1200 x 80 DMirror
 
 

 ගර්භනී අවදියේ පසුවන සෞඛ්‍ය සේවිකාවන් කොරෝනාබාධිත වීම වළක්වා ගැනීමට පියවර නොගෙන ඔවුන්ගේ ජීවිත අනතුරේ හෙලීම සම්බන්ධයෙන් සෞඛ්‍ය බලධාරීන් දෝෂ දර්ශනයට ලක්වී තිබේ.
රාජ්‍ය සේවයේ නිරත ගර්භනී කාන්තාවන්ට වසංගත සමයේ සේවයට වාර්තා නොකර සිටීමට ලබා දුන් සහනය මේ දක්වා සෞඛ්‍ය කාර්ය මණ්ඩලයට ලබා දී නැති බවයි දිවයිනේ ප්‍රමුඛතම හෙද සංගමයක් පවසන්නේ.
 
රජයේ හෙද නිලධාරීන්ගේ සංගමයේ සභාපති හා එක්සත් ජාතික පක්ෂයේ හිටපු පාර්ලිමේන්තු මන්ත්‍රී සමන් රත්නප්‍රිය එම චෝදනාව කළේ සති අන්තයේදී  කොළඹදී පැවැත්වු මාධ්‍ය හමුවකදීය.
 
 
 
පසුගියදා අමාත්‍යවරුන් සමග පැවැති සාකච්ඡාවකදී ඒ සම්බන්ධයෙන් සාකච්ඡා කලද ගර්භනී තත්වයේ පසුවන සෞඛ්‍ය කාර්ය මණ්ඩලය සේවයට නොකැදවීමේ චක්‍රලේඛය මේ දක්වා නිකුත් වී නොමැති බව වෘත්තිය සමිති නායකයා එහිදී චෝදනා කළේය.
 
 
 
"සමහර සෞඛ්‍ය අමාත්‍යාංශයේ නිලධාරීන් මේක කරන්න අපහසුයි, නොයෙක් කතාන්දර කිය කියා ඉන්නවා. අද වෙන කොටත් ගර්භනී කාන්තාවන්ට අදාල චක්‍රලේඛය සෞඛ්‍ය ක්ෂේත්‍රයේ  නිකුත් වෙලා නෑ. "
 
ගර්භනී වෛද්‍යවරියන්, හෙදියන් මෙන්ම කනිෂ්ඨ සේවිකාවන්ද මේ වන තෙක් රෝහල් වල සේවයේ නිරතව සිටින බව ඔහු වැඩි දුරටත් සදහන් කළේය.
 
"ගර්භනී හෙද නිලධාරීන් රෝහල් වල සාමාන්‍ය විදිහට වැඩ කරනවා. ගර්භනී වෛද්‍ය නිලධාරීන් රෝහල් වල වැඩ කරනවා. ඊලගට ගර්භනී තත්වයට පත් වෙච්ච සෞඛ්‍ය කාර්ය මණ්ඩලය, කනිෂ්ඨ කාර්ය මණ්ඩලය ඇතුළු අනෙක් අය සාමාන්‍ය විදිහට වැඩ කරනවා. මේ ගොල්ලන්ට අනතුරක් තියනවා.   "
 
 
 
 
මේ වන විටත් ගර්භනී හෙද නිලධාරීන්ට කොරෝනා වෛරසය ආසාදනය වී ඇති බව පවසන  රජයේ හෙද නිලධාරීන්ගේ සංගමයේ සභාපති සමන් රත්නප්‍රිය එහිදී ප්‍රශ්න කළේ රාජ්‍ය සේවයට ලබා දුන් සහනය සෞඛ්‍ය සේවාවට ලබා දිය නොහැක්කේ ඇයිද යන්නයි.
 
 
රාජ්‍ය සේවා, පළාත් සභා හා පළාත් පාලන අමාත්‍යාංශයේ ලේකම් ජේ.ජේ.රත්නසිරිගේ අත්සනින් යුතුව මැයි 10 දා "රාජ්‍ය සේවය බාධාවකින් තොරව පවත්වාගෙන යාම  "තේමාවෙන් යුතුව නිකුත් කර තිබු චක්‍රලේඛයේ සදහන්ව තිබුනේ රජයේ ආයතන වෙත නිලධරයන් කැදවීමේදී ගර්භනී නිලධාරීනියන් සේවයට නොකැදවීමට පියවර ගත යුතු බවයි.
 
තෙවතාවක්ම රැල්ල නැගුනු වසංගතයට ගොදුරු වූවන්ට ප්‍රතිකාර කිරීමේ පෙරමුණේම සිටින සුව විරුවන්ට අවශ්‍ය පහසුකම් රැසක්  සැලසීමට රජය අපොහොසත් වී ඇති ආකාරයත් වෘත්තිය සමිති නායක සමන් රත්නප්‍රිය එම මාධ්‍ය හමුවේදී හෙළි කළේය.
 
 
 

 

 THE LEADER TV 

 

සරත් ෆොන්සේකා 2 : ශවේන්ද්‍රට එරෙහි කැපිල්ල ඇරඹේ!

 

බැසිල් රට යන්න කලින් ගෝඨා තියාගෙන මහින්දට කියපු කතාව!

 

subscribeYT

subscribeYT

නවතම පුවත්