1200 x 80 DMirror
 
 

 

මාරාන්තික වසංගතය පාලනය කිරීම සදහා මෙරටට ගෙන්වන ලද සීමිත එන්නත් ප්‍රමාණය සෞඛ්‍ය ක්‍රමවේදයන්ට හා ප්‍රමුඛතා අනුපිළිවෙලට පරිබාහිරව අයථා ලෙස බෙදා හැරීම පිළිබඳව විධිමත් විමර්ශනයක් සිදු කරන

 
ලෙස  වසංගත මර්දනයේ නිරත සුව විරුවන් පිරිසක් ජනාධිපතිවරයාගෙන් ඉල්ලා තිබේ.
 
වෛද්‍ය නිලධාරීන්ගේ පවුල් වලට පමණක් එන්නත් ලබා දීමට සෞඛ්‍ය අමාත්‍යාංශය කටයුතු කිරීම පිළිබඳව මැයි 24 දින සෞඛ්‍ය අමාත්‍යවරියගේ ප්‍රධානත්වයෙන්, සෞඛ්‍ය ලේකම්, සෞඛ්‍ය සේවා අධ්‍යක්ෂ ජනරාල් ඇතුළු සියළු සෞඛ්‍ය බලධාරීන්ගේ සහභාගීත්වයෙන් පැවැත්වූ සාකච්ඡාවේදී හෙලිදරව් වූ කරුණු පිළිබඳව ජනාධිපතිවරයාගේ  දැඩි අවධානය යොමු කරමින් එම ඉල්ලීම සිදු කර ඇත්තේ පරිපූරක වෛද්‍ය සේවා ඒකාබද්ධ බලමණ්ඩලය විසිනි.
 
එම බල මණ්ඩ‌යේ සභාපති රවි කුමුදේශ්ගේ අත්සනින් යුතුව වෙසක් පොහොය දිනයේ යොමු කර තිබෙන ලිපිය මගින් ජනාධිපතිවරයාට දැනුම් දී ඇත්තේ මැයි 24 දින බස්නාහිර පළාතේ නම් කරන ලද ස්ථාන 25 ක එන්නත් ලබා දීමේ ක්‍රියාවලියක් සිදු වුවද, ඊට අදාලව එන්නත් සැපයීම සඳහා නිශ්චිත තීන්දුවක් සෞඛ්‍ය අමාත්‍යාංශය විසින් ගනු නොලැබූ බව ප්‍රකාශ වී ඇති බවයි.
 
 
 
 
 
එසේම නම් කරන ලද ස්ථාන වලට අමතරව ශ්‍රී ලංකා ජාතික රෝහලෙහි 320 නිල නිවාසය හා වෛද්‍ය පර්යේෂණ ආයතනය ඇතුළු එන්නත් ලබා දීම සඳහා නිර්දේශ නොකරන ලද ස්ථාන ගණනාවකදීම සෞඛ්‍ය සේවාවට පරිබාහිර පුද්ගලයන් සඳහා එන්නත් ලබා දීමක් සිදුවී ඇති බවයි පරිපූරක වෛද්‍ය සේවා ඒකාබද්ධ බලමණ්ඩලය පවසන්නේ.
 
  
"තවද අදාල සාකච්ඡාවේදී සඳහන් වූ පරිදි එම එන්නත් ලබා දීම සිදුවී ඇත්තේ එන්නත් ලබා දීමේ ප්‍රමුඛතා ලැයිස්තුවෙහි සඳහන් නොවන එහෙත් ඇස්ට්‍රාසෙනිකා පළමු මාත්‍රාව ලබා ගත් කණ්ඩායමකටය."
 
ඒ අනූව එසේ එන්නත් ලබා දෙන ලද පුද්ගලයන්ගේ ඥාතීත්වය කුමක් වුවද ඔහු හෝ ඇය එන්නතෙහි පළමු මාත්‍රාව ලබා ගෙන ඇත්තේ ක්‍රියාත්මක වූ ප්‍රතිපත්තියට පිටතින් බව රවී කුමුදේශ් ජනාධිපතිවරයාට පෙන්වා දී තිබේ.
 
 
1123 SL lanka
 
 
දැනට පවතින කොවිඩ් වසංගත තත්වය හමුවේ මෙතෙක් තීරණ ගනු ලැබුවේ ද, ඉදිරියට තීරණ ගනු ලබන්නේ ද සෞඛ්‍ය සහ ඊට අදාළ විශේෂඥ කණ්ඩායම්වල උපදෙස් අනුව බවත් යම් කරුණක් වේ නම් ඒ පිළිබඳව සෘජුවම තමාට දැනුම් දෙන ලෙස ජනාධිපති ගෝඨාභය රාජපක්ෂ ඉහළ පෙලේ කෝවිඩ් මර්දන රැස්වීමකදී පවසා තිබුණි.
 
ජනාධිපතිට ලියන ලිපියෙන් සෞඛ්‍ය  වෘත්තියවේදියා අවධාරණය කරන්නේ කොව්ඩ් එන්නත, ශ්‍රී ලංකාවට  පමණක් නොව සමස්ත ලෝක වාසීන්ටම ඉල්ලුමේ ප්‍රමාණයට සපයා ගත නොහැකි සීමාන්තික පාරිභෝගික ද්‍රව්‍යයක් නිසාම එය ලබා දීමේදී මුදලට හෝ බලයට අදාල නොවන පරිදි වසංගතය පාලනය කිරීමේ අවශ්‍යතාවය පමණක් ප්‍රමුඛ කර ගනිමින් ප්‍රමුඛතා අනුපිළිවෙලක් සැකසෙන අතර ඊට මහජනතාව අනුගත වනු ලබන්නේද එහි ඇති සාධාරණ බව නිසා බවයි.
 
නමුත් ඊට අදාලව ශ්‍රී ලාංකීය සෞඛ්‍ය සේවාව තීරණය කරන ලද අනුපිළිවෙලට පටහැනිව යමින් බොහෝ අය බොහෝ තැන්වල එන්නත් භාවිතා කිරීම හේතුවෙන් සමස්ත  එන්නත්කරණ ක්‍රියාවලියම අවුල් සහගත එකක් බවට පරිවර්තනය වී ඇති බව පරිපූරක වෛද්‍ය සේවා ඒකාබද්ධ බලමණ්ඩලය ජනාධිපතිවරයාට දැනුම් දී තිබේ.
 
 
Ravi Kumudesh PCR Test
                                              රවී කුමුදේශ්
 
 
තත්ත්වය එසේ තිබියදී සෞඛ්‍ය අමාත්‍යාංශය විසින්ම පැනවූ එකී ප්‍රමුඛතා පිළිවෙලට පටහැනිව යමින් එන්නතේ පළමු මාත්‍රාව ලබා ගත් පිරීසක් සඳහා දෙවන මාත්‍රාව ලබා දීම සඳහා වසංගත පාලන ප්‍රතිපත්තියට අදාල නොවන ප්‍රමුඛතාවයක් ලබා දීම බරපතල වරදක් බව පරිපූරක වෛද්‍ය සේවා ඒකාබද්ධ බලමණ්ඩලයේ සභාපති රවී කුමුදේශ් අවධාරණය කරයි.
 
 
"තවද එන්නතක් නොව පැනඩෝල් පෙත්තක් පවා ලබා දීමේදී සෞඛ්‍ය අමාත්‍යාංශය විසින් එය මිළදීගත් ස්ථානයේ සිට රෝගියාට ලබා දෙන ස්ථානය දක්වා විධිමත් සංගණනයක් සිදු කෙරෙන ක්‍රමවේදයක් පැවතියදී, මේසා විශාල වටිනාකමක් ඇති එන්නත නිකුත් කරන ලද නිලධාරියා කවුරුන්ද? එන්නත්කරණය සිදු කළ නිලධාරියා කවුරුන්ද? එන්නත්කරණයට වගකියන සෞඛ්‍ය ආයතනය කුමක්ද? යන්න පිළිබඳව කිසිඳු සංගණනයක් නොමැති වීමත් එන්නත් ලබා ගත් පුද්ගලයන් කවුරුන්ද ඔවුන්ගේ තොරතුරු ලියාපදිංචි වී ඇත්තේ කිනම් ආයතනය යටතේද, එසේ එන්නත් ලබා දී ඇත්තේ නියමිත නිර්දේශය ලත් පුද්ගලයන් සඳහා පමණක්ද? වැනි කරුණු පිළිබඳව කිසිඳු සංගණනයක් නොමැත."
 
එනිසාම  රජයේ ඖෂධ  ගබඩා වලින් නිකුත් කරන ලද එන්නත් තොග අවම වශයෙන් කී දෙනෙකු සඳහා භාවිත කලේද යන්න පිලිබඳවත් නිශ්චිත පසු විපරමක් සිදු කල නොහැකි ආකාරයට එන්නත් අයාලේ යන තත්ත්වයකට එන්නත්කරණ ක්‍රියාවලිය පතිව ඇති බව අවබෝධ කර ගැනීම සඳහා ඉහත ක්‍රියාන්විතය ඉතා හොඳ සාක්ෂියක් බව වෘත්තියවේදියා ජනාධිපති ගෝඨාභය රාජපක්ෂට දැනුම් දී තිබේ.
 
"මෙම තත්වය අනූව රජයේ ගබඩා වලින් නිකුත් වන එන්නත මුදලට විකිණීම, වරප්‍රසාද හා වරදාන වලට ලබා දීම, දූෂණයට නාස්තියට සහ අක්‍රමිකතාවයට ලක් වීම, නොවැලැක්වියහැකි බව පැහැදිලිය. තවද, වසංගතය හේතුවෙන් සෞඛ්‍ය සේවාවට පැවරී අති බලතල භාවිත කරමින් තමන්ගේ හැන්දෙන් තමන්ට රිසිසේ බෙදා ගැනීම සඳහා සෞඛ්‍ය සේවාව කටයුතු කර ඇති බවත් පැහැදිලිය."
 
 
 
 187483284 4519147351441931 2276975658032856470 n
                                     සමාජ මාධ්‍ය පොස්ටුවකි
 
එය සෞඛ්‍ය අමාත්‍යාංශයේ තීරණයකට අනූව සිදු නොවූයේ නම් තත්ත්වය වඩාත් බරපතල බව පවසන රවී කුමුදේශ් අවධාරණය කරන්නේ තමන්ගේ ප්‍රමුඛතා අනුපිළිවෙල සෞඛ්‍ය අමාත්‍යාංශය විසින් තීරණය කර එන්නත ලබාදෙන තුරු රටේ ඉදිරි පෙල සේවාවන් ආවරණය කරන බොහෝ පිරිස් බලා සිටින අතරතුරදී, තමන්ගේ  පවුල් වලට එන්නත් ලබා දීම අන් සියල්ලට වඩා ප්‍රමුඛ කාර්යයක් ලෙස සලකනු ලැබුවේ කිනම් විද්‍යාත්මක පදනමක් තුලද යන්න රටේ මහජනතාවට පැහැදිලි විය යුතු බවයි.
 
මෙම  තත්ත්වය සැළකිල්ලට ගෙන එන්නත්කරණ ක්‍රියාවලිය විධිමත් කිරීම සඳහාත්, ප්‍රමුඛතා අනුපිළිවෙල විද්‍යාත්මකව තීරණය කිරීම සඳහාත්, අනෙකුත් සියළු ඖෂධ සේම එන්නතද අක්‍රමිකතාවයට හසු නොවන ලෙස හා නිවැරදි සංගණනයන්ට ලක් වන පරිදි සිදු කිරීම සඳහාත්, මෙකී තත්වය පිළිබඳව විධිමත් විමර්ශනයක් සිදු කරන ලෙස  පරිපූරක වෛද්‍ය සේවා ඒකාබද්ධ බලමණ්ඩලය ජනාධිපති ගෝඨාභය රාජපක්ෂගෙන් ලිඛිතවම  ඉල්ලා තිබේ.
 
 
 
 

THE LEADER TV 
 

බෙලෝරුසියන් මාධ්‍යවේදියා පැහැරගැනීම රාජපක්ෂ මිතුරෙකුගේ වැඩක්...

 

හොර පාරේ පොහොට්ටුවට එන්නත් ගිය හැටි මෙන්න තොරතුරු එළියට...

 

subscribeYT

subscribeYT

නවතම පුවත්