මෝචරි වල ඇති වී තිබෙන තදබදය නිසා මරණය වළක්වා ගැනීම සුදුසු බව
කොළඹ ජාතික රෝහලේ ප්රධාන හෙද පුහුණු නිලධාරිනී පුෂ්පා රම්යානි ද සොයිසා සඳහන් කරයි.
තම සමාජ ජාල ගිණුම් සටහනක් තබමින් ඇය මෙම ඉල්ලීම කර ඇත.
රජයෙන් අනතුරු ඇඟවීමක් ! : එළියට බහින්නවත් එපා !
මේ අතර රජයේ ප්රවෘත්ති අධ්යක්ෂ ජනරාල්වරයාගේ අත්සනින් නිකුත් කළ නිවේදනයක දැක්වෙන්නේ, ලොව අනෙකුත් රටවල් මෙන් මෙරටත් කොවිඩ්- 19 ඩෙල්ටා ප්රභේදය වේගයෙන් පැතිර යාම හමුවේ, සෑම පුද්ගලයෙකුම රෝගයට ගොදුරු වීමේ අවදානමකට මුහුණ පා සිටින බවයි.
ආසාදිතයින් වැඩි පිරිසකට දැඩි සත්කාර ඒකකවල ප්රතිකාර ගැනීමට සිදුවන අතර ආසාදිතයින්ගෙන් 1.5% පමණ ජීවිතක්ෂයට පත්වන බව ද එහි සඳහන් ය.
වෛරසයට ගොදුරු නොවී සිටීමට නම්, පහත උපදෙස් තරයේ පිළිපදින්නැයි, සෞඛ්ය බලධාරීන් උපුටා දක්වමින් රජයේ ප්රවෘත්ති දෙපාර්තමේන්තුව ජනතාවගෙන් ඉල්ලා සිටී.
හැකි ඉක්මනින් කොවිඩ් එන්නත ලබා ගන්න. (ලෝකයේ වැඩි පිරිසක් ජීවිත බේරා ගෙන ඇත්තේ, කොවිඩ් එන්නත ලබා ගැනීමෙනි)
අත්යාවශ්යම කාරණයකට මිස නිවසින් පිටතට නොයන්න.
සෙනග ගැවසෙන මංගල, අවමංගල හා වෙනත් උත්සවලට සහභාගී වීම සම්පූර්ණයෙන් ම නතර කරන්න.
පොදු ස්ථානයකට යන විට අනිවාර්යයෙන් ම මුව ආවරණය පළදින්න.
කාමර, ශාලා, විදුලිසෝපාන , වාහන වැනි ආවරණය කළ ස්ථානවල සෙනග සමග ගැවසීමෙන් වළකින්න.
විටින් විට සබන් යොදා දෑත් සෝදන්න.
අන්යයන් සමග මීටර 2කට වඩා දුරින් සිටින්න.
නිදන්ගත රෝග ඇත්නම්, රැකියාවට මිස නිකරුනේ නිවසින් පිටතට නොයන්න.
"අපි දැන්වත් හරි දේ නොකර, වසංගතය පාලනය කරන්න යන්නේ මේ විදිහටම නම් දෛනික මරණ සංඛ්යාව 200, 300 දක්වා ඉහළ යන්න පුළුවන්"
ඉදිරි සති දෙකකට පමණ පසු ශ්රී ලංකාවේ දිනකට සිදුවන මරණ සංඛ්යාව 150 දක්වා ඉහළ යනු ඇති බවට බෝවන රෝග පිළිබඳ විශේෂඥයෙක් අනතුරු අඟවයි.
එවැනි තත්ත්වයක් ඇති වීමට 90% ක පමණ ඉඩක් ඇතැයි දත්ත මගින් පෙන්නුම් කරන බව රජරට විශ්වවිද්යාලයේ ප්රජා වෛද්ය විද්යා අංශයේ මහාචාර්ය සුනෙත් අගම්පොඩි පවසයි.
එහෙත් එම මරණ සංඛ්යාව 200-300 දක්වා ඉහළ යාම වළකා ගැනීමට අප තවමත් ප්රමාද නැති බව යේල් විශ්වවිද්යාලයේ බෝවන රෝග පිළිබඳ විද්යාඥයෙකු වශයෙන් ද කටයුතු කරන මහාචාර්ය අගම්පොඩි පෙන්වා දෙයි.
"නමුත් පසුගිය කාලයේ අපේ ප්රමාදයන් නිසා, අපිට සෑහෙන ජීවිත ප්රමාණයක් නැති වුණා" යනුවෙන් ඔහු කියා සිටියේ BBC සිංහල සේවය සමග සාකච්ඡාවකට එක් වෙමිනි.
සබැඳි පුවත්
THE LEADER TV
ආණ්ඩුවට අවුරුද්දයි: චමල් PBව පතුරු ගසයි!
බොරු කියන්නේ ගෝඨා ද ? බැසිල් ද?