හමුදාව බලෙන් පදිංචිවී සිටි මඩකලපුවේ ඉඩමක් ආපසු බාරදේ      

 

තිස්පස් වසරක් පුරා රජයේ හමුදා බලහත්කාරයෙන් වාඩිලා සිටි ඉඩමක් අද එහි හිමිකරුවන්ට බාර දී තිබේ. 

මඩකලපුව කුඹුරුමුලේ හමුදා කඳවුර පවත්වා ගෙන ගිය අක්කර 12 ක ඉඩම මෙසේ මුදා හැර තිබුනේ මඩකලපුව භාර හමුදා අණ දෙන නිලධාරි මේජර් ජෙනරාල් චන්න ජයසුරියගේ ප්‍රධානත්වයෙන් පැවති උත්සවයකදී ය.

 

80 දශකයේ රාජ්‍ය මුද්‍රණ නීතිගත සංස්ථාවට අයත්ව තිබු කුඹුරුමුලේ අක්කර 07 ක ඉඩමක හමුදාව වාඩිලා ගනිමින් හමුදා කඳවුර පිහිටුවා ගත් අතර පසුව එහි රැඳී සිට ඇත්තේ පොලිස් විශේෂ කාර්ය බලකාය යි. 

 

කඳවුර පුළුල් කරමින් ඊට ආසන්නයේ වූ මඩකළපු වැසියකුට අයත් අක්කර 05 ක ඉඩම ද බලහත්කාරයෙන් එක් කරගෙන තිබිණ.

 

පෞද්ගලික ඉඩම එහි හිමිකරුවන්ටත්, මුද්‍රණ සංස්ථාවට අයත් අක්කර 07 ක ඉඩම කෝරළේ පත්තු ප්‍රාදේශීය ලේකම් කේ. ධනපාල සුන්දරම් වෙත බාර කෙරිණි.