1200 x 80 DMirror
 
 

මාරාන්තික කොව්ඩ් වසංගතය පාලනය සදහා චීනය නිෂ්පාදනය කරන ප්‍රධාන ප්‍රතිශක්තීකරණ එන්නත් දෙක  සම්බන්ධයෙන් ශ්‍රී ලංකාවේ ඖෂධ විශේෂඥයන් දෙයාකාරයට ප්‍රතිචාර දක්වා තිබේ.
 
කොරෝනා වසංගතයේ ඩෙල්ටා ප්‍රභේදය හමුවේ සිනෝවැක්ස් දුර්වලතම එන්නතක් බවට ඖෂධ නියාමන අධිකාරියේ ස්වාධීන විශේෂඥ මඬුල්ල නිගමනය කරද්දී,  චීනයේ සීනෝෆාර්ම් එන්නත මාත්‍රා දෙකම ලබාගත් ශ්‍රී ලාංකිකයන්ගෙන් 95% ක් කොවිඩ් වෛරසයට ඉතා ඉහළ ප්‍රතිශක්තිකරණයක් දක්වන බව ශ්‍රී ජයවර්ධනපුර විශ්වවිද්‍යාලයේ පර්යේෂණ කණ්ඩායමක් විසින් ප්‍රකාශයට පත්කර තිබේ.
 
එම සරසවියේ  ප්‍රතිජීව විද්‍යා හා අණුක විද්‍යා අධ්‍යයන අංශයේ මහාචාර්ය නීලිකා මලවිගේ  හා ආචාර්ය චන්දිම ජීවන්දර  මෙරට සිදුකළ ජානමය අනුක්‍රමණ පරීක්ෂණ වලදී සීනෝෆාර්ම් එන්නත ලබාගත් පුද්ගලයන් ඩෙල්ටා කොවිඩ් වෛරස ප්‍රභේදයට එරෙහිව ඉතා ඉහළ ප්‍රතිශක්තිකරණයක් දක්වන බව සොයා ගන්නා ලදැයි එම විශ්වවිද්‍යාලය නිකුත් කළ නිවේදනයක දැක්වේ.
 
 
 111923466 148fad3e 242b 43c8 8798 f89790c8c045 
මහාචාර්ය නීලිකා මලවිගේ පසුගිය මාසයේ අවසන් වන තෙක් ඖෂධ නියාමන අධිකාරියේ  ස්වාධීන විශේෂඥ මඬුල්ලේ සාමාජිකාවක් ලෙස කටයුතු කළාය..
 
 
"පර්යේෂකයින් සීනෝෆාර්ම් එන්නත සඳහා ප්‍රතිශක්තිකරණ ප්‍රතිචාර පිළිබඳව සොයා බැලූ අතර, එන්නත ලබාගත් පුද්ගලයින්ගෙන් 95% කට වඩා කොවිඩ් වෛරසයට සාර්ථකව ප්‍රතිදේහ ප්‍රතිචාර දක්වන බව සොයා ගන්නා ලදී."
 
එම එන්නත ඩෙල්ටා වලට අමතරව බීටා කොවිඩ් වෛරස් ප්‍රභේදයන්ට එරෙහිවද ඉතා ඉහළ ප්‍රතිශක්තියක් පෙන්වන බව එම කණ්ඩායම සදහන් කරයි.
 
එම පර්යේෂණය සඳහා ශ්‍රී ජයවර්ධනපුර විශ්ව විද්‍යාලයේ ප්‍රතිජීව විද්‍යා හා අණුක විද්‍යා අධ්‍යයන අංශයේ පර්යේෂකයන්, ඔක්ස්ෆර්ඩ් විශ්ව විද්‍යාලයේ පර්යේෂකයන් හා කොළඹ මහ නගර සභාව සහභාගී වී තිබේ.
 
පර්යේෂණය සඳහා අරමුදල් සපයා ඇත්තේ  ලෝක සෞඛ්‍ය සංවිධානය, එක්සත් රාජධානියේ වෛද්‍ය පර්යේෂණ සභාව, විදේශ හා පොදුරාජ්‍ය මණ්ඩලීය කාර්යාලය, චීන වෛද්‍ය විද්‍යා ඇකඩමිය (CAMS) සහ වෛද්‍ය විද්‍යාව සඳහා නවෝත්පාදන අරමුදල (CIFMS) විසිනි.
 
 
සිනොවැක්ස් නිසා ඉල්ලා අස්වීම
 
 
චීනයේ නිශ්පාදිත සිනෝවැක්ස් එන්නත ශ්‍රී ලංකාවේ භාවිතයට අනුමැතිය ලබා දීම සදහා  ජාතික ඖෂධ නියාමන අධිකාරිය කටයුතු කිරීමෙන් පසුව ඖෂධ නියාමන අධිකාරියේ ස්වාධීන විශේෂඥ මඬුල්ලේ තවත් පාර්ශවකරුවන් තිදෙනකු පසුගියදා  ඉල්ලා අස් වී තිබුනි.
 
සාමාජිකයන් අට දෙනකුගෙන් සමන්විත වු මෙම විශේෂඥ කමිටුවේ ප්‍රතිශක්තිකරණය පිළිබඳ විශේෂඥ වෛද්‍ය රජීව ද සිල්වා, වෛරස්  විද්‍යාඥ වෛද්‍ය කාන්ති නානායක්කාර සහ මහාචාර්ය චන්න රණසිංහ මෙලෙස ඉල්ලා අස් වී ඇත.
 
 
professors 
 
විශේෂඥ වෛද්‍ය රජීව ද සිල්වා, වෛරස්  විද්‍යාඥ වෛද්‍ය කාන්ති නානායක්කාර සහ මහාචාර්ය චන්න රණසිංහ
 
 
ඉල්ලා අස් වීමට හේතු ලෙස ඔවුන් පෙන්වා දී තිබුනේ චීනයේ නිශ්පාදිත සිනෝවැක්ස් එන්නතට අනුමැතිය ලබා දීමට තමන් විරුද්ධ වී තිබියදීත් ජාතික ඖෂධ නියාමන අධිකාරිය එම එන්නත මෙරට භාවිතය සදහා අනුමැතිය ලබා දීම බවයි.
 
කොරෝනා වසංගතයේ ඩෙල්ටා ප්‍රබේදය හමුවේ සිනෝවැක්ස් එන්නත දුර්වලතම එන්නතක් බව ඖෂධ නියාමන අධිකාරියේ ස්වාධීන විශේෂඥ මඬුල්ල නිගමනය කර තිබු බව ජනමාධ්‍ය වාර්තා කර තිබේ.
 
කෝවිඩ් එන්නත් ලබාදීම සහ මිලදී ගැනීම සම්බන්ධ අර්බුද වාර්තා වන අතරවාරයේ  ඖෂධ නියාමන අධිකාරියේ  ස්වාධීන විශේෂඥ මඬුල්ලේ තවත් පාර්ශවකරුවන් දෙදෙනකු ද පසුගිය ජුනි මාසයේදී ඉල්ලා අස් වී තිබුනි.
 
කොළඹ උතුර (රාගම) වෛද්‍ය පීඨයට අනුයුක්ත ප්‍රජා වෛද්‍ය විශේෂඥ මහාචාර්ය අරුණාසලම් පද්මේශ්වරන් ජුනි මස මැදදී   ඉල්ලා අස්වූ අතර, ශ්‍රී ජයවර්ධනපුර වෛද්‍ය විද්‍යා පීඨයට අනුබද්ධ  ප්‍රතිශක්තීකරණය පිළිබද විශේෂඥ මහාචාර්ය නීලිකා මලවිගේ ඉල්ලා අස් වී තිබුනේ ජුනි මස අගදීය.
 
ඔවුන් ඉල්ලා අස් වී තිබුනේ  “පුද්ගලික හේතු” සහ “අධික වැඩ සම්භාරය” හේතු ලෙස දක්වමින් බව ජන මාධ්‍ය වාර්තා කර තිබේ.
 
 
 
 
 
 
 
සබැඳි පුවත් :
 
 
 
 
 
 
 
 
 
 
 
 
 
 
 
 
 
 
 
THE LEADER TV 
 
හඬපට ලීක් කරගෙන : පොලිස් ඇමති අමාරුවේ ! 
 
 
 
සයිනොෆාම් උස්සන ඉස්සිල්ල සැකයි! 
 
 

subscribeYT

subscribeYT

නවතම පුවත්