ශ්‍රී ලංකා පොදුජන පෙරමුණේ ජාතික සංවිධායක හිටපු අමාත්‍ය බැසිල් රාජපක්ෂට පාර්ලිමේන්තු මන්ත්‍රීවරයකු ලෙස දිවුරුම් දීම සඳහා ඉල්ලා අස්වීමට
නියමිතව ඇත්තේ, ජාතික ලැයිස්තු මන්ත්‍රී මොහොමඩ් ෆලීල් මර්ජාන් බව ආණ්ඩුවේ අභ්‍යන්තර ආරංචිමාර්ග පවසයි.
ආණ්ඩුවේ ජ්‍යෙෂ්ඨ අමාත්‍යවරයකු 'ද ලීඩර්' වෙත පැවසුයේ, බැසිල් රාජපක්ෂට පාර්ලිමේන්තු මන්ත්‍රීවරයකු ලෙස පත්වීම සඳහා ශ්‍රී ලංකා පොදුජන පෙරමුණ ජාතික ලැයිස්තු මන්ත්‍රී ව්‍යාපාරික මොහොමඩ් ෆලීල් මර්ජාන් කැමැත්ත පළකර ඇති බවයි.
බිලියන ව්‍යාපාරිකයකු වන මොහොමඩ් ෆලීල් මර්ජාන් අගමැති මහින්ද රාජපක්ෂගේ සමීපතම හිතවතෙකු වන අතර ඔහුට ජාතික ලැයිස්තු මන්ත්‍රීකම පිරිනමා ඇත්තේ කාලගුණ සැලකීමක් ලෙසය.
බැසිල් රාජපක්ෂ වෙත පාර්ලිමේන්තුවට පැමිණීම සඳහා බොහෝ කාලයකට සිට තමන්ට උදව් උපකාර කළ මුස්ලිම් ජාතිකයා ඉල්ලා අස්කර ගැනීමට අගමැතිවරයා මුලදී අකමැත්තක් පළකර ඇතත්, පාර්ලිමේන්තු කටයුතු වලදී ඔහුගේ දායකත්ව අවම තත්ත්වයක පවතින බව පැහැදිලි කිරීමටත් සමග අගමැතිවරයා ඊට එකඟත්වය පළකර ඇතැයි වාර්තාවේ.
හිටපු අමාත්‍ය බැසිල් රාජපක්ෂ පාර්ලිමේන්තු ජුලි 08 දා මන්ත්‍රීවරයකු ලෙස දිවුරුම් දීමට නියමිත අතර ඔහු එදිනම ආර්ථික කටයුතු බාර ඇමතිවරයා ලෙස දිව්රුම් දීමට නියමිත ය.
අගමැති මහින්ද රාජපක්ෂ හා අමාත්‍ය චමල් රාජපක්ෂ යටතේ පවතින විෂයන් හා ආයතන ගනනාවක් බැසිල් රාජපක්ෂ වෙත පැවරීමට නියමිතව ඇතැයි ද ආණ්ඩුවේ අභ්‍යන්තර ආරංචිමාර්ග පවසයි.
බැසිල් රාජපක්ෂ අමාත්‍ය ධුරයේ වැඩ බාරගැනීමෙන් පැය 24ක් ඇතුලත දී ඉන්දන මිල යලි පහත දැමීමට කටයුතු කරන බව ශ්‍රී ලංකා පොදුජන පෙරමුණේ පක්ෂයේ ප්‍රධානියකු පැවසිය.
##########
THE LEADER TV
ජනතාවට ඇත්ත කිව්වොත් බලාගෙනයි චීනා තගදායි
ශවේන්ද්‍ර, විරසක රාජපක්ෂලා එකතු කළ හැටි !
