1200 x 80 DMirror
 
 

පොලීසිය විසින් නිරෝධායන පනතේ නීති රීති බලවතුන්ට වාසිදායක ලෙස යොදාගන්නා බවට වෛද්‍යවරුන්ගේ ප්‍රධානතම වෘත්තීය සංගමය චෝදනා කරයි.
 
"එහිදි, ඇතැම් බලගතු පාර්ශව සඳහා නිරෝධායන නීතිය ක්‍රියාත්මක කිරීම හා ප්‍රජාතන්ත්‍රවාදි උද්ඝෝෂණ වලට සහභාගි වන සිවිල් සංවිධාන නියෝජිතයන් උදෙසා නීතිය ක්‍රියාත්මක කිරීමේ පැහැදිලි පරස්පරතා දැකිය හැකි වෙයි."
 
සෞඛ්‍ය සේවා අධ්‍යක්ෂ ජනරාල්වරයා විසින් බලතල පවරා ඇති සෞඛ්‍ය නොවන බලධාරින් වන පොලීසිය  ප්‍රජාතන්ත්‍රවාදී අයිතීන් වෙනුවෙන් පෙනි සිටින උද්ඝෝෂණ මර්දනය කිරීම සඳහාත්, ජනතාව බිය ගන්වා එවන් උද්ඝෝෂණ මැඩපැවැත්වීම සඳහාත් එම නීති රීති  භාවිත කරන බවයි රජයේ වෛද්‍ය නිලධාරීන්ගේ සංගමය පවසන්නේ.
 
උසස් අධ්‍යාපනය හමුදාකරණය කිරීමට එරෙහිව අගනුවර දියත් කළ විරෝධතාවයකදී අත්අඩංගුවට ගෙන අධිකරණය විසින් ඇප නියම කළ වෘත්තීය සමිති නායක ජෝසප් ස්ටාලින් ඇතුළු පිරිසක් පොලීසිය විසින් බලහත්කාරයෙන් නිරෝධායනය නමින් මුලතිව් ගුවන් හමුදා කදවුර වෙත යවා තිබෙන මොහොතක රජයේ වෛද්‍ය නිලධාරීන්ගේ සංගමය මේ බව අවධාරණය කර තිබේ.
 
 
 senal
 
එම  සංගමයේ ලේකම් වෛද්‍ය සෙනාල් ප්‍රනාන්දු සෞඛ්‍ය සේවා අධ්‍යක්ෂ ජනරාල්වරයා වෙත ලිපියක් යොමු කරමින්   ඉල්ලා ඇත්තේ මේ පිළිබඳව ප්‍රමුඛ හා කඩිනම් අවධානය යොමු කොට පවත්නා මෙම අසතුටුදායක තත්වය  වහාම නිවැරදි කිරීම සඳහා පියවර ගන්නා ලෙසයි.
 
 
 
"නිරෝධායන නීති රීතින් පිළිබඳ ජනතා විශ්වාසය තහවුරු කිරීම" සිරස්තලයෙන් යුතුව යොමු කර තිබෙන එම ලිපියේ වැඩි දුරටත් සදහන්ව ඇත්තේ සෞඛ්‍ය සේවා අධ්‍යක්ෂ ජනරාල් ලෙසත්, නිරෝධායන පනතේ නීති රීතින් ක්‍රියාත්මක කිරීම සම්බන්ධයෙන් නිසි බලධරයා වශයෙනුත්, සමස්ත  රටම ඔහුගෙන් අපේක්ෂා කරනුයේ ජනතා විශ්වාසය සුරැකෙන අයුරින් අදාල පනතේ බලතල ක්‍රියාත්මක වනු දැකිම බවයි.
 
"එහිදි පනතේ විධි විධානයන් සියලු පාර්ශව වෙත ඒකාකාරි ලෙස සමානාත්මතාවයෙන් යුක්තව බලාත්මක කිරීම ප්‍රධාන වගකීමක් වෙයි. "
 
පනතේ බලතල විවිධ පාර්ශව වෙත පැවරිම මගින්ද අපේක්ෂා කරනුයේ ඒ අයගේද අපක්ෂපාති හැසිරීම හරහා ජනතා විශ්වාසය රැකෙන පරිදි අදාල බලතල ක්‍රියාවට නැංවීම බව වෛද්‍ය සෙනාල් ප්‍රනාන්දු සෞඛ්‍ය සේවා අධ්‍යක්ෂ ජනරාල්වරයාට ලියු ලිපියේ  සඳහන්ය.
 

 


 
 
THE LEADER TV 
 

ආණ්ඩුවට හිරු පත්තරේ විස්තරේ විෂ වෙලා!

 
කෞෂිගේ ලේකම් පත්වීම බොරුවක්!
 

logo

subscribeYT

subscribeYT

නවතම පුවත්