1200 x 80 DMirror
 
 

බන්ධනාගාර රැඳවියන් කොරෝනා වසංගතයෙන් බේරා ගැනීම සදහා සුදුසු පියවර ගන්නා ලෙස

සිරකරු අයිතිවාසිකම් වෙනුවෙන් පෙනී සිටින මෙරට ප්‍රමුඛතම සංවිධානයක් ශ්‍රී ලංකා මානව හිමිකම් කොමිෂන් සභාවෙන්  ඉල්ලා තිබේ.

කොමිසමේ සභාපති වෙත පැමිණිල්ලක් යොමු කරමින් 'සිරකරු අයිතිවාසිකම් සුරැකීමේ කමිටුව' පෙන්වා දී ඇත්තේ, මේ වන විට අඟුණකොලපැලැස්ස බන්ධනාගාරයේ කෝවිඩ් රෝගීන් හමුවීමත් සමග එම ආසාදිත රැඳවියන් සම්බන්ධයෙන් මෙන්ම එහි සිටින සෙසු රැඳවියන් සම්බන්ධයෙන්ද අනුගමනය කරන ක්‍රමවේදයන් සම්බන්ධයෙන් ගැටලු ගණනාවක් මතුව ඇති බවයි.
 
"මේ සම්බන්ධයෙන් අගුණකොලපැලැස්ස බන්ධනාගාර අධිකාරිගෙන් අප විමසීමේදී ඔහු සදහන් කළේ ආසාදිත රැදවියන් ඉන් ඉවත් කර ඇති බවත්, ඔවුන් ප්‍රතිකාර සදහා යොමු කර ඇති බවත්ය. කෙසේ වුවද ප්‍රතිකාර සදහා රැඳවියන් යොමු කර ඇත්තේ කුමන ස්ථානයකටද යන්න සම්බන්ධයෙන් පැහැදිලි කරුණු දැක්වීමක් ඔහු විසින් අප සිදු කළ විමසීමේදී කර නොමැත," යි සභාපති නීතීඥ සේනක පෙරේරා සහ ලේකම් සුදේශ් නන්දිමාල් සිල්වාගේ අත්සනින් යොමු කළ පැමිණිල්ලේ වැඩි දුරටත් සඳහන්ය.
  
මානව හිමිකම් ක්‍රියාධරයන් දෙදෙනා  අවධාරණය කරන්නේ මේ නිසා ආසාදිත රැඳවියන්ගේ ඥාතීන්ට තම සමීපතමයා පිළිබද තොරතුරු දැනගැනීමට නොහැකි වී ඇති බවයි.
 
එබැවින් බන්ධනාගාර රැදවියන් තුළ නොසන්සුන්තාවයක් වර්ධනය වෙමින් පවතින අතර එහි ප්‍රතිඵලයක් වශයෙන් තමන්ගේ ජීවිත රැක ගැනීම වෙනුවෙන් විරෝධතාවයකට යොමුවීමේ පසුබිමක් මේ වන විට අගුණුකොලපැලැස්ස බන්ධනාගාරය තුළ ඇති වී තිබෙන බවටත් ඔවුන් දෙදෙනො අනතුරු අඟවා තිබේ.
 
 Senaka Sudeshසිරකරු අයිතිවාසිකම් සුරැකීමේ කමිටුවේ සභාපති නීතීඥ සේනක පෙරේරා සහ ලේකම් සුදේශ් නන්දිමාල් සිල්වා සිය පැමිණිල්ල  මගින් ශ්‍රී ලංකා මානව හිමිකම් කොමිෂන් සභාවෙන් වැඩි දුරටත් ඉල්ලා ඇත්තේ, අඟුණකොලපැලැස්ස බන්ධනාගාරයට ගොස් සැබෑ තත්වය සොයා බලා සුදුසු පියවර ගන්නා ලෙසයි.
 
අඟුණුකොලපැලැස්ස බන්ධනාගාරයේ ක්ෂණික ඇන්ටිජන් පරීක්ෂාවෙන් හඳුනා ගත් 30කට ආසන්න කෝවිඩ් රෝගීන් වෙන්කොට තබා නිරෝධායනය ක්‍රියාවේ යොදවන ලෙස ඉල්ලා විරෝධතා පැවැත්වූ රැඳවියන්ට පහර දී ඇති බව JDS මැයි 4 අඟහරුවාදා සමාජ මාධ්‍ය ඔස්සේ හෙළි කර තිබුනි.
 
 
සිරකරු අයිතිවාසිකම් සුරැකීමේ කමිටුව පෙන්වා දෙන පරිදි මේ වන විට රැඳවියන් විසිපන්දහසකට අධික ප්‍රමාණයක් ශ්‍රී ලංකාවේ බන්ධනාගාර පද්ධතිය තුළ සිටි.
 
 
බන්ධනාගාර පද්ධතිය තුළ තිබෙන අධික තදබදයත්, ප්‍රමාණවත් සනීපාරක්ෂකපහසුකම් නොමැති වීම නිසාත් බාහිර සමාජයට වඩා කිහිප ගුණයකින් බන්ධනාගාර තුළ කොවිඩ් 19 ව්‍යාප්තවීමේ ඉහල සම්භාවිතාවක් පවති.
 
"බන්ධනාගාර තුළ පී.සී. ආර් පරීක්ෂණ නොකිරීම නිසා තත්වය තවත් භයානක අඩියකට වැටී ඇත.   " 
 
පසුගිය කාලයේ අනුරාධපුර බන්ධනාගාරයේ රැදවියන් තිදෙනෙක් මියගියේත්, මහර බන්ධනාගාරයේ රැදවියන් එකොලොස් දෙනෙක් ඝාතනය වුයේත් කොව්ඩ් 19 රෝගයෙන් තමන්ගේ ජීවිත බේරා දෙන ලෙසට විරෝධතා දැක්වීමට යාමේදී බව සිරකරු අයිතිවාසිකම් සුරැකීමේ කමිටුව සිය පැමිණිල්ල මගින් ශ්‍රී ලංකා මානව හිමිකම් කොමිෂන් සභාවට මතක් කර දී තිබේ.
 

 

 


 

THE LEADER TV 

අපේ රට හැම පැත්තෙන්ම පහතට යනවා ස‘- මේක කාන්තාව ගැන කතාවක්!

 

ශ්‍රී ලංකාව රතු කලාපයේ - මාධ්‍ය නිදහසට පොලිස් හිරිහැර රැල්ලක්! 

logo

subscribeYT

subscribeYT

නවතම පුවත්