1200 x 80 DMirror
 
 

 මාරාන්තික වසංගතය හේතුවෙන් ආර්ථික අපහසුතාවයට පත්ව සිටින ජනතාවට  රජය විසින් තව දුරටත් සිදු කරන බර පැටවීම  නතරකරන ලෙස බල කරමින්  උතුරේදී විරෝධතාවයක් දියත් කර තිබේ.
යාපනය සන්දිලිපායි ප්‍රාදේශිය ලේකම් කාර්යාලය ඉදිරිපිටින් ජුනි 29 අගහරුවාදා උදෑසන පා පැදි වල නැගගත් විරෝධතාකරුවන් යාපනය වලිකාමම් නිරිතදිග ප්‍රාදේශිය සභාව ඉදිරිපිට පැමිණ උද්ඝෝෂණය දියත් කළ බව පළාත් බද වාර්තාකරුවෝ පවසති.
 
රජය විසින් ඉන්ධන මිල ඉහළ දැමීම හේතුවෙන් තමන් දැඩි අපහසුතාවයට පත්ව සිටින බව පෙන්වා දෙන විරෝධතාකරුවන් ඉල්ලා ඇත්තේ වහාම ඉන්ධන මිළ පහත හෙළන ලෙසයි.
 
රට තුළ මතුවී තිබෙන පොහොර නොමැතිවීම හේතුවෙන් තම වගා විනාශවන බව පවසන ඔවුන් තව දුරටත් රජයට බල කර ඇත්තේ පොහොර හිඟයට වහා විසදුම් ලබා දෙන ලෙසයි.
 
ජනාධිපති ගෝඨාභය රාජපක්ෂ ජුනි 25 වැනිදා ජාතිය ඇමතීමෙන් පසු  යාපනයේ දියත් වු පළමු ජනතා උද්ඝෝෂණය මෙය බවයි පළාත් බද වාර්තාකරුවන් පවසන්නේ.
 
 
 
ea3115bd 64b3 469b bb4e fb27ce281bd3
 
 
වසර ගණනාවක් තිස්සේ ශ්‍රී ලංකාවේ ආරක්ෂක අංශ වාඩිලා  සිටින දෙමළ ජනයාට අයත් ඉඩම් වහාම නිදහස් කරන ලෙසත් උද්ඝෝෂකයන් රජයට බල කර තිබේ.
 
 
 
කිලිනොච්චි වාසී දෙමළ ජාතික සන්ධානයේ (TNA) පාර්ලිමේන්තු මන්ත්‍රී සිවඥානම් ශ්‍රීධරන් පෙබරවාරී මාසයේදී මාධ්‍ය වෙත පවසා තිබුනේ  ත්‍රිවිධ හමුදාව අත්පත් කරගෙන සිටින අක්කර 8000 කට වැඩි භූමි ප්‍රමාණයක් ඒවායේ  නිසි අයිතිකරුවන්ට ආපසු භාර දී නොමැති බවයි.
 
වගා කළ හැකි ඉඩම් අක්කර දහස් ගණනක තවමත් හමුදාව වාඩිලා ගෙන සිටින අතර, එමඟින් දහස් ගණනක් දෙමළ ජනයාගේ ජීවනෝපාය අහිමි කර ඇති බවත් ඔහු එහිදී වැඩි  දුරටත් පවසා තිබුනි.
 
පෙර පැවැති මෛත්‍රී-රනිල් ආණ්ඩුව නිවේදනය කර තිබුනේ සැලකිය යුතු ඉඩම් ප්‍රමාණයක් ඉඩම් හිමියන්ට ආපසු ලබා දී ඇති බවයි.
 
 
 
මිලිටරි ඉඩම් කොල්ලය හේතුවෙන් ඉඩම් අහිමි වූ දෙමළ ජනයා චෝදනා කරන්නේ  අල්ලා ගත් ඉඩම් ආපසු ලබා දීම සම්බන්ධයෙන් අනුප්‍රාප්තික ආණ්ඩු කිසිවක් අවංකව ක්‍රියා කර නොමැති බවයි.
දේශපාලන සිරකරුවන් :
 
 
 
IMG 20210629 WA0022 
 
සියලුම දේශපාලන සිරකරුවන් නිදහස් කරන ලෙසත් යාපනයේ විරෝධතාකරුවන් අද  ඉල්ලා සිටි බව පලාත් බද වාර්තාකරුවෝ පවසති.
 
පොසොන් පොහොය දිනය නිමිති කරගෙන ජනාධිපති විශේෂ සමාව ය‍ටතේ ත්‍රස්තවාදය වැලැක්විමේ පනත යටතේ දීර්ඝ කාලයක්  රඳවාගෙන සිට LTTE සැකකරුවන් 16 දෙනකු නිදහස් කර තිබුනි.
 
බන්ධනාගාර ප්‍රකාශක චන්දන ඒකනායක මාධ්‍යවේදීන්ට පවසා තිබුනේ ඔවුන් දඬුවම් ලබා ලබන අවුරුද්දේ නිදහස් වී යාමට නියමිතව සිටි  සැකකරුවන් 16 දෙනකු බවයි.
 
යාපනය වලිකාමම් ප්‍රාදේශිය  සභාව ඉදිරිපිට උතුරේ ජනයා අද දියත් කළ උද්ඝෝෂණයට එක්සත් ජාතික පක්ෂය, දෙමළ ජාතික සන්ධානය, දෙමළ විමුක්ති පක්ෂය, සමස්ත ලංකා දෙමළ කොංග්‍රසයේද සහාය හිමිවි තිබු බව උතුරේ වාර්තාකරුවෝ වැඩි දුරටත් පවසති.
 
දෙමළ ජනතා නියෝජිතයන් කිහිප දෙනකුද මෙම විරෝධතාවයට එක්ව තිබේ.
 
 

##########
THE LEADER TV 
ස'ටත් කොළේ වහපු ඩො.මි. 130ක ටෙන්ඩර් මගඩියක්! 
 
 

නිලීකා මලවිගේ එන්නත් කමිටුවෙන් අස්වුණේ චීන සයිනොවැක් නිසාද?
 
 

subscribeYT

subscribeYT

නවතම පුවත්