1200 x 80 DMirror
 
 

මහජන සෞඛ්‍ය හදිසි අවස්ථාවකදී රෝග පාලනය සම්බන්ධ තීන්දු තීරණ ගැනීමේදී සෞඛ්‍ය විශේෂඥ මතය සඳහා ප්‍රමුඛත්වයක් ලබා දීමේ වැදගත්කම වෛද්‍යවරුන්ගේ ප්‍රධානතම වෘත්තීය සංගමය විසින් සෞඛ්‍ය සේවා
අධ්‍යක්ෂක ජනරාල්වරයාට පෙන්වා දී තිබේ.
 
රජයේ වෛද්‍ය නිලධාරීන්ගේ සංගමය (GMOA) එම දැනුම් දීම කර ඇත්තේ තුන්වැනි වතාවටත් රැල්ල නැගුණු කෝවිඩ් වසංගත පාලනය සම්බන්ධ තීන්දු ගැනීමේ ප්‍රධානත්වය යුද හමුදාපතිවරයාට පවරා තිබියදීය.
 
 
වසංගත ආපදාවලට එරෙහිව සටන් වැදීම සඳහා දෙමළ ජාතික සන්ධානයේ පාර්ලිමේන්තු මන්ත්‍රී එම් ඒ සුමන්දිරන් ද මේ වනවිට මහජන සෞඛ්‍ය හදිසි අවස්ථා කෙටුම්පතක් පාර්ලිමේන්තුවට ඉදිරිපත් කර තිබේ. එහිදීද සෞඛ්‍ය විශේෂඥ මතයට මුල්තැන දීම ගැන අවධාරණය කර තිබේ.  
 
රටේ වර්තමාන තත්වය  සැලකිල්ලට ගෙන වසංගත තත්වය පාලනය සඳහා රජයේ වෛද්‍ය නිලධාරින්ගේ සංගමය සෞඛ්‍ය සේවා අධ්‍යක්ෂක ජනරාල්වරයාට යෝජනා දහයක්ද ඉදිරිපත් කර ඇත.
 
එහිදී, යුද හමුදාවේ දායකත්වයක වැදගත්කමක් ඇතිදැයි දක්වා නොමැත. 
 
විදේශිකයන් නිරෝධානය කිරීම සඳහා මෙරටට ගෙන්වා ගැනීම මගින් නව වෛරස් ප්‍රභේද රට තුලට ඇතුලු වීමට ඇති අවදානම රජයේ වෛද්‍ය නිලධාරීන්ගේ සංගමය පෙන්වා දී ඇත්තේ වර්තමාන කෝවිඩ් තත්වය පිළිබඳ සෞඛ්‍ය සේවා අධ්‍යක්ෂක ජනරාල්වරයා සමග අප්‍රේල් 29 බ්‍රහස්පතින්දා පැවති සාකච්ඡාවකදීය.
 
රජයේ වෛද්‍ය නිලධාරින්ගේ සංගමයේ විධායක සභාව සෞඛ්‍ය සේවා අධ්‍යක්ෂක ජනරාල් සමග එම විශේෂ සාකච්ඡාව පවත්වා ඇත්තේ සෞඛ්‍ය අමාත්‍යාංශයේදීය.
 
එහිදී, රජයේ වෛද්‍ය නිලධාරින්ගේ සංගමය වර්තමානයේ කොවිඩ්  වසංගතය හමුවේ රට පත්ව ඇති අර්බුදකාරී තත්වය පිළිබඳ විග්‍රහයක් සිදු කර තිබෙන අතර මෙවැනි වසංගතයක් පාලනය කිරිම සඳහා රාජ්‍ය දායකත්වය, සෞඛ්‍ය සේවාවේ කාර්යක්ෂමතාවය හා ධාරිතාව සහ මහජනතාවගේ දායකත්වය යන ප්‍රධාන අංග තුන ම ප්‍රශස්ථ ලෙස ක්‍රියාත්මක වීම වැදගත් අවධාරණය කර තිබේ.
 
කොවිඩ්  වසංගතය සාර්ථකව පාලනය කළ විවිධ රටවල් මෙහිදී අඩු වැඩි වශයෙන් ගත් ක්‍රියාමාර්ග පිළිබඳ සාකච්ඡාවට භාජනය කළ අතර සාර්ථකව කොවිඩ් වසංගතය පාලනය කල බොහෝ රටවල් ඒ සඳහා අනුගමනය කළ පහත ක්‍රමවේදයන් සෞඛ්‍ය සේවා අධ්‍යක්ෂක ජනරාල්වරයාට පෙන්වා දුන් බව රජයේ වෛද්‍ය නිලධාරීන්ගේ සංගමය නිකුත් කළ නිවේදනයක දැක්වේ.
 
 
 
 
කොවිඩ් පාලනය කල රටවල් අනුගමනය කළ ක්‍රමවේදයන් 
 
 
 
 CoronavirusCommentary Art
 
 
 
01. මහජනතාවගේ සහයෝගය ලබා ගැනීමටත්, එලෙස මහජනතාවගේ සහයෝගය ලබා ගැනිමට අපහසු අවස්ථාවන් වලදී නිරෝධායන නීති දැඩිව ක්‍රියාත්මක කරමින් සහ පවතින අවදානම නිවැරදිව සන්නිවේදනය කරමින් මහජනතාවගේ සහය ලබා ගැනීමටත්,  
 
 
02. පරික්ෂණ ධාරිතාව හා අහඹු නියැදි පරීක්ෂණ ප්‍රමාණය වැඩි කරමින් ආවේශණ ක්‍රියාවලිය ශක්තිමත් කිරීමටත්,
 
 
03. අවශ්‍යතාවය අනුව සංචරණ සිමා නීති පනවමින් සෞඛ්‍ය ධාරිතාව ඉක්මවා යාම වලක්වා ගැනීමටත්,
 
 
04. ඊශ්‍රායලය වැනි ඇතැම් රටවල් එන්නත්කරණ ක්‍රියාවලිය ශක්තිමත් කිරීම තුලින් කොවිඞ් ව්‍යාප්තිය පාලනය කර ගැනිමටත් සමත් වී ඇති බව GMOA විසින් පෙන්වා දී තිබේ.
 
 
 
වසංගත තත්වය පාලනය සඳහා රජයට ඉදිරිපත් කළ යෝජනා :
 
 
වර්තමාන තත්වය සැලකිල්ලට ගෙන වසංගත තත්වය පාලනය සඳහා රජයේ වෛද්‍ය නිලධාරින්ගේ සංගමය සෞඛ්‍ය සේවා අධ්‍යක්ෂක ජනරාල්වරයාට පහත යෝජනා ඉදිරිපත් කළ බව රජයේ වෛද්‍ය නිලධාරීන්ගේ සංගමයේ ලේකම් වෛද්‍ය සෙනාල් ප්‍රනාන්දුගේ අත්සනින් නිකුත් කළ නිවේදනයේ වැඩි දුරටත් සදහන්ය.
 
 
01. කොවිඩ් 19 පරික්ෂණ ධාරිතාව ඉහල නැංවිම හා අහඹු නියැදි පරික්ෂණ කිරිමේ ක්‍රියාවලිය ඒකාකාරිව පවත්වාගෙන යාම තුලින් රෝගීන් ආවේශණ ක්‍රියාවලිය ශක්තිමත් කිරිම සහ එමගින් රෝගින්, රෝගී පොකුරු සහ ස්පර්ශකයන් හමුවන ආකාරය අනුව ප්‍රාදේශීය සංචරණ සීමා ප්‍රමාදයකින් තොරව පැණවීම.
 
 
02. ප්‍රාදේශීය සංචරණ සීමා පැනවීමේදී සෞඛ්‍ය වෛද්‍ය නිලධාරින් සමග සන්නිවේදනය කරන කාර්යක්ෂම යාන්ත්‍රණයක් ඇති කිරීම මගින් රෝග ව්‍යාප්තිය පාලනය කර ගැනීම.
 
 
03. රෝගීන් ප්‍රතිකාර මධ්‍යස්ථාන වෙත යොමු කරන මාර්ගෝපදේශණය දැනට පවතින තත්වය සැලකිල්ලට ගෙන යාවත්කාලින කිරීම. 
 
එහිදී රෝග ලක්ෂණ රහිත අනෙකුත් සංකූලතා නොමැති රෝගින්, රෝග ලක්ෂණ රහිත අනෙකුත් සංකූලතා සහිත රෝගින් සහ රෝග ලක්ෂණ සහිත රෝගින් යන කාණ්ඩ ප්‍රතිකාර මධ්‍යස්ථාන වෙත යොමු කරන ප්‍රතිපත්තිය නැවත සමාලෝචනය කිරිම තුලින් ඉක්මවා යමින් පවතින සෞඛ්‍ය ධාරිතාව ආරක්ෂා කර ගැනිම.
 
 
04. සුවය ලැබු රෝගින්, රෝහලෙන් පිටත් කිරීම සඳහා ඇති මාර්ගෝපදේශණ යාවත්කාලීන කිරිම.
 
 
05. ප්‍රතිකාර මධ්‍යස්ථාන වල ඇදන් ප්‍රමාණය, දැඩි සත්කාර ඒකක වල ඇදන් ප්‍රමාණය වැඩි කර ගැනිම සඳහා කෙටි කාලීන හා දීර්ඝ කාලීන පිලියම් හඳුනා ගැනිම.
 
 
06. සෞඛ්‍ය කාර්ය මණ්ඩලයට අවශ්‍ය පෞද්ගලික ආරක්ෂණ උපකරණ සහ ප්‍රමාණවත් ඔක්සිජන් ගබඩා තහවුරු කිරිම සහ කාර්යක්ෂම බෙදා හැරීමේ යාන්ත්‍රණයක් තහවුරු කිරිම.
 
 
07. දැනට වෛද්‍ය හිගයක් පවතින රෝහල් සඳහා ඉක්මනින් පත්වීම් බලාපොරොත්තුවෙන් සිටින වෛද්‍යවරුන් සඳහා පත්වීම් ලබා දීම.
 
 
08. කොවිඩ් වසංගතය පාලනය සඳහා මහජනතාවගේ සහයෝගය ලබා ගැනීමට පවතින අවදානම ජනතාවට නිවැරදිව සන්නිවේදනය කිරිම.
 
 
09. කොවිඩ් වසංගතය පාලනය සඳහා පනවා ඇති නිරෝධායන නීතීන් ඒ අයුරින් ක්‍රියාත්මක කිරිම මගින් රෝග පාලනය සඳහා අවශ්‍ය මහජනතාවගේ විනය තහවුරු කිරීම.
 
 
10. ලෝක සෞඛ්‍ය සංවිධානයේ අනුමැතිය සහිත කොවිඩ්  එන්නත් මෙරටට ගෙන්වීමේ ක්‍රියාවලිය කාර්යක්ෂම කිරීම.  
 
 
 

###############

 

 

THE LEADER TV 
 

 

සුදේවලා කිංස්ලා දාගත්ත කියලා ගොඩදාගන්න පුලුවන් වෙයිද 'ස' ?

 

ගැබිණි අම්මලාට වැඩි අවදානමක්! විශේෂඥයන්ගෙන් අනතුරු ඇඟවීමක්! 

 
logo

subscribeYT

subscribeYT

නවතම පුවත්