍යයට එරෙහි ආණ්ඩුවේ තර්ජන හා බිය ගැන්වීම උත්සන්න කර තිබේ.
 
මෙහි දී  ප්‍රධාන වශයෙන් ඉලක්ක කොටගෙන තිබෙන්නේ පුරාවිද්‍යා ගවේෂණ මුවාවෙන් නොකඩවා කෙරෙන ඉඩම් කොල්ලය, බලහත්කාර අතුරුදහන්කිරීම් වලට ලක්වූවන්ගේ පවුල්වල විරෝධතා සහ යුද්ධයෙන් පීඩාවට පත් දෙමළ ජනයා සම්බන්ධ තොරතුරු පදනම් කරගනිමින් වාර්තාකරණයේ යෙදෙන මාධ්‍යවේදීන් බව පෙනේ.
 
එක්සත් ජාතීන්ගේ මානව හිමිකම් මණ්ඩලයේ මාර්තු සැසිවාරය ආරම්භ වීමට ආසන්න කාල වකවානුවේ සිට ශ්‍රී ලංකා රජය සමාජ මාධ්‍ය නාලිකා පිළිබඳ සෝදිසි කිරීම් ඉහළ නංවා ඇති අතර සමුළුවෙන් පසුව, විවිධ සමාජ මාධ්‍ය ආයතනවල ක්‍රියාකාරී වන මාධ්‍යවේදීන්, ප්‍රකාශකයන් සහ බ්ලොග්කරුවන් ඉලක්ක කර තිබේ.
 
 Keheliya Rambukwella
සමාජ මාධ්‍ය අධීක්ෂණය කිරීම සඳහා විශේෂ කාර්ය සාධක බලකායක් ඇති කිරීමේ සැලසුම් පිළිබඳව ජන මාධ්‍ය  අමාත්‍ය කෙහෙලිය රඹුක්වැල්ල පසුගියදා නිවේදනය කළේය.
 
යාපනය නගරයේ සිට පවත්වාගෙන ‘ටියුබ් ටැමිල්’ (TubeTamil) යූ ටියුබ් නාලිකාව අද වන විට තර්ජනයට ලක්ව ඇති අතර එහි ප්‍රමුඛයන් දෙදෙනකු අත්අඩංගුවට ගෙන වැඩිදුර ප්‍රශ්න කිරීම් සඳහා අගනගරයට ගෙනවිත් ඇත. 
 
පොලිසිය විසින් මාර්තු 29 දා අත්අඩංගුවට ගෙන පරීක්ෂණ සඳහා කොළඹට ඒවා ඇත්තේ  මුහුන්දන්  ඩිවන්යා සහ විමල් රාජ්ය. අද වනතුරුත් කිසිවකුටත් ඔවුන් හමුවීමට ඉඩ ලැබී නැත.
  
ත්‍රස්තවාදී විමර්ශන කොට්ඨාශය (TID) විසින් පිරිමියෙක් සහ කාන්තාවක් අත්අඩංගුවට ගත් බව තහවුරු කළ පොලිස් මාධ්‍ය ප්‍රකාශක අජිත් රෝහණ; “සැකකරුවන් එල්ටීටීඊ හා ඒ හා සම්බන්ධ ත්‍රස්තවාදී ක්‍රියාකාරීත්වයන් ප්‍රවර්ධනය කරන වෙබ් අඩවියක් සහ යූ ටියුබ් නාලිකාවක් පවත්වාගෙන ගොස් තිබෙනවා,” යයි ද කොළඹදී මාධ්‍යවේදීන් හා කියා සිටියේ ය.
 
මේ ජනමාධ්‍යවේදීන් දෙදෙනා උසාවියට ඉදිරිපත් කරනු ඇතැයි අපේක්ෂාවෙන් පවුල්වල සාමාජිකයන් කොළඹට පැමිණ සිටියත්, ඔවුන් අධිකරණයට ඉදිරිපත් කිරීමක් සිදු නොවූ හෙයින් ඥාතීන් අපේක්ෂා භංගත්වයටත්, කලකිරීමටත් පත්ව තිබේ.
 
විශ්වසනීය ආකාරයෙන් තමන්ට දැනගන්නට ලැබුණු පරිදි මෙම දෙදෙනා, පොලිස් මූලස්ථානයේ කුප්‍රකට හතරවැනි තට්ටුවේ රඳවා සිටින බව ඥාතීන් පවසා තිබේ.
 
 
‘ටියුබ් ටැමිල්’ යු ටියුබ් නාලිකාව පවසන්නේ ඉහළ පෙලේ නීතිවේදීන්ට පවා ඔවුන් දෙදෙනාට එල්ල වී ඇති නිශ්චිත චෝදනා දැන ගැනීමට මගක් නැතිව සිටින බවයි.
  
තම ප්‍රමුඛ මාධ්‍යවේදීන් දෙදෙනා ‘ස්වේච්ඡා සමාජ සේවකයන්’ ලෙස හඳුන්වන මේ නාලිකාව චෝදනා කරන්නේ, අද ඔවුන් නොමැති තත්වය තුල, ඔවුන්ගේ මානුෂීය ක්‍රියාකාරකම් අත්හිටුවීමට සිදුව ඇති බවයි.
 
ඔවුන්ගේ ‘තමිල් කොඩි’ වැඩසටහන පාසල් දරුවන් දහස් ගණනකට ඇප උපකාර කරන බවද ටියුබ් ටැමිල් කියා සිටී.
 
“අපේ පුණ්‍ය කටයුතුවලට අදාළ සියලුම ලියකියවිලි හමුදාව පටවාගෙන ගියා. ඒ නිසා අපට එම කර්තව්‍යයන් ඉදිරියට ගෙන යා නොහැකිව අතරමග ඇණ හිට තිබෙනවා. කොරෝනා වසංගත මධ්‍යයේ දී පවා දරිද්‍රතාවයෙන් ගැලවීගැන්මට මිනිසුන්ට අතදෙන අපට හිමිවන ආනිශංසය මේකද?” යි  යූ ටියුබ් ඔස්සේ‘ටියුබ් ටැමිල්’ ආණ්ඩුවෙන් විමසයි.
 
මේ අයුරින් මේ මාධ්‍යවේදීන්ව රඳවා තබා ගැනීම මගින්, යුද්ධයෙන් පීඩාවට පත් ප්‍රජාවේ සුභසාධනය සඳහා, තමන්ගේ කාලයත්, මුදලත් මෙම නාලිකාව වෙනුවෙන් කැපකිරීමට ස්වේච්ඡාවෙන් ඉදිරිපත්ව සිටින තරුණ තරුණියන් අතර භීතිය පතුරුවා හැර තිබෙන බවද ඔවුහු වැඩි දුරටත් කියා සිටිති.
 
දීවාන්යා සහ විමල් රාජ් යුද හමුදාපති ශවේන්ද්‍ර සිල්වා සහ තවත් පාලක පක්ෂයේ දේශපාලනඥයන් සමඟ ප්‍රසිද්ධ උත්සවයන් හිදී ඡායාරූපවලට පෙනී සිට තිබේ.
 
මෑත කාලයේදී විවිධ ආයතනවල සේවය කරන මාධ්‍යවේදීන් ආණ්ඩුවේ තර්ජනයට ලක්ව තිබේ.
 
#  පසුගිය නොවැම්බර් මාසයේ දී TID විසින් අත්අඩංගුවට ගත් Battinews.com හි සේවය කරන ඡායාරූප ශිල්පී මාධ්‍යවේදියකු වන ගෝකුලන් තවමත් අධිකරණයට ඉදිරිපත් කර නොමැත.
 
 
#  සමාජ මාධ්‍ය පුවත්පත් කලාව සම්බන්ධයෙන් මෑතකදී පොලිසිය විසින් ප්‍රශ්න කරනු ලැබූ අය අතර යාපනයෙන් විකාශය වන ඩෑන් ටීවී ආයතනයේ වීඩීයෝ මාධ්‍යවේදී පී. සුලක්ෂන් ද වෙයි.
 
 
# එල්ටීටීඊ නායක ප්‍රභාකරන්ගේ පින්තූර පළ කළ බවට ගෝකුලන්ට චෝදනා එල්ල වී තිබියදී , මුහුණු පොත ඔස්සේ විශ්ලේෂණයක් පළ කිරීම හේතුවෙන් සුලක්ෂන් TIDයට කැඳවා ප්‍රශ්න කර තිබුණි.
 
 
# තවත් දෙමළ මාධ්‍යවේදීන් දෙදෙනකුට ද මෑත කාලයේ තර්ජන එල්ල වී තිබේ.
 
 
# එක්සත් ජාතීන්ගේ මානව හිමිකම් කවුන්සිලයේ සැසිවාරයේ දෙමළ අපේක්ෂා ඉස්මතු කරමින් බීබීසී දෙමළ සේවයේ පල කළ වාර්තාවකින් පසුව මාධ්‍යවේදී රන්ජන් අරුන් ප්‍රසාද්ගෙන් ඔහුගේ ‘සම්බන්ධතා’ ගැන  ප්‍රශ්න කෙරිණි.
 
 
# උතුරු හා නැගෙනහිර මානව හිමිකම් උල්ලංඝන පිළිබඳව දැනුවත් කිරීම සඳහා පොතුවිල් සිට පොලිකන්ඩි දක්වා පැමිණි පාද යාත්‍රාවෙන් (P2P)  පසුව,  මඩකලපුවේ හිටපු සිරස මාධ්‍යවේදී පුණ්‍යමුර්ති ශෂිකරන් පොලීසිය විසින් තර්ජනයෙන් බිය ගන්වා තිබේ.
 
“මේක ශ්‍රී ලංකාව, තමුන් කරන දේ ගැන තොරතුරු ලැබිලා තියෙන්නේ, ඒ හින්දා පරිස්සමෙන් ඉන්නවා," මඩකලපුවේ පොලිස් අධිකාරී කාර්යාලයේ සිට ක්‍රියාත්මක වන විශේෂ අපරාධ ඒකකයේ නිලධාරීන් ශෂිකරන් හට පවසා තිබුණි.
 
ශ්‍රී ලංකාවේ සිවිල් සමාජය අධිසෝදියකට හා බාධාවන්ට යටත් කිරීම මෙන්ම ශ්‍රී ලංකාවේ ප්‍රජාතන්ත්‍රවාදී අවකාශය හැකිලීයෑමේ අවදානම පිළිබඳව එක්සත් ජාතීන්ගේ මානව හිමිකම් ප්‍රධානී, ඇයගේ නවතම වාර්තාවෙන් අනතුරු අඟවා තිබුණි.
  
“බියගන්වන සුළු ආකාරයෙන් රාජ්‍ය නියෝජිතයන් පැමිණීම, මානව හිමිකම් ආරක්ෂකයන්ට, නීතිඥයන්ට, මාධ්‍යවේදීන්ට සමාජ ක්‍රියාධරයන්ට සහ මානව හිමිකම් උල්ලංඝනවලට ගොදුරුවුවන්ට හා ඔවුන්ගේ ඥාතීන්ට එරෙහි හිරිහැර කිරීම් ඇතුළුව සකලාකාරයේ සෝදිසිකිරීම් වහාම අත්හිටුවන ලෙස මහ කොමසාරිස්වරිය බලධාරීන්ගෙන් ඉතා ඕනෑකමින් ඉල්ලා සිටී,” යනුවෙන් මිෂෙල් බැෂලේ පෙබරවාරියේ දී ජිනීවා සමුළුව අමතා පැවසුවාය.
 

 

 

 


 

THE LEADER TV 
 
 

 

'ස' ගොනාට අන්දන්න අම්බලන්ගොඩින් මර්වින් කෙනෙක් ?

 

 

 රට හදන්න එන දේශපාලකයෝ දැන් නෑ - 2025 කැම්පේන් එක පරිසරය? -චන්දන ප්‍රසන්න

 

subscribeYT

subscribeYT

නවතම පුවත්