1200 x 80 DMirror
 
 

2024 ජනාධිපතිවරණයට ඉදිරිපත් කරන අපේක්ෂකයා සම්බන්ධයෙන් ආණ්ඩුවේ පාර්ශවයන් අතර පවතින
කසුකුසුවලදී මේවනවිට අමාත්‍ය නාමල් රාජපක්ෂගේ නම ඉදිරියට පැමිණ ඇතිබව ජ්‍යෙෂ්ඨ අමාත්‍යවරයකු පැවසිය. 
 
ඉදිරි ජනාධිපතිවරණයකට ඉදිරිපත් නොවන බවට ජනාධිපති ගෝඨාභය රාජපක්ෂ ප්‍රකාශකර ඇතැයි වාර්තාවීමත් සමග බැසිල් රාජපක්ෂ ජනාධිපති අපේක්ෂකයා කිරීම සඳහා 'පොහොට්ටු' පක්ෂය විසින් පුළුල් ප්‍රචාරක මෙහෙයුමක් ආරම්භ කළේය.
 
කෙසේවුවද ආණ්ඩුවේ 'ජාතිකවාදී බලවේග' ඊට දැඩි විරෝධයක් මතුකිරීම නිසා මේ වනවිට ආණ්ඩුව තුල බැසිල්ට පක්ෂ හා විපක්ෂ වශයෙන් කල්ලි දෙකක් නිර්මාණය වී එකිනෙකාට එරෙහිව කටයුතු කරමින් සිටියි. බැසිල් විරෝධී සටනේ පෙරමුණ ගෙන සිටින්නේ විමල් විරවංශ අමාත්‍යවරයා ය.
 
 
 
 
මහින්ද වෙනුවෙන් පවුලේ උරුමය නාමල්ට... 
 

MR NR

 
නාමල් රාජපක්ෂ අමත්‍යවරයා අනාගත රාජ්‍ය නායකත්වයට සුදානම් කිරීමට රාජපක්ෂ පවුල මේවනවිට තීන්දු කර ඇත්තේ, ආණ්ඩු පක්ෂය තුල පවතින එම කුලල් කාගැනීම යම් තරමකින් හෝ සමතයකට පත්කර ගැනීම සඳහාය. 
 
එය අගමැති මහින්ද රාජපක්ෂ, තම සොයුරු ගෝඨාභය රාජපක්ෂගෙන් කළ ඉල්ලීමක් බව ආණ්ඩුවේ අභ්‍යන්තර ආරංචිමාර්ග පවසයි.
 
ඒ අනුව, ගම සමඟ පිළිසඳරේ ප්‍රගති සමාලෝචනයට වෙනම ජනාධිපති කාර්ය සාධන බලකායක් පත්කර එහි සභාපති ධුරය අමාත්‍ය නාමල් රාජපක්ෂ වෙත පැවරීමට ජනාධිපතිවරයා තීරණය කර ඇත. 
 
ආණ්ඩුව වෙනුවෙන් ගම් මට්ටමේ සංවර්ධන කටයුතු මෙතෙක් සිදුකරනු ලැබුවේ බැසිල් රාජපක්ෂ ගේ අධීක්ෂණය හා මගපෙන්වීම හරහාය. 
 
කෙසේවුවද, “ගම සමග පිළිසඳර” වැඩසටහනෙන් රජය අපේක්ෂා කරන ඉලක්ක සපුරා ගැනීම, ජනතා අවශ්‍යතා කාර්යක්ෂමව හා ඵලදායී ලෙස මෙහෙයවීම සහ පසු විපරම පිණිස ජනාධිපති ගෝඨාභය රාජපක්ෂ විසින් ජනාධිපති කාර්ය සාධක බලකායක් පිහිටුවා ඇති අතර එය නම් කර ඇත්තේ “ගම සමග පිළිසඳර ග්‍රාමීය සංවර්ධන ජනාධිපති කාර්ය සාධක බලකාය” ලෙස යි.
 
අමාත්‍ය නාමල් රාජපක්ෂගේ සභාපතිත්වයෙන් යුත් කාර්ය සාධක බලකායට රාජ්‍ය අමාත්‍යවරුන්ගෙන් සහ පාර්ලිමේන්තු මන්ත්‍රීවරුන්ගෙන් සමන්විත 15 දෙනෙකුගෙන් යුත් කණ්ඩායමක් පත් කර තිබේ.
 
 
 
 
අගමැති මහින්ද තැබූ හැඟීම්බර සටහන
 
අමාත්‍ය නාමල් රාජපක්ෂගේ 35 වන උපන්දිනය පසුගිය 10 දිනට යෙදී  තිබිණ.
 
සිය වැඩිමහල් පුත් නාමල් රාජපක්ෂ සම්බන්ධයෙන් අගමැති මහින්ද රාජපක්ෂ ඉතා සංවේදී සටහනක් එදින සිය ෆේස්බුක් පිටුවේ සටහන් කොට තිබුනේ අනාගත අපේක්ෂාවක් ද පෙරදැරි කරගෙනය. 
 
එහි මෙසේ සදහන්ය.
 

MR Post

 
 
පවුලට නැත්නම් විධායක ජනාධිපතිකම අහෝසියි !
 
කෙසේවුවද, තම පවුලේ සාමාජිකයකු 2024 ජනාධිපති අපේක්ෂකයා ලෙස ඉදිරිපත් කිරීමට නොහැකි තත්ත්වයක් මතුවුවහොත්, ඉදිරියේදී ඉදිරිපත් කිරීමට නියමිත නව ආණ්ඩු ක්‍රම ව්‍යවස්ථාවෙන් විධායක ජනාධිපති ක්‍රමය අහෝසි කිරීම සම්බන්ධයෙන් ද රාජපක්ෂ පවුලේ අවධානය යොමුව ඇති බව වාර්තා වේ.
 
මේ සම්බන්ධයෙන් පසුගිය සතිය වනවිට ආණ්ඩුවේ පාර්ලිමේන්තු ලොබියේ මැතිඇමැතිවරුන් අතර යම් කසුකුසුවක් සිදුව ඇති බව 'මව්රට' පුවත්පත වාර්තා කර ඇත.
 
එම කසුකුසුවෙන් කියැවෙන්නේ ආණ්ඩුව හඳුන්වාදීමට නියමිත අලුත් ව්‍යවස්ථාව හරහා ජනාධිපති ක්‍රමය අහෝසි කොට පාර්ලිමේන්තු ක්‍රමය හඳුන්වාදීම සඳහා සාකච්ඡා වෙමින් පවතින බවකි.
 
එසේ වුවහොත් ජනාධිපතිවරණ අපේක්ෂකත්වය පිළිබඳ ප්‍රශ්නය විසඳෙන බවත්, නව ව්‍යවස්ථාව සම්මත කර ගැනීම සඳහා විපක්ෂයේ සහයෝගය පවා ලබාගත හැකි බවත් එම සාකච්ඡාවලදී කතාවී ඇති බවක්ද දැනගන්නට ඇත.
 
 

 

 

 


 

THE LEADER TV

 

අපි නොදන්න ස්ටියරිං - සිද්ධිකාට දැම්ම වගේ 'තගක්' දමයන්තිටත් දායිද ?

 

 

හුඟ කාලෙකට පස්සේ කරපු ඒ වැඩේ නම් මරු "ස"

logo

subscribeYT

subscribeYT

නවතම පුවත්