1200 x 80 DMirror
 
 

දොලොස්  වසරකට ඉහතදී බලහත්කාරයෙන් අතුරුදහන් කරන ලද සමීපතමයන් සොයා ගැනීම වෙනුවෙන්  ජාත්‍යන්තර මැදිහත්වීමක් ඉල්ලා නැගෙනහිර
පළාතේ විරෝධතාවයක් දියත් කර තිබේ.
 
අම්පාරේ තිරුක්කෝවිල් හි පිහිටි කුඩිනිලම් ගණ දෙවි කෝවිල ඉදිරිපිටදී අගෝස්තු 3 අගහරුවාදා පැවැති විරෝධතාවය සංවිධානය කර ඇත්තේ බලහත්කාරයෙන් අතුරුදහන් කළ පුද්ගලයන්ගේ පවුල් සංගමය විසිනි.
 
එම සංගමයේ අම්පාර දිස්ත්‍රික් නායිකා ටී. සෙල්වරාණි විරෝධතාවය අතරතුරදී මාධ්‍යවේදීන් සමග පවසා ඇත්තේ වසර දොළහක් තිස්සේ උතුරු නැගෙනහිර දිස්ත්‍රික් අටක් පුරා විරෝධතා රැසක් ක්‍රියාත්මක කළද ශ්‍රී ලංකාවේ කිසිදු රජයක් තමන්ට පිලිගත හැකි මට්ටමේ විසදුමක් ලබා දී නොමැති බවයි.
 
එබැවින් සිය සමීපතමයන් සොයා ගැනීම වෙනුවෙන් ජාත්‍යන්තර මැදිහත්වීමක් අපේක්ෂා කරන බව ඇය වැඩි දුරටත් අවධාරණය කර තිබේ.
 
  
ටී. සෙල්වරාණි මාතාව වැඩි දුරටත් පවසා ඇත්තේ වසර ගණනාවක් තිස්සේ උතුරු නැගෙනහිර මාතාවන් ඉල්ලා සිටින්නේ ඉබේම අතුරුදහන් වු පිරිසක් නොව රජය විසින් බලහත්කාරයෙන් අතුරුදහන් කළ සිය සමීපතමයන් බවයි.
 
 
යුද්ධය අවසන් මොහොතේ තමන් විසින්ම යුද හමුදාවට බාර දුන් දරුවන්ට මෙන්ම සැමියන්ට අත්වු ඉරණම දැන ගැනිමේ අයිතියක් ඔවුන්ට ඇති බවයි ඇය එහිදී වැඩි දුරටත් පවසා ඇත්තේ.
 
දොලොස් වසරකට ඉහතදී බලහත්කාරයෙන් අතුරුදහන් කරන ලද සිය සමීපතමයන් වෙනුවෙන් යුක්තිය ඉල්ලා සටන් වදින දෙමළ ජනතාව ධනයෙන් හා බලයෙන් යටපත් කිරීමට රජය උත්සාහ දරන බවට චෝදනා කරමින් උතුරු නැගෙනහිර පුරා පසු ගිය මාසයේ අවසානයේදී විරෝධතා මාලාවක් ද දියත් කර තිබුනි.
 
අතුරුදහන් කර සිටින සිය ඥාතීන්ගේ ඡායාරූප ද ප්‍රදර්ශනය කරමින් යාපනය, මුලතිව්, වව්නියා, මන්නාරම සහ මඩකලපුවේදී ජුලි 30 සිකුරාදා විරෝධතා දියත් වු බවයි පළාත් බද වාර්තාකරුවන් පවසන්නේ.
 
Mula 1 
 
යුද්ධයේ අවසාන දින වලදී ආරක්ෂක අංශ භාරයට පත් වීමෙන් පසුව හා යුද්ධයේ අවසන් මොහොතේ අතුරුදහන් වු තමන්ගේ ආදරණීයයන්ට අත්වූ ඉරණම හෙළි කරන ලෙස රජයට බල කරමින් 2017 වසරේ පෙබරවාරි සහ මාර්තු මාසවලදී වව්නියාව, කිලිනොච්චිය, යාපනය, මුලතිව්, ත්‍රිකුණාමලය සහ අම්පාර දිස්ත්‍රික්ක වල සත්‍යග්‍රහ ව්‍යාපාර ආරම්භ විය.
 
බලහත්කාරයෙන් අතුරුදහන් කර සිටින සිය සමීපතමයන් සොයා ගැනීම සදහා ජාත්‍යන්තර වශයෙන් යුක්තිය අපේක්ෂාවෙන් උතුරේ දියත් කර ඇති අඛණ්ඩ අරගලයට එක්ව සිටි දෙමාපියන් 90 දෙනකුට ආසන්න ප්‍රමාණයක් සිය දරුවන්ට අත්වු ඉරණම නොදැනම මේ වන විට දිවි ගමන නිමා කර තිබේ.
 
 
අම්පාරේ කාර්යාලයට ප්‍රහාරයක්:
 
  
යුද සමයේත් ඉන් පසුවත් අතුරුදහන් කරවන ලද පුද්ගලයන්ගේ පවුල් වල සාමාජිකයන් විසින් සිය සමීපතමයන් සොයා ගැනීමේ අරගලය වෙනුවෙන් නැගෙනහිර පළාතේ පිහිටුවා ඇති කාර්යාලයකට අලුත් ආණ්ඩුව පිහිටවූ දා එල්ල කළ ප්‍රහාරයක් සම්බන්ධයෙන් "කරුණාගේ රසිකයෝ" නම් කණ්ඩායමක් ගැන සැක මතුවී තිබුනි.
 
 
අම්පාරේ තිරුක්කෝවිල් හි පිහිටි බලහත්කාරයෙන් අතුරුදහන් වු පුද්ගලයන්ගේ පවුල් සංගමයේ කාර්යාලයට එම  ප්‍රහාරය එල්ල කර තිබුනේ 9 වැනි පාර්ලිමේන්තුවේ මංගල සභා වාරය ආරම්භ කළ  අගෝස්තු 20 බ්‍රහස්පතින්දා දිනයි.
 
ප්‍රහාරය එල්ල කළ පුද්ගලයන් විසින් කාර්යාලයේ නාම පුවරුව කඩා බිද දමා විනාශ කර ඇති අතර කාර්යාලයේ සාමාජිකයන්ටත් ලිඛිතව කළ තර්ජනයක් කාර්යාලය තුළ දමා ගොස් තිබු බව බලහත්කාරයෙන් අතුරුදහන් වු පුද්ගලයන්ගේ පවුල් සංගමය පවසා තිබුනි.
 
තර්ජනාත්මක සටහනේ අවසානයෙහි "කරුණාගේ රසිකයෝ" යනුවෙන් ද සටහන් කර තිබු බව බලහත්කාරයෙන් අතුරුදහන් කරවූ පුද්ගලයන්ගේ පවුල් සංගමය තිරුක්කෝවිල් පොලිසියට කරන ලද පැමිණිල්ලේ සඳහන් වෙයි.
 
නැගෙනහිර පළාතේ අතුරුදහන් කරවීම් සම්බන්ධයෙන් චෝදනා ලබන කරුණා නමින් ප්‍රකට විනයාගමුර්ති මුරලිදරන් අම්පාර දිස්ත්‍රික්කයෙන් මෙවර මහ මැතිවරණයට තරග වැදී පරාජයට පත් වූවෙකි.
 
ප්‍රහාරය හා තර්ජනය සම්බන්ධයෙන් එක්සත් ජාතීන්ගේ සංවිධානය හා රතු කුරුස සංවිධානය වෙතත් දන්වා ඇති අතර ශ්‍රී ලංකා මානව හිමිකම් කොමිසමටද පැමිණිලි කර තිබුනි.
 
 
 
 
සබැඳි පුවත් :
 
 
 
 
 
THE LEADER TV 
 
ගුරු නායකයන්ට කොටි ලේබල් අලවා දඩයමකට සැරසේ !
 
 
කොතලාවල පණතින් ආණ්ඩුව පුපුරයිද ?
 
 
 

subscribeYT

subscribeYT

WhatsApp Image 2021 09 13 at 13.49.58