1200 x 80 DMirror
 
 

පසුගියදා අප්‍රේල් 04දා කොළඹ නෙලුම්පොකුන රඟහලේ පැවති ශ්‍රී ලංකා විවාහක රූ රැජින තරගයේ දී ජයග්‍රාහිකාව ලෙස ප්‍රකාශිත පුෂ්පිකා ද සිල්වාගේ කිරුළ ඉවත් කර දෙවැනි ස්ථානයට පත් තරඟකාරියට පැළඳවීම
 සම්බන්ධයෙන් මේවනවිට ජාතික හා ජාත්‍යන්තර වශයෙන් ආන්දෝලනාත්මක චරිතයක් බවට සිටින වත්මන් ලෝක විවාහක රූ රැජින කිරුළ හිමි 28 හැවිරිදි කැරොලයින් ජූරි සිය කිරුළ අතහැර දැමීමට තීන්දු කර තිබේ.
 
''මා දිනාගත් කිරුළ නැවත භාරදීමට, මට කාලය එළැඹ ඇති බව මම දනිමි.'' යයි පවසමින් මාධ්‍යයට වීඩියෝවක් මුදාහැර ඇති කැරොලයින් ජූරි, කිරුළකට නිශ්චිත අරමුණක් තිබිය යුතු බව අවධාරණය කර සිටියි.
 
'කාන්තාවකට අවශ්‍යවන්නේ එකම එක සාධාරණ අවස්ථාවක් මිස, අන් කිසිවක් නොවේ.'' යයි ද ඇය පවසයි.
 
 
 
වාද මතවාදවලට තුඩුදුන්, පසු ගියදා සිදු වූ සිදුවීම සම්බන්ධයෙන් තමා අවංක ම කණස්සල්ල පළකර සිටින බවත්, කිසිවෙකු සමග හෝ පුද්ගලික ආරෝවක් නොමැති බවත්, තමාට පුද්ගලික න්‍යාය පත්‍ර ද නොමැති බවත් කැරොලයින් ජූරි එම වීඩියෝව මගින් කියා සිටියි.
 
 
ඇය විසින් ඉංග්‍රීසි භාෂාවෙන් සිදුකර ඇති ප්‍රකාශයේ සංක්ෂිප්ත සිංහල පරිවර්තනය පහත පළවේ. 
 
 

113571437 348838126515955 869992378500187461 n

 
 
ආයුබෝවන්!
වනක්කම්!
සියලු ලෝ වැසියනි,
 
 
මගේ ලස්සන රටේ සහ ලොව වටා ජීවත්වන සියලු ශ්‍රී ලාංකිකයිනි. 
 
කිරුල දිනාගත් සහ කිරුලක් දිනාගන්නට කැපවී වෙහෙස වූ, මගේ හිතවත් රූ රැජිනියනි.
 
වාද මතවාදවලට තුඩුදුන්, පසු ගියදා සිදු වූ සිදුවීම ගැන මගේ අවංක කණස්සල්ල පළකර සිටිමි.
 
කිසිවෙකු සමග පුද්ගලික ආරෝවක් මට නැත.
 
පුද්ගලික න්‍යාය පත්‍ර ද මා ළඟ නැත.
 
ශ්‍රී ලංකා විවිහක රූ රැජින තරගයේ අවසාන වටයට තේරී පත් වූ සියලු දෙනා මා ඉතාමත් අගය කොට සළකමි.
 
 
 
''ඔවුනට ඔවුන්ගේ උපරිමයෙන් තරගවැද ජයගැනීමට තරම්, සාධාරණ සහ සැමට සමාන අවස්ථාවක් හිමිවන තරග පසුබිමක් වෙනුවෙන් මා පෙනී සිටිමි. මා කිසිම තරගකාරියකට පක්ෂපාතීව හෝ විරුද්ධව කටයුතු නොකළෙමි. මා නිරන්තරයෙන් සිටගත්තේ මා නිවැරදි යැයි විශ්වාස කරන දේ වෙනුවෙනි.''
 
 
 
මා හට  2020 ලෝක රූ රැජින තරගයේ තරගවැද ජයග්‍රහණය කිරීමට තරම්, සාධාරණ වේදිකාවක් නිර්මාණය කර දුන්, ආදරණීය ලෝක විවාහක රූ රැජින තරග සංවිධායකයින්ට එයින් අත්විඳින්නට සිදු වූ අපහසුතාවයක් වී නම්,  මම ද එය අත්විඳිමි.
 
ලොව වටා සහ මගේ රටේ වෙසෙන, පසුගිය සහ වර්තමාන රූ රැජින තරග ජයග්‍රාහිකාවන්ට එයින් අත් විඳින්නට සිදු වූ අපහසුතාවය මමද එලෙසින්ම අත් විඳිමි.
 
සෑම රූ රැජින තරගයකටම ඊට අනන්‍ය වූ නීති රෙගුලාසි මාලාවක් ඇත.
 
මා මුල සිටම පෙනී සිටියේ සාධාරණ වේදිකාවක් සහ සැමට සාධාරණ වූ නීති රෙගුලාසි වෙනුවෙනි.
 
''තරගයක නීති රීති ඇත්තේ, ඒවාගේ අඩුපාඩුවලින් රිංගා යමින්, කෙසේ හෝ තරගයක් ජයග්‍රහණය කිරීමට නොවේ..
 
තරගයකට නීති රෙගුලාසි ගෙන එන්නේ, අරමුණක් වෙනුවෙන් වේදිකාවක් සඳහා බව මගේ විශ්වාසයයි.
 
 
මා මුලසිටම හඬනැගුවේ ඒ වෙනුවෙනි. නමුත්, අවාසනාවකට හඬනැගීම නොතකා හැරීම නිසාම, අවසාන තරගයට පෙර දිනයේදී, මා විනිශ්චය මණ්ඩලයෙන් ඉල්ලා අස්වූවෙමි.
 
මගේ ක්‍රියකලාපය ඒ අභිමතාර්ථ සහ අරමුණු වෙනුවෙන් මගේ ක්‍රියාත්මකවීමයි.
 
මා දකින ආකාරයට ලෝක විවාහක රූ රැජින කිරුළ යනු, විවාහ ජීවිතයක් ගෙවමින්, ඒ වෙනුවෙන් මහා කැපකිරීම් කරමින් වගකීම් දරමින්ම, තම තමන්ගේ සිහින ජයගන්නා විවාපත් කාන්තාවන්ගේ ජාත්‍යන්තර සැමරුමයි. 
 
සියලු වෙහෙස සහ කැපකිරීම් මැද පවා තමන්ව මග නොහැරගන්නා, එතැනින් නොනැවතී තරග වේදිකාවේ කිරුළ වෙනුවෙන් තරග කීරීමට උත්සහ ගන්නා, අසීමිත කැපකිරීම් කරන, වෙහෙස වන, හැකියාවක් ඇති, හරයක් සහ අරමුණක් වෙනුවෙන් පෙනී ඉන්නා විවාහක කාන්තාවන්ගේ සැමරුමයි.
 
 
 
ලෝක විවාහක රූ රැජින තරගය නිර්මාණය කර ඇත්තේ, දික්කසාද හෝ පවුල් ජීවිතයෙන් වෙන් වූ කාන්තාවන්ව පහත් කොට සැළකීම සඳහා නොව, විවාහක ජීවිතයේ ඉන්නට තීන්දු කළ කාන්තාවන්ගේ සිහින සැමරීමට සහ ඔවුන්ව අගය කිරීමට බව මට තහවුරු කළ හැකිය.
 
 
විවාහක අවිවාහක සියලු කාන්තාවන් ඇත්තටම රැජිනියන්ය. 
 
සෑම රැජිනියකටම තමන්ටම කියා වෙන් වූ විවිධාකාරයේ තරග වේදිකාවන් ඇත. 
 
ඒ ඒ වේදාකාවන් සහ තරගවලට අනන්‍ය වූ නීති රෙගුලාසිද ඇත.
 
මේ වර ශ්‍රී ලංකා විවාහක රූ රැජින තරගයේ වැඩ කටයුතු කරන අතරතුරේදී තරගකාරියන්ගේ කැපවීම, වෙහෙස සහ උද්යෝගය මා අත්වින්දෙමි.
 
 
ඔවුන් සියලු දෙනා සමග එක්ව, තවතවත උනන්දුවෙන් සහ වෙහෙස වී වැඩ කරන්නට, ඔවුන්ගේ උද්යෝගය මා හට පන්නරයක් වූ බව කිව යුතුමය.
 
මා සැමවිටම මගේ අත්දැකීම් සහ දැනුම ඔවුන් සමග නොඅඩුව බෙදාහදාගත්තෙමි. 
 
2020 ලෝක රූ රැජිනිය ලෙස කිරුලු පැළඳීමට මා ගමන් කළ දීර්ඝ වූත්, වෙහෙසකර වූත්, ඉතා අසීරු වූත් ගමන, මා හට ලබාදුන් දැනුම සහ අත්දැකීම් නිසාම, මා ළඟ ඔවුන් සමග බෙදාහදාගන්නට බොහෝ දේ ඇත.
 
මේ වසරේ, ලෝක විවාහක රූ රැජින තරගයේ සත්කාරක රට ශ්‍රී ලංකාවයි.
 
ඒ සඳහා ලෝකයේ නන් දෙසින් එන සියලු තරගකාරියන්ව අපි ආදරයෙන් පිළිගන්නා අතරම, අපේ රට නියෝජනය කරමින්, ශ්‍රී ලංකා විවාහක රූ රැජිනියටද, ලෝකයම සමග කරට කර තරගවැදීමට යළිත් අවස්ථාවක් හිමිවේ.
 
එහිදී, සාධාරණ තර අවස්ථාවක් ලබාගැනීමට සහ හොඳ තරගයක්දීමට, අපේ විවාහක රූ රැජිනියව සූදානම් කිරීම, මුවහත් කිරීම සහ මගපෙන්වීම සඳහා මාගේ උපරිමයෙන් දායකත්වය ලබාදීම, මාගේ වගකීම සහ කර්තව්‍යය ලෙස මා සළකමි.
 
 
 

79388916 166966244703145 8289649273440567296 nලෝකයම සමග තරගකොට, ලෝක රූ රැජිනිය ලෙස කිරුළු පැළඳි, ශ්‍රී ලාංකික කාන්තාවක් ලෙස, මේ වර අපේ රට නියෝජනය කරන කාන්තාවට සාධාරණ තරග අවස්ථාවක් ලබාදීම සහ හොඳ තරගයක් දීම සඳහා ඇවැසි සුදුසුකම් සපුරාගැනීමට උපකාර කිරීම මගේ අරමුණයි. 
 
මා ජයග්‍රහණය කළ කිරුළ නැවත භාරදීමෙන් පසුව පවා, මගේ පවුල් ජීවිතය වෙනුවෙන් කරන කැපවීම් සහ වගකීම් දරන අතරේදීම, ඒ අරමුණ ඒ වෙනුවෙන් කැපවී ක්‍රියාත්මකවීම සහ වැඩ කිරීම මගේ සැලසුමයි.
 
මා මේ කිරුළ නැවත භාර දෙන්නේ කෙසේද යන කාරණාවට වඩා, 2020 ලෝක රූ රැජිනිය ලෙස ඒ කිරුළ දරණ කාලයේදී, මා ජීවත්වන සහ නියෝජනය කරන ලෝකය වෙනුවෙන් මා එය කෙළෙස යොදාගත්තේද යන්න වඩා වැදගත් බව මා විශ්වාස කරමි.  
 
මා විසින් සමහරවිට ඔබගේ මනෝලෝකයන් කඩා විසුරුවා දමන්නට ඇති බව මා දනිමි.
 
සමාජ සංවාදයක් ඇති කළ බවද දනිමි.
 
එපමණක් නොවේ, කිරුළක් දරණ රූ රැජිනකට තිබිය යුතු වැදගත්කම් සහ ඇය පෙනී සිටිය යුතු වටිනාකම් ගැන කතිකාවක්ද ඇති වූ හැටි මා බලා සිටියෙමි.
 
වැදගත්කම යනු, ලෝකයේ ඇස් ඉදිරියේ කෙනෙකුගේ හැසිරීමෙන් මනින දෙයක් යැයි ඔබ සිතන්න නම්, ඔබට ඔබේ විනිශ්යන්ට එළඹීමට මා බාධා නොකරමි.
 
නමුත්, වැදගත්කම් යනු, ලෝකයාගේ ඇස් ඉදිරියේ පමණක් නොව, කිසිවෙකු තමන් දෙස බලා නොසිටින අවස්ථාවේ පවා රහසින්වත් වැරදි නොකර සිටීම සහ තමන් පෙනී හිඳිමින් ක්‍රියා කරන්නේද යන වග නම්, සැබෑ වටිනාකම එය බව මගේ ඇදහීමයි.
 
 
 
 
 
මා විශ්වාස කරන වටිනාකම් වෙනුවෙන් කොන්ද කෙලින් තියාගෙන පෙනී හිඳීමෙන් පසුව, මගේ කිරුළ අහිමි වූවත්, මා74407026 147204176679352 3041048136484126720 n පෙනී සිටියේ සහ සිටගත්තේ ලෝක විවාහක රූ රැජිනියගේ කිරුලේ සැබෑ අරමුණ වෙනුවෙන් බව මගේ හැඟීමයි.
 
වටිනාකම් යනු අපේ ජීවිතවල මුල්බැසගත් සාරධර්මයන් වේ.
 
වටිනාකම්, මතුපිටින් මනින්නට නොහැකිය. 
 
කීයටවත් මුදලට ගන්නට නොහැකිය.
 
මම ඒ වටිනාකම් වෙනුවෙන් සිටගනිමි. 
 
මුලු ලෝකයම ඉවත බලන විටදී පවා තනිවම වුවත්, මම ඒ වටිනාකම් වෙනුවෙන් නැගීසිටිමි.
 
ඒ කෙතරම් දරුණූ ව්‍යසනයක් හමුවේ වුවත්, මම ඒ වටිනාකම් වෙනුවෙන් පෙනි සිටිමි.
 
අපි සැවොම සැමවිටම, අපි ජීවත්වන ලෝකය මීට වඩා හොඳවන වෙනසක් ප්‍රාර්ථනා කරන්නෙමු.
 
නමුත්, තමන් ඒ වෙනස වෙන්නට සිදුවූ විට හෝ ඒ වෙනුවෙන් ක්‍රියාත්මකවෙන්නට සිදු වූ විට, අපි එය මගහැර යන්නෙමු.
 
ලෝකයම ඉවත බලන විටදී පවා,
 
යමක් වෙනුවෙන් නැගී සිටින්නට, හඬ නගන්නට සිදු වේ නම්,
 
කෙතරම් තනි වුවත්,
 
අපි ඒ සඳහා අපි ධෛර්යය උපද්දවාගත යුතුමයි.
 
බොහෝවිට අපි එය මගහැර යන්නේ, අපි මහත් වෙහෙස වී, අසීමිත කැපකිරීමෙන් දිනාගත් දේ, අහිමි කරගන්නට ඇති බය නිසාවෙනි.
 
අරමුණක් වෙනුවෙන් තැනූ වේදිකාවක,
 
තවත් කාන්තාවකට සමාන සහ සාධාරණ අවස්ථාවක් ලබාදීම සඳහා,
 
මා අසීරුවෙන් උපයාගත් යමක් අහිමි කරගෙන වුවත් ක්‍රියාත්මක විය යුතු බව මගේ ඇදහීමයි.
 
ඇත්තටම අපි ඒ වෙනුවෙන් එකපයින් නැගීසිටිය යුතුමයි.
 
කිරුළකට අරමුණක් තිබිය යුතුය.
 
මට අනුව ඒ, හැමෝටම සමාන සහ සාධාරණ අවස්ථාවන් තනා දීමය.
 
 
දැන්…
 
මා දිනාගත් කිරුළ නැවත භාරදීමට, මට කාලය එළැඹ ඇති බව මම දනිමි.
 
කාන්තාවකට අවශ්‍යවන්නේ එකම එක සාධාරණ අවස්ථාවක් මිස, අන් කිසිවක් නොවේ…
 
 
ස්තූතියි.
 
#crownpurpose 
 

 

THE LEADER TV

 

මැයි දිනයේදී විමල්ට හු පෝරියල් එකක් දෙන්න සුදානමක් ?

 

රට කෑ කැරොලයින් නාඩගමේ තිරයෙන් පිටුපස කතාව!

 

logo

subscribeYT

subscribeYT

නවතම පුවත්