1200 x 80 DMirror
 
 

 මන්නාරම නගරයේ ස්ථාන කිහිපයක පිහිටි කතෝලික ශාන්තුවරයන්ගේ ප්‍රතිමා කඩා බිද දමා තිබේ. 
මන්නාරම් මහජන ක්‍රීඩාංගණය, රෝහල සහ පල්ලිමුනෛ මංසන්ධිය අසල පිහිටා තිබු  ශාන්ත අන්තෝනි ප්‍රතිමා කඩා බිඳ දමා ඇති අයුරු ප්‍රදේශවාසීන් දැක ඇත්තේ ඊයේ (14) උදෑසනය.
 
ඉකුත් දින කිහිපය පුරාම නගරයේ පිහිටි සුරුවම් වලට පහර එල්ල කිරීම් වාර්තා වූ අතර මේ වන විට ප්‍රහාර පහක් සිදුව තිබේ. ගල් ප්‍රහාර එල්ල කරමින් ඒවායේ වීදුරු කඩා දැමූ ප්‍රහාරකයන් මෙතෙක් හෙළිදරව් වී නොමැත.
 
එම ස්ථාන ආසන්නයේ ඇති සී සී ටී වී දර්ශන උපයෝගි කරගනිමින් වැඩිදුර පරීක්ෂණ පවත්වන බව මන්නාරම පොලීසිය පවසයි.
 
යුද්ධයෙන් දැඩි ලෙස පීඩාවට පත් ජනයා සිටින මන්නාරමේ යුද සමයෙන් පසු ගෙවී ගිය කාලයේ වරින් වර ආගම් විරෝධී ප්‍රහාර කිහිපයක් මන්නාරමින් වාර්තා විය.
 
සිරුනියේනෛ යාගම්පර් දේවස්ථානයේ සහ මැදවච්චිය පාරේ නොච්චිකුලම් කතෝලික දෙමළ මිශ්‍ර පාසල ඉදිරි පිට තිබු ශාන්තුවරයන්ගේ ප්‍රතිමාවක් ද මීට පෙර කඩා බිඳ දමා තිබිණි. 
 
2019 වසරේ මාර්තු 3 වැනිදා වාර්තා වුයේ මන්නාරම ශිව දේවස්ථානය ට ප්‍රහාරයක් එල්ල වූ බවයි. එහෙත් මෙම ආගම් විරෝධී ප්‍රහාර ගැන සාධාරණ පරීක්ෂණ පවත්වා වැරදි කරුවන්ට දඩුවම් දීමට පොලීසිය කටයුතු කර නැතැයි මන්නාරමේ බහුජන සංවිධාන නායකයෝ පවසති.
 
 
THE LEADER TV 
 
 

 
 
 
තෙල් නැතුව බැසිල් ඇවිලෙයි ! 
පොලිස් ඇමතිට වෙච්ච වැඩක් ! 

subscribeYT

subscribeYT

නවතම පුවත්