1200 x 80 DMirror
 
 

 ජනාධිපතිවරයා දුරකතනයෙන් කළ තර්ජනයකින්  බිය වැදී සිටින ආණ්ඩු පක්ෂයේ මන්ත්‍රීවරයකු ඒ සම්බන්ධයෙන් පොලිස්පතිවරයාට පැමිණිලි කර තිබේ.
"ජනාධිපතිවරයෙක් එහෙම තර්ජනය කරනකොට ජීවිත ගැන අපිට බයක් තියනවා,” යි ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී විජේදාස රාජපක්ෂ අප්‍රේල් 16 සිකුරාදා උදෑසන සිය නිවසේදී මාධ්‍යවේදීන් හමුවේ කියා සිටියේය.
 
“අපේ දරු පවුල් වල සාමාජිකයන්ගේ  ජීවිත ගැන අපිට බයක් දැනෙනවා. ඒක නිසා තමයි මට මාධ්‍යයට කියන්න සිද්ධ උනේ. මෙවැනි තත්වයක් අද මේ රටේ ඇති වෙලා තියනවා කියලා. ඒ එක්කම පොලිස්පතිතුමාට මම මේ පිළිබදව දැනුම් දුන්නා.ඒ වගේම ලිඛිතව ඉදිරිපත් කරනවා කරුණු.”
 
කොළඹ වරාය නගරයේ  ආර්ථික කොමිෂන් පනත ඇතුළු වැඩ කටයුතු වලට ආණ්ඩුවේ අභ්‍යන්තරයෙන් මතුවන විරෝධය සම්බන්ධයෙන් තමන් විසින් මුරුත්තෙට්ටුවේ ආනන්ද හිමියන්ගේ නාරාහේන්පිට අභයාරාමයේ ඊයේ පැවැත්වූ මාධ්‍ය හමුවකින් පසුව ජනාධිපති ගෝඨාභය රාජපක්ෂ  අද උදෑසන දුරකතනයෙන් තමන්ව අමතා ඉතාම පහත් අන්දමින් බැනවැදුණු බව අනාවරණය කළේය.
 
"රාජ්‍ය නායකයකුට නොගැලපෙන, ඒ වගේම මහා ද්වේෂයකින්, වෛරයකින්, ආවේගශීලීව වෙව්ලමින් එතුමා ඉතාම පහත් මට්ටමින් මට කතා කළා.ඒක නිසා අකමැත්තෙන් නමුත්  මටත් සිද්ධ වුණා එතුමා ආමන්ත්‍රණය කරපු භාෂාවෙන්ම එතුමාට ප්‍රතිචාර දක්වන්න."
 
 
ජනාධිපතිවරයකු පාර්ලිමේන්තු මන්ත්‍රීවරටකුට මෙලෙස තර්ජනය කිරීම ඉතාම භයානක තත්වයක් බව පාර්ලිමේන්තු මන්ත්‍රී විජේදාස රාජපක්ෂ එහිදී අවධාරණය කළේය.
 
 
ශ්‍රී ලංකාවේ වත්මන් ජනාධිපතිවරයා ජනඝාතක පැසිස්ට්වාදී ජර්මන් ආඥාදායක ඇඩොල්ෆ් හිට්ලර් මෙන් ඒකාධිපතියකු වී රට පාලනය කළ යුතු බවට ප්‍රවාහන රාජ්‍ය අමාත්‍ය දිලුම් අමුණුගම අප්‍රේල් 12 සඳුදා මහනුවර පැවැති මාධ්‍ය හමුවකදී ප්‍රකාශ  කර තිබුනි.
 
මීට ඉහතදී කෝප් වාර්තා ඉදිරිපත් කරන සමයේද තමන් යුද හමුදාවේත් පොලිස් විශේෂ කාර්ය සාධක බලකායේත් අඩන්තේට්ටමට මුහුණ දුන් අවස්ථාද පාර්ලිමේන්තු මන්ත්‍රී විජේදාස රාජපක්ෂ  එම මාධ්‍ය හමුවේදී අනාවරණය කළේය.
 
" ඒ කාල සීමාවේ ඔය මගේ ගෙයි එහාපැත්තේ මාසයක් තිබුනා හමුදාවේ වෑන් එකක්. යුද්ධ හමුදාවේ. මේ ගෙදරට එන දුරකථන ඔක්කෝම පණිවිඩ ඒකෙන් රෙකෝඩ් කරා. ඒ ඔක්කොම කරදර කරා. අපි ඒවා දැනගෙන සිටියා." මන්ත්‍රීවරයා  සදහන් කළේය.
 
කොළඹ වරාය නගරය “චීන කොලනියක් බවට පත් කිරීමෙන්” ඇති විය හැකි භයානක තත්වය පෙන්වා දීම නිසා ජනාධිපතිවරයකු කෝපයට පත්වන්නේනම් ජනාධිපතිවරයාට රට ගැන තිබෙන හැගීම කුමක්ක යන්න සම්බන්ධයෙන් ගැටළුක් පැන නගින බව මන්ත්‍රීවරයා එහිදී  තව දුරටත් අවධාරණය කළේය.
 
ජනාධිපති නීතිඥ විජේදාස රාජපක්ෂ හෙළි කරන තොරතුරු සම්බන්ධයෙන් ජනාධිපති කාර්යාංශයෙන් හෝ ආණ්ඩුවෙන් මේ වනතුරු නිල නිවේදනයක් නිකුත් කර නැත.
 
 

##################
THE LEADER TV 
 

අනාගත පරපුරේ හුස්ම පොද මේ පරිසරය ! ඒක පරිස්සම් කරන්න - අයිරාංගනී සේරසිංහ

 

සිද්දිකා නොහොත් අවංක ගැහැණිය බේරගන්න ආ කැරොලිනා

 

 

 

 

subscribeYT

subscribeYT

නවතම පුවත්