1200 x 80 DMirror
 
 

හිටපු අමාත්‍යවරයකුගේ කොළඹ නිවසක මෙහෙකාර සේවයේ යෙදි සිටියදී පිලිස්සී මිය ගිය දැරියකගේ සිරුර  ගොඩගෙන විශේෂඥ වෛද්‍ය මණ්ඩලයක් ඉදිරියේ නැවත පශ්චාත් මරණ පරික්ෂණයක් පවත්වන ලෙස
නුවරඑලිය මහේස්ත්‍රාත්  ලුෂාකා කුමාරි ධර්මකිර්ති පොලිසියට අද (29) නියෝග කළාය.
 
නීතිපතිවරයා වෙනුවෙන් පෙනී සිටි රජයේ ජේෂ්ඨ නීතිඥ හංස අබේරත්න  අධිකරණයට   දන්වා සිටියේ මියගිය ඉෂාලිනි ජුඩ් දැරියගේ සිරුර නුවරඑලිය අධිකරණ බල ප්‍රදේශයේ පිහිටි හැටන් ඩයගම බටහිර කොටසේ පිහිටි පොදු සුසාන භුමියේ භූමදාන කර ඇති නිසා  යලිත් ගොඩගැනිම නුවරඑලිය මහෙස්ත්‍රාත්වරියගේ අධික්ෂණය යටතේ සිදු කළ යුතු බවය.
 
 සිරුර ගොඩගෙන යලිත් පශ්චාත් මරණ පරික්ෂණයක් සිදු කරන ලෙස  කොළඹ මහෙස්ත්‍රාත් අධිකරණයෙන් ලබාදුන් නියෝගය පිළිබඳව වාර්තාවක් නුවරඑලිය මහෙස්ත්‍රාත් අධිකරණය හමුවේ ඉදිරිපත් කරමින් රජයේ නීතිඥවරයා මේ බව කියා සිටියේය.
 
 එම කරුණු සලකා බැලු නුවරඑලිය මහේස්ත්‍රාත් ලුෂාකා කුමාරි ධර්මකිර්ති  විසින් වසම භාර ග්‍රාමසේවා නිලධාරි සහ  මහජන සෞඛ්‍ය පරික්ෂකවරුන් ද සහභාගි කර ගනිමින් නිරෝධායන උපදෙස් වලට අනුකුලව විශේෂඥ වෛද්‍ය මණ්ඩලයක් ඉදිරියේදි මිය ගිය දැරියගේ සිරුර හෙට (30) දින උදැසන 8.30 ට ගොඩගෙන සිරුර දැඩි  ආරක්ෂාවක් යටතේ  පශ්චාත් මරණ පරික්ෂණය සදහා පේරාදෙණිය ශික්ෂණ රෝහල වෙත යොමු කරන ලෙස පොලිසියට නියෝග කළාය.
 
මෙම නඩුව කැදවු කොළඹ අපරාධ කොට්ඨාශයේ අධ්‍යක්ෂක සහකාර පොලිස් අධිකාරි නෙවිල් ද සිල්වා, කොළඹ දකුණ අපරාධ විමර්ෂණ අංශයේ ස්ථානාධිපති  ප්‍රධාන පොලිස් පරික්ෂක අජිත් කුමාර, කොළඹ දකුණ ළමා සහ කාන්තා කාර්යංශයේ ස්ථානාධිපතිනි ප්‍රධාන පොලිස් පරික්ෂක ඉනෝකා අධිකරණය හමුවේ පෙනි සිටියහ.
 
 
 
THE LEADER TV 
 
 
 
යසට හිටිය ගීතාට වෙච්ච දෙයක් !
 
 
 
 
ෆයිසර් වගේ දෙගුණයක් මිලට සයිනොෆාම් ගන්නේ ඇයි?
 

subscribeYT

subscribeYT

WhatsApp Image 2021 09 13 at 13.49.58