1200 x 80 DMirror
 
 

වසංගතය හමුවේ පාසල් දරුවන්ගේ අධ්‍යාපනය අඛණ්ඩව පවත්වාගෙන යාම වෙනුවෙන් නිසි වැඩ පිළිවෙලක් සකස් කර නොමැති බවට රජයට දිගින් දිගටම චෝදනා එල්ල වෙමින් පවතී.
 
"කෝවිඩ් 19 වසංගත තත්වය තුළ පාසල් දරුවන්ට අඛණ්ඩව අධ්‍යාපනය ලබාදීම සඳහා විධිමත් වැඩපිළිවෙලක් ක්‍රියාත්මක කිරීමට අධ්‍යාපන අමාත්‍යංශය අපොහොසත් වීම තුළ පැහැදිලි වන්නේ පාසල් අධ්‍යාපනය පවත්වාගෙන යාම සම්බන්ධයෙන් පැහැදිලි වුවමනාවක් රජයටද නොමැති බවයි."
 
 'පොදු දේපල හා මානව හිමිකම් සුරැකීමේ මධ්‍යස්ථානය' චෝදනා කරන්නේ වසංගත තත්වය හේතුවෙන් පාසල් වසා දමා වසරකුත් මාස තුනකට  වැඩි කාලයක් තිස්සේ පාසල් දරුවන්ගේ අධ්‍යාපනය අහිමි වී ඇතත්, ගුරුවරු මෙන්ම දෙමාපියන්ද තම මුදල් වියදම් කරමින් ස්වෙච්ඡාවෙන් සිදුකරන මාර්ගගත  අධ්‍යාපනය හැරෙන්නට පාසල් අධ්‍යාපනය අඛණ්ඩව පවත්වාගෙන යාම වෙනුවෙන් අධ්‍යාපන අමාත්‍යංශය විසින් විධිමත් වැඩපිලිවෙලක් මේ වනතුරු සකස් කර නොමැති බවයි.
 
මෙරට පරිගණක සාක්ෂරතාවය 33.3% පමණ වන අතර ඩිජිටල් සාක්ෂරතාවය මුළු ජනගහණයෙන් 46% ක් පමණ වේ. මේ තත්වය තුළ ලක්ෂ 43 ක් පමණ වන දරුවන්ගෙන් 60% කට පමණ මේ වනවිට මුළුමනින්ම අධ්‍යාපනය අහිමි වී ඇත.
 
 
"අධ්‍යාපන ලේකම්වරයා ප්‍රකාශ කරන ආකාරයට අන්තර්ජාල ආවරණ නොමැති ප්‍රදේශවල පාසල් 3000 ක් පමණ පිහිටා ඇත."
 
 එසේම මෙරට අතිවිශාල පිරිසක් දරිද්‍රතාවයෙන් යුතුව ජීවත්වන අතර ඔවුන්ගේ දරුවන්ට මාර්ගගත අධ්‍යාපනයට අවශ්‍ය පරිගණක ඇතුලූ උපාංග ලබාගැනීමට නොහැකිවීමෙන් දැඩි පීඩනයකට ලක්ව ඇති බවත්, සම අධ්‍යාපන අවස්ථා බරපතල ලෙස අහිමිව ඇති බවත්  නිවේදනයක් නිකුත් කරමින්  පොදු දේපල හා මානව හිමිකම් සුරැකීමේ මධ්‍යස්ථානය පෙන්වා දෙයි.
 
 එක්සත් ජාතීන්ගේ ළමා ප්‍රඥප්තිය මගින්ද සම අධ්‍යාපන අවස්ථා පිළිගෙන ඇති අතර, එම අවස්ථාවන් ලබාදීම රජයේ වගකීම වන්නා සේම ශ්‍රී ලංකා ආණ්ඩුක්‍රම ව්‍යාවස්ථාව අනුව අධ්‍යාපනය ලැබීම මූලික අයිතිවාසිකමක් බව පොදු දේපල හා මානව හිමිකම් සුරැකීමේ මධ්‍යස්ථානයේ සම කැඳවුම්කරුවන් වන රන්ජන් සේනානායක, සිල්වෙස්ටර් ජයකොඩි හා මෙහෙයුම් කමිටු සාමාජික ජෝසප් ස්ටාලින් ගේ අතිසනින් යුතුව ජුලි 6 අගහරුවාදා  නිකුත් කළ නිවේදනයක් මගින් පෙන්වා දී තිබේ.
 
"එසේ තිබියදී මේ ආකාරයෙන් පාසල් දරුවන්ට දීර්ඝ කාලයක් තිස්සේ අධ්‍යාපන අවස්ථා අහිමිවීම සම්බන්ධයෙන් විකල්ප ක්‍රියාමාර්ග හඳුන්වාදීමට බලධාරීන්ට මේ වනතුරුද නොහැකි වී ඇත."
 
 පසුගිය දිනෙක ජනාධිපතිවරයා ජාතිය ඇමතූ අවස්ථාවේදී මෙරට වැඩ කරන ජනතාව කඩා වැටී ඇති අධ්‍යාපනය පවත්වාගෙන යාම වෙනුවෙන් වැඩපිළිවෙලක් ඉදිරිපත් කරනු ඇති බවට බලාපොරොත්තු වු නමුත් එය ඉටු නොවු බවටත් වෘත්තිය සමිති නායකයෝ චෝදනා කරති.
 
 
ජනපතිගේ “ෆයිබ ඔප්ටික්”
 
 
image 66d89092eb 
සිසු දරුවන් අන්තර්ජාල පහසුකම් සෙවීමට ගස්, ගල් හා වහල මත නගිමින් බරපතල පීඩාවක
 
 
"එහෙත් ජනාධිපතිවරයා පැවසූයේ පාසල් දස දහසකට ‘‘ෆයිබඔප්ටික්’’ තාක්ෂණය ලබාදී ඇති බවයි."
 
ජ්‍යෙෂ්ඨ වෘත්තිය සමිති නායකයන් තව දුරටත් පෙන්වා දෙන්නේ, ජනාධිපතිවරයා එසේ පැවසුවද මෙරට වැඩ කරන පන්තිය නියෝජනය කරන අයගේ දරුවන් පවා දිනපතා අන්තර්ජාල පහසුකම් සෙවීමට ගස්, ගල් හා වහල මත නගිමින් බරපතල පීඩාවකට පත්වන බවයි.
 
 "මාර්ගගත අධ්‍යාපනය තුළ මෙරට වැඩකරන ජනතාව බරපතල පීඩාවකට පත්ව ඇත්තේ අවශ්‍ය පරිගණක උපාංග හා අන්තර්ජාල සබඳතා සඳහා අධික මිලක් ගෙවීමට සිදුවීමෙනි. "
 
 මාධ්‍යවල පළවන තොරතුරුවලට අනුව අධ්‍යාපන අමාත්‍යංශය පාසල් අධ්‍යාපනය පවත්වාගෙන යාමට කටයුතු කරන්නේ වසරකටත් වඩා වැඩි කාලයක් අධ්‍යාපනය අහිමි වූ පසුවයි.
 
විශේෂයෙන් මුල් ළමාවිය සංවර්ධනය සහ ප්‍රාථමික අධ්‍යාපනය සම්බන්ධයෙන් රජය මිට වඩා සැලකිලිමත් විය යුත්තේ ඒ මත දරුවන්ගේ මෙන්ම රටේ අනාගතයද රඳා පවතින බැවින් යැයි පොදු දේපල හා මානව හිමිකම් සුරැකීමේ මධ්‍යස්ථානය බලධාරීන්ට අවධාරණය කරයි.
 
 
 
##########
THE LEADER TV 
බාලවයස්කාර දැරියක් මිලට ගත් ලුතිනන් කමාන්ඩර් ! 
 
 
බැඳුම්කර අරක්කු බ්ලොක් කලේ අධිකරණය හරහා නිත්‍යානුකුල කරන්නද ?
 
logo

subscribeYT

subscribeYT

නවතම පුවත්