1200 x 80 DMirror
 
 

 මහා පරිමාන අපරාධ සම්බන්ධයෙන් චෝදනා ලබන පිරිසක් නිදහස් කිරීම නීතිගත කිරීම සඳහා අගමැතිවරයා ගෙනා යෝජනාව පිළිබඳ විවාදයට පෙර පාර්ලිමේන්තුවේ දී  ඇති වු නොසන්සුන්කාරී තත්වය සම්බන්ධයෙන්
සොයා බලා ගත යුතු පියවර නිර්දේශ කිරිම සඳහා විශේෂ කමිටුවක් පත් කර තිබේ.
 
කථානායක මහින්ද යාපා අබේවර්ධන අප්‍රේල් 23 සිකුරාදා පාර්ලිමේන්තුවේ දී සදහන් කළේ ඉදිරියේ දී එවැනි සිද්ධීන් නැවත ඇති නොවීමට ගත යුතු ක්‍රියාමාර්ගය සම්බන්ධයෙන් නිර්දේශ ඉදිරිපත් කිරීම මෙම කමිටුවට පැවරෙන වගකීමක් බවයි.
 
එම කමිටුවේ සභාපතිත්වය දරන්නේ නියෝජ්‍ය කථානායක රංජිත් සියඹලාපිටිය යි.
 
චමල් රාජපක්ෂ, කෙහෙළිය රඹුක්වැල්ල, සුසිල් ප්‍රේමජයන්ත, අනුර යාපා, ඉම්ටියාස් බාකීර් මාකාර්, රංජිත් මද්දුම බණ්ඩාර, එම් .ඒ සුමන්තිරන් යන මැති, ඇමැතිවරු මෙම කමිටුවේ සෙසු සාමාජිකයෝ වෙති.
 
 
 

 අප්‍රේල් 22 බ්‍රහස්පතින්දා දිනයේ පැවැත්වීමට නියමිතව තිබු දේශපාලන පළිගැනීම් පිළිබඳ පරීක්ෂා කිරීමට පත්කළ ජනාධිපති කොමිෂන් සභා වාර්තාව පිළිබඳ විවාදය සම්බන්ධයෙන් අප්‍රේල් 21 බදාදා පාර්ලිමේන්තුවේ දී නොසන්සුන් තත්ත්වයක් හට ගැණුනි.
 
 
 
 
එහිදී ආණ්ඩු පක්ෂයේ මෙන්ම විපක්ෂයේ මන්ත්‍රීවරුන් සභාව මධ්‍යයට පැමිණ විරෝධතාවයේ නිරතවිය.
 
එහිදී ඇති වු උණුසුම් තත්ත්වයක් හේතුවෙන් විනාඩි 10ක කාලයක් සඳහා සභාව කල් තැබීමට ද කථානායකවරයාට සිදුවිය.
 
විපක්ෂයේ ප්‍රධාන සංවිධායකවරයා වන සමගි ජන බලවේගයේ පාර්ලිමේන්තු මන්ත්‍රීවරයා එහිදි පවසා සිටියේ විවාදයේ යෝජනාව පාර්ලිමේන්තු මන්ත්‍රී  ෆිල්ඩ් මාර්ෂල් සරත් ෆොන්සේකා විසින් ඉදිරිපත් කළ බැවින් විවාදයේ ආරම්භයත් විපක්ෂයට හිමිවිය යුතු බවය.
 
එයට පිළිතුරු දෙමින් සභා නායක අමාත්‍ය දිනේෂ් ගුණවර්ධන පවසා සිටියේ, පක්ෂ නායක රැස්වීමේ දී ඒ පිළිබඳ ගත් තීරණය අනුව කටයුතු කරන බවය.
 
නමුත් එය පාර්ලිමේන්තු මන්ත්‍රී ලක්ෂ්මන්  කිරිඇල්ල විසින් ප්‍රතික්ෂේප කිරීමත් සමග මැති ඇමතිවරු අතර, උණුසුම් වචන හුවමාරුවක් සිදු විය.
 
බරපතල මානව හිමිකම් උල්ලංඝන හා මහා පරිමාන දූෂණ වංචා චෝදනා ලාභී හමුදා භටයන් හා නිලධාරීන්, රාජපක්ෂ පවුලේ සාමාජිකයන් සහ පාලක පක්ෂයේ ප්‍රධාන මෙහෙයුම්කරුවන් ආදීන්ට එරෙහිව ගොනු කර ඇති නඩු ගණනාවක් ඉල්ලා අස්කර ගැනීමට අමාත්‍ය මණ්ඩලය විසින් අනුමත කරන ලද ජනාධිපති නියෝගයකට අනුව ක්‍රියා කරමින් අග්‍රාමාත්‍ය මහින්ද රාජපක්ෂ පාර්ලිමේන්තුවේ අවසරය ඉල්ලා ඉදිරිපත් කර තිබෙන යෝජනාව සම්බන්ධ දෙදින විවාදය ඊයේ දින ආරම්භ විය.
THE LEADER TV 
 
 

port cityයට වෙනම නීතියක් මොකට ද? -ධනනාත් ප්‍රනාන්දු

 

රුපියල උස්ස උස්සා පොළවේ ගහන ආණ්ඩුවේ ජෝන් සීනා

 

logo

subscribeYT

subscribeYT

නවතම පුවත්