1200 x 80 DMirror
 
 

 
රටේ හමුදා පරිපාලනය බලවත් වෙමින් සිදුකරනු ලබන මානව හිමිකම් උල්ලංඝන උත්සන්න වී පවත්නා අනතුරුදායක තත්වයෙන් ශ්‍රී ලංකාව ගලවා ගැනීම සඳහා මැදිහත් වන ලෙස එක්සත් ජාතීන් වෙත රට තුලින්ම
ඉල්ලීමක් ඉදිරිපත් වී තිබේ.
 
අධ්‍යාපනය හමුදාකරණයට එරෙහිව අගනුවර උද්ඝෝෂණය කළ ජෝසප් ස්ටාලින් ඇතුළු ක්‍රියාධාරීන් පිරිසක් බලහත්කාරයෙන් රඳවා තබා ගැනීම සමග මර්දනකාරී තත්වය තීව්‍ර වී ඇති බවට අනතුරු අඟවමින්  මානව හිමිකම් පිළිබඳ එක්සත් ජාතීන්ගේ මහ කොමසාරිස් වරියගෙන් එම ඉල්ලීම කර ඇත්තේ ලංකා ගුරු සංගමයයි.
 
“පැමිණිල්ලෙන් අපි ඉල්ලා සිටියේ මෙරටේ  මිනිසුන්ගේ ප්‍රජාතන්ත්‍රවාදී අයිතියක් වන භාෂණයේ නිදහස ඒවගේම එක්රැස් වීම, ඒවගේම සංවිධානය සහ සාමකාමී උද්ඝෝෂණ පැවැත්වීමේ අයිතිය තහවුරු කරන්න, ඒ සඳහා මැදිහත් වෙන්න කියලා තමයි අපි එක්සත් ජාතීන්ගේ මානව හිමිකම් කොමසාරිස් තුමියගෙන් ඉල්ලා සිටියේ,” යි ලංකා ගුරු සංගමයේ සභාපති ප්‍රියන්ත ප්‍රනාන්දු මාධ්‍යවේදීන්ට කියා සිටියේ තම ඉල්ලීම රැගත් සන්දේශයක් කොළඹ එක්සත් ජාතීන්ගේ කාර්යාලයට භාර දීමෙන් අනතුරුවය.
 
 
 
206333115 3646291618805143 3304007284602247269 n
 
 
අධ්‍යාපනය හමුදාකරණයට එරෙහිව කොළඹදී කළ උද්ඝෝෂණයකින් අනතුරුව උසාවිය විසින් ඇප මත නිදහස් කරනු ලැබීමෙන් අනතුරුව පොලිසිය විසින් බලහත්කාරයෙන් ගෙන යනු ලැබූ කාන්තාවන් ඇතුළු ක්‍රියාධාරීන් පිරිසක් දැනට මුලතිව් දිස්ත්‍රික්කයේ ගුවන් හමුදා කඳවුරක රඳවා ගෙන සිටී.
 
ජෝසප් ස්ටාලින්ට එරෙහිව ආණ්ඩුව ගෙන ඇති ක්‍රියාමාර්ගය යුරෝපා සංගමයේ GSP+ බදු සහනය අහිමිවී යාමට හේතුවනු ඇති බවට හිටපු අගමැති රනිල් වික්‍රමසිංහ පාර්ලිමේන්තුවේ දී අනතුරු අඟවා තිබුණි.
 
 
 
දෙවැනි රාජපක්ෂ ආණ්ඩුව බලයට පත්වූ විගස කෝවිඩ් මර්දනය මුවාවෙන් රටේ සිවිල් පරිපාලනය හමුදා අධිකාරිය සහ පාර්ලිමේන්තුවේ බලාධිකාරියට අවනත නොවන කාර්ය සාධක බලකා යටතට පත් කර තිබීම ගැන එක්සත් ජාතීන්ට භාරදෙනු ලැබූ සංදේශයෙන් බිය පළකර ඇත.
 
 
 
“යුද හමුදාවේ නායකත්වය යටතේ පවතින කෝවිඩ් 19 ප්‍රතිචාරය සහ කළමනාකරණය විසින් දෙවැනි සහ තුන්වැනි කෝවිඩ් රැල්ල දුර්වල ලෙස කළමනාකරණය කරමින් ගන්නා ලද මතබේදයට තුඩු දෙන තීන්දු වල ප්‍රතිපලය වූයේ කොවිඩ් ආසාදිත මුස්ලිම්වරුන්ගේ මළ සිරුරු කැමැත්තකින් තොරව භුමදානය කිරීම ඇතුළු ශ්‍රී ලංකාවේ සුළුතර ප්‍රජාවන්ගේත්, මානව හිමිකම් රක්ෂකයන්ගේත් මානව හිමිකම් උල්ලංඝනය වීමයි,” යනුවෙන් ප්‍රියන්ත ප්‍රනාන්දු සහ උප සභාපතිනි රසිකා හඳපාන්ගොඩගේ අත්සනින් භාර දෙන ලද සංදේශයේ සඳහන් වේ.
 
 
 
204213914 3646292048805100 8080245603569723445 n
             සාමකාමී විරෝධතා කරුවන්ට එරෙහිව මෑතක සිට පමණ ඉක්මවා බලය යෙදීමක්  
 
  
පොලිසිය සමග රාජකාරි සඳහා යුද හමුදා භට පිරිස් වැඩියෙන් යොදවා තිබීම සහ සාමකාමී විරෝධතා කරුවන්ට එරෙහිව මෑතක සිට පමණ ඉක්මවා බලය යෙදීම ගැන ද ලංකා ගුරු සංගමය බිය පළකර තිබේ.
 
“විරුද්ධ මත දැරීමට දේශීය වශයෙන් තිබෙන අවකාශය ඇකිලී යාම සැලකිල්ලට ගත් කල, ශ්‍රී ලංකාවේ මානව හිමිකම් සම්බන්ධයෙන් ආණ්ඩුව සහ වෙනත් රාජ්‍ය සමග විවෘත සංවාදයකට එළැඹීම සඳහා සිවිල් සමාජයට ඇති එකම වේදිකාව ජාත්‍යන්තර සංවිධාන සහ විදේශ දූත මණ්ඩල බව ලංකා ගුරු සංගමයේ විශ්වාසයයි. ශ්‍රී ලංකාවේ මානව හිමිකම් තත්වය පිළිබඳව ජාත්‍යන්තර ප්‍රජාව සමග කතා කරන ශ්‍රී ලංකාවේ සිවිල් සමාජ ක්‍රියාකාරීන්ට එරෙහිව ඇති භයානක ප්‍රතිප්‍රහාරවල අවදානම එන්න එන්නම වැඩිවීම හමුවේ එම ඉඩකඩ පවා තව තවත් තර්ජනයට ලක්වෙමින් පවතී. ඒ මානව හිමිකම් ආරක්ෂකයන් ද ප්‍රධාන ධාරාවේ මාධ්‍යවල මෙන්ම සමාජ මාධ්‍යවලද “ද්‍රෝහීන්” ලෙස හෙලා දකිනු ලැබේ.”
 
ශ්‍රී ලංකාව ජාත්‍යන්තර මානව හිමිකම් නීතියට අනුකූලව කටයුතු කරන්නේ දැයි පරීක්ෂා කර රටේ මානව හිමිකම් ආරක්ෂා කිරීම සහතික කරනු සඳහා ජාත්‍යන්තර ආයතන සහ තානාපති සේවාවන් විසින් පවතින තත්වය සම්බන්ධයෙන් කරගෙන යනු ලබන සෝදිසිය තවත් තීව්‍ර කරන ලෙස ලංකා ගුරු සංගමය මානව හිමිකම් පිලිබඳ එක්සත් ජාතීන්ගේ මහකොමසාරිස්වරියගෙන් තදින් ඉල්ලා සිටී. 
 
 
 

##################
 
කෞෂිගේ ලේකම් පත්වීම බොරුවක්!
 

 
පොහොර වැඩෙනුත් : ප්ලෑන් කරලා බැසිල්ව ඇන්නුවද ? 
 

logo

subscribeYT

subscribeYT

නවතම පුවත්