පොලිස්පති සී.ඩී වික්‍රමරත්න
 
පසුගිය සතියේ පොලිස් අත්අඩංගුවේදී පුද්ගලයන් දෙදෙනෙකු මිය යෑම සම්බන්ධයෙන් ශ්‍රී ලංකා මානව හිමිකම් කොමිෂන් සභාව විමර්ශන ආරම්භ කර තිබේ.
 
පොලිස්පති සී.ඩී වික්‍රමරත්න වෙත ලිපියක් යොමු කරමින් ශ්‍රී ලංකා මානව හිමිකම් කොමිෂන් සභාවේ සභාපතිවරයා දැනුම් දී ඇත්තේ ජුනි 3 දින චන්ද්‍රන් විදුෂන් යන අය මඩකලපුව මුලස්ථාන පොලිස් භාරයේ සිටියදී හා ජුනි 6 දින මොහොමඩ් අලි ඛාන් යන අය පානදුර උතුර පොලිස්  භාරයේ සිටියදී මිය ගිය බවට මධ්‍ය විසින් වාර්තා කරන ලද සිදුවීම් ශ්‍රී ලංකා මානව හිමිකම් කොමිෂන් සභාවේ දැඩි අවධානයට ලක් වු බවයි.
 
"මෙහිදී අදාල පුද්ගලයන් දෙදෙනා පොලිස් භාරයේ සිටියදී මිය යාම මෙන්ම අත්අඩංගුවේදී කෲර අමානුෂික හා අවමන් සහගත සැලකිල්ලකට ලක් වී ඇති බවටද වැඩිදුරටත් කරුණු අනාවරණය වී ඇත."        
 
 
Jagath Balasuriya 
ආචාර්ය ජගත් බාලසුරිය 
 
ශ්‍රී ලංකා මානව හිමිකම් කොමිෂන් සභාවේ සභාපති ආචාර්ය ජගත් බාලසුරිය පොලිස්පතිවරයාට වැඩි දුරටත් දැනුම් දී ඇත්තේ පසුගිය දින කිහිපයක් තුළ පොලිස් භාරයේ සිටින පුද්ගලයන්ගේ ආරක්ෂාව පිළිබදව ගැටලු පැන නැගී ඇති බව කොමිෂන් සභාව විසින් නිරීක්ෂණය කර ඇති බවයි.
 
 
පොලිස් භාරයේ සිටින පුද්ගලයන්ගේ ආරක්ෂාව පිළිබදව දිගින් දිගටම මෙවැනි සිදුවීම් වාර්තා වීම පුරවැසියන්ගේ පුද්ගල නිදහසට තර්ජනයක් මෙන්ම රට තුළ මහජන ආරක්ෂාවේ බිදවැටීමක් ද නිරීක්ෂණය වන බව ශ්‍රී ලංකා මානව හිමිකම් කොමිෂන් සභාව පවසයි.
 
 
"එබැවින් ප්‍රශස්ථ ප්‍රජාතන්ත්‍රවාදී සමාජ ක්‍රමයක් තුළ මෙවැනි සිදුවීම් දිගින් දිගටම වාර්තාවීම නීතියේ ආධිපත්‍ය කෙරෙහි ජනතාවගේ පවතින විශ්වාසය බිද වැටීමක්ද පෙන්නුම් කරන බව ශ්‍රී ලංකා මානව හිමිකම් කොමිෂන් සභාවේ අදහස වේ.  "
 
එබැවින් මීට ඉහතදී ලිපි මගින් දැන්වු වාර්තා වලට අමතරව මෙවැනි තත්වයන් නැවත සිදුවීම වැලැක්වී සදහා ගන්නා ලද ක්‍රියාමාර්ග පිළිබදව ජුනි 13 දිනට පෙර ශ්‍රී ලංංකා මානව හිමිකම් කොමිෂන් සභාව දැනුවත් කිරීමට පියවර ගන්නා ලෙස ආචාර්ය ජගත් බාලසුරිය පොලිස්පතිවරයාට දැනුම් දී තිබේ.
 
 
පොලිස් අත්අඩංගුවේ දී ඝාතන හතරක් !
 
 
ශ්‍රී ලංකා මානව හිමිකම් කොමිෂන් සභාව පසුගිය වසරේ නිවේදනය කර තිබුනේ 2020 ජුනි මස සිට ඔක්තෝබර් 20 දක්වා කාලය තුළ පොලිස් අත්අඩංගුවේ මරණ අටක් වාර්තා වී ඇති බවයි.
 
පොලිස් අත්අඩංගුවේ සිටියදී සිදුවු ඝාතන හතරක් මේ වසර තුලදී වාර්තා වී තිබේ.
 
පොලිස් වධහිංසාවලින් පුද්ගලයන් මිය යාමේ රැල්ල නැවැත්වීමට වහා පියවර ගන්නැයි පොලිස්පතිවරයාගෙන් ඉල්ලා සිටින 'සිරකරු අයිතිවාසිකම් සුරැකීමේ කමිටුව' ඒ සදහා මැදිහත් වන්නැයි වධහිංසාවට සහ වෙනස් කෲර අමානුෂික සැලකිලි සහ දඬුවම් සම්බන්ධයෙන් කටයුතු කරන එක්සත් ජාතීන්ගේ විශේෂ නියෝජිතවරයාගෙන්ද පසුගියදා ඉල්ලා තිබුනි.
 
  
සබැඳි පුවත් :
 
 
 
##########
THE LEADER TV 
 

 

වෙන්න ජනාධිපති නාමල් - අගමැති විමල් ?

 

 

 

"ස" ගේ මනාපය මන්ත්‍රී රතනට !

worky sin

Follow Us

Image
Image
Image
Image
Image
Image

නවතම පුවත්