1200 x 80 DMirror
 
 

දොළොස් වසරකට ඉහතදී යුද්ධයෙන් මියගිය දසදහස් සංඛ්‍යාත නෑසියන් සමරන්නට සැරසෙන උතුරු නැගෙනහිර දෙමළ ජනතාව සිරබත් කෑමේ අවදානමට මුහුණ පා සිටී.
 
 
හෙට දිනයට යෙදෙන මුල්ලිවයික්කාල් සමරුව පැවැත්වීම සඳහා නායකත්වය දෙන දෙමළ දේශපාලකයන්,  බිම් මට්ටමේ ක්‍රියාධරයන්, අතුරුදහන්වුවන්ගේ ඥාතීන් පමණක් නොව මාධ්‍යවේදීන්ටද එරෙහිව පොලිසිය තහනම් නියෝග ලබාගෙන තිබේ.
 
 ඒ සඳහා ‘බුද්ධි අංශ තොරතුරු’ පදනම් කොටගත් බව පොලිසිය අධිකරණයට පවසා තිබේ. 
 
මේ වනවිට අඩුම වශයෙන් 27 දෙනකුටවත් එරෙහිව තහංචි පැනවීම සඳහා පොලිසිය මහේස්ත්‍රාත්වරුන්ට පවසා ඇත්තේ “යුද්ධයෙන් මළවුන් සැමරීමේ මුවාවෙන්, උත්සාහ දරනු ලබන්නේ එල්ටීටීඊය නැවත ගොඩනැගීම’ බවයි.
  
අධිකරණ තහනම් නියෝග මැයි 18 දා උදෑසන 6 සිට රාත්‍රි 10 දක්වා බලපැවැත්වේ.
 
උතුරු නැගෙනහිර පුරා ව්‍යාප්ත වීමේ අවදානමක් ඇති මෙම තහංචි යොදාගනිමින් දෙමළ ක්‍රියාධාරීන් අත් අඩංගුවට ගැනීමේ සැලසුමක් ඇති බවටද බිය පලවෙමින් පවතින බව ප්‍රාදේශීය මාධ්‍යවේදීහු පවසති.
 
මුල්ලිවයික්කාල් සමරුවට ගෙනා දැවැන්ත ශෛලමය පුවරුවක් හමුදා පොලිස් මුරකාවල් තිබියදී අතුරුදහන් වූයේ මෙයින් දින කීපයකට පෙරාතුවය.
 
 Mulathuv Army
දොඹකර ආධාරයෙන් මුල්ලිවයික්කාල් අනුස්මරණ භූමියට ගෙනා දැවැන්ත ශෛලමය පුවරුව අතුරුදහන් 
 
  
පොලිසිය ලබාගත් එක් අධිකරණ නියෝගයකින් තහංචි පනවා තිබුනේ මඩකලපුවේ මාධ්‍යවේදී පුන්‍යමුර්ති සශිකරන් ට එරෙහිවය. එම නියෝගය වැරදි ආකාරයට ඔහු හඳුන්වා තිබුනේ ධීවර සංගම් නායකයකු ලෙසය.
 
එම නියෝගය භාර ගැනීම ප්‍රතිෂේප කරමින් මාධ්‍යවේදියා පොලිසියට කියා සිටියේ බුද්ධි අංශ ලබාදී ඇති තොරතුරු අසත්‍ය බවයි.
 
“මම මාධ්‍යවේදියෙක් විතරයි. මට ඔය අනුස්මරණය සමග කිසි සම්බන්ධයක් නෑ. මගේ රස්සාව සිද්ධ වෙන දේ වාර්තා කිරීම. ඒ නිසා මම ඔය උසාවි නියෝගය බාර ගන්නේ නෑ,” යි මාධ්‍යවේදී ශෂිකරන් පොලිස් නිලාධරියකුට පවසනු වීඩියෝ ගතවී තිබේ.
 
තමන්ට කරනු ලබන හිරිහැරය සම්බන්ධයෙන් ශ්‍රී ලංකා මානව හිමිකම් කොමිසමට පැමිණිලි කරන බවද ඔහු වැඩිදුරටත් පවසා සිටියේය.
 
මඩකලපු මාධ්‍යවේදීන්ගේ සංගමයේ ප්‍රධානියා හා අතුරුදහන්වුවන්ගේ ඥාති සංගමයේ ප්‍රධානියාට එරෙහිව මඩකලපු දිස්ත්‍රික් මහේස්ත්‍රාත් ආර් ජීවරාණි එම තහනම් නියෝගය නිකුත් කර තිබුණු අතර මුලතිව් දිස්ත්‍රික් මහේස්ත්‍රාත් ටී සරවනරාජාද පොලිසියේ ඉල්ලීම පරිදි තහනම් නියෝග පනවා තිබුණි.
  
තමන්ට එරෙහි තහනම් නියෝගය භාරගනිමින් හිටපු උතුරු පළාත් සභා මන්ත්‍රීවරයකු ආණ්ඩුව දෙමළ සහ සිංහල ජනතාවට විරුද්ධව නීතිය දෙයාකාරයකට යොදාගැනීම ප්‍රශ්න කර තිබුණි.
 
“පහුගිය දවස්වල කුරුන්තුර් වල හමුදාවටයි හාමුදුරුවරුන්ටයි උත්සව පවත්වන්න දීලා තිබුණු පොලිසිය ඇයි දෙමළ ජනතාවගේ මළවුන් සැමරීමට හරස් වෙන්නේ,” ය යන්න පොලිසියෙන් පිළිතුරු නොලද තුරෙයිරාසා රවිහරන්ගේ ප්‍රශ්නය විය.
 
පසුගිය පෙබරවාරියේ ද පොලිසිය ලබාගත් මෙවැනිම තහනම් නියෝග නොතකා දසදහස් සංඛ්‍යාත ජන සහභාගිත්වයකින් නැගෙනහිර සිට උතුර දක්වා සත්දින පාද යාත්‍රාවක් පවත්වන්නට දෙමළ හා මුස්ලිම් ජනතාව සමත් වූහ. 
 
පසුගිය අවුරුද්දේ මුල්ලිවයික්කාල් සමරුව වලක්වන්නටද පොලිසිය ලබාගත් උසාවි තහංචිවලට හැකි වූයේ නැත. 
 

 

 


 

 

 THE LEADER TV 

සරත් ෆොන්සේකා 2 : ශවේන්ද්‍රට එරෙහි කැපිල්ල ඇරඹේ!

 

බැසිල් රට යන්න කලින් ගෝඨා තියාගෙන මහින්දට කියපු කතාව!

 

logo

subscribeYT

subscribeYT

නවතම පුවත්